Mateo 8:2 - Sinia' Jlamtis 1994

² 'Nesat'ipi pak siupa i'nio' jiwatis jitio' po', yiyi ti t'akosayi kiajwe, ti iyo'ate: —'Yaka'niona, ka woyi, ts'ajane ti 'najane pi jiwone ka netiajnat 'ni iwit'ia.

Mateo 8:2 Iomraidhean Croise

Mateo 10:8

Jwajietajyi'n napo i'nio' je isis; ekiajlats'i pijia'm napo 'yajle'n; siunapo jiwatis jitio' po' kia'iyojliyi jalayi, siunie ki iyo ti wuj ti je 'es jitieyi'i ni Sinia' jla'yi napo i'nio'; nojwatak'i kisie'e siuniwa pini' yijits'i. 'Yina ti as'wajieta wek naka ti Sinia' iwi'nase'm lapakawo ti imp'elisina, ká awoye lajaye siuti kia'iyo jiwoyeyetaja naka.

Mateo 13:58

Siuti sek yi'i, yi'i jawak isi'il, Jesús je wuj ka 'wenkina siukiwa wask'i'nelaja japo i'nio' siuki iyo'ni ti yisilietk'i'ni, lapakawo ti 'yakakiuyis.

Mateo 14:33

Jakayi'ne siojopo ijia yiji jlaja kasejkana, t'opiyeyis kiajwe ti iyunitis iyoyeyis 'ate: —¡Ijiatp'ane ti Sinia' jlajts'a'm!

Mateo 15:25

Je takajla jlajak i'nioki, t'akosjlete'l itiyeyijin kiajwe ja Jesús ti iyo'ate: —¡'Yaka'niona, noyijk'i'm!

Mateo 18:26

Pak siupa i'nio' yam'ne ti t'akos kiajwe pa jika anechiyas ti inip'elisine, ti iyo'ate, “¡'Yaka'niona, nilayiti kiu' wekie'e. Je ijiatna'a ka je itijwi jakia ikapia'!”

Mateo 2:11

'Yuyeyisi, i'winis'ne pa kia'le siu'neje japa jlet, sekyi'i ti t'akosjlete'l itiyeyisijin kiajwe ti iyunitis. 'Yajlinitiek'i ape'e puwa jikijmatis, iyoyeyi 'wajietisa' puwa wikinie maja ti 'najli siu'neje pa incienso, siu'neje pa mirra.

Mateo 20:20

Siujlieja Zebedeo k'iemjla ijioyi ja Jesús ti jla'yis japo jilis Santiago siu'neje ja Juan. Yiyi ja Jesús ti t'akosjlete'l itiyeyijin kiajwe, ti ti'yasane siupi iyo kawoyi.

Mateo 26:6

Ti Jesús yi' Betániaja, yijap jak i'niope jle' iyo'ate Simón, tiwonaja'ni 'ate Inkiso'l Jitio' Lianik.

Mateo 28:17

Sekyi'i ti ini'wenayisi ja Jesús iyunitis'ne. Ijiate po' siojopo i'winatajas, 'yina je ijiate paka inwoyisi ka je inkakiuyis.

Mateo 28:9

'Yina ti yiji ki ji'niayi japo asejnia, Jesús ini'wenkijnam'ne, sekyi'i iyone 'ate, ti itijwila: —Kamaja. I'winis jiwek ta'a ti yamisi ti iyunitis, its'iewayisiap jawa jisietis.

Mateo 4:9

Iyone'ne 'ate: —Japijlanit'ia 'niwaka ti jawi'na'm, siuti akosjlete'l jateyiji'n isiajwe, jla'yi ti ja siwunit.

Mateo 8:1

'Loj papo i'nio' yamk'i ja Jesús, ti 'nesat'ipi ti taj'l ape'e japa tikijnaki.

Mateo 8:25

Yamat'i'nijpe papo t'eyasajnas ti 'yujwatis'ni. Iyonat'iyisijpe 'ate: —¡'Yaka'niona, kas'manit. Janajk'i isia'm!

Mateo 9:18

Jesús je iliyi ti takamtijnien'ni, ti 'nesa jak i'nio' Judío ti anechiyas. T'akosjlete'l itiyeyijin kiajwe, sekyi'i iyo'ne 'ate: —Yase' jakia je pajk'iyi ti 'ya'al. 'Yina najna'a ja'yenaja. Akio' enna'a ape'e, ja'wasana.

Lucas 4:27

Kia'iyojliyi siupuwa jlomast'ipi siupa Eliseo ti injwejlanik jiwo t'ipi pet, 'loj papo inkiso'ol jitio' yi'i, 'yina je tijwajyi pi jiwet'ia iyo, pakatajat'ipi jla'am pa Naamán siupa Siria jlele ti tijwa'.

Juan 9:38

Sekyi'i'ne ja i'nio' takosjlete'l itiyeyiji'n kiajwe, iyo'ne 'ate: —Je akakiu, ni 'yaka'niona.

Hechos 10:14

Pedro isiujlie ti iyo'ate: —Je'e, 'ni 'Yaka'niona, yam je atojwe paka je t'otata, siunie je 'es ka titiuwa.

Hechos 10:25

Pedro ti yiyet'iyipi ja ji'wet ja Cornelio, yamat'ipi ilia'm, yiyi ti t'akosjlete'l itiyet'iyijimpe kiajwe ti ijwi'il ka iwunit.

1 Corintios 14:25

'Yina ja lajak'ipa kamp'one pi iyo ni jlosik ti je 'es, sekjane'yi ka t'akosayijna'a kiajwe pi Sinia' ti janwunit, ti jiwekie'ejana'a ka je inkakiuni ti ijiate ti yisajap pi Sinia'.

Apocalipsis 19:10

Sek 'opiyeyi kiajwe ja injlojwanik poli jlele ti ajwelta ka iyunit, 'yina je sen'na 'ate. Sek iyonk'i 'ate: —¡Kiak ká awonk'i! Sinia' jikawok'i'm jiwek pet, awo'ate jiwoyi, iyo'neje siunapo a'lejwas ti je iliyi ti ijwi'il ni Jesús. Jla'm ijiate ka awunit ni Sinia'. Kajeyepa ti siunie Jesús ji'lij iwijna'm, napoka jijwejlanawos pet iyoyisi pet jlamtikie' siunie Sinia' tajle.