Mateo 8:11 - Sinia' Jlamtis 1994

¹¹ Jajwi'lase'm 'neje ti ja 'lojwa siunapo i'nio' tal 'niji taj'le ni kilie', siu'neje napo tal 'niji ijio'we ni kilie', janam'ni ti jankijwanisi ni Abraham siu'neje ni Isaac, jla'yi ni Jacob ti jan'yekiujni'n, ts'iji yi'i ni jika anechijiayas ni Sinia'.

Mateo 8:11 Iomraidhean Croise

Mateo 21:41

Isiujlisie'ne ti iyo'ate: —Ja ke inaj'wite kanlajne'n papoka, kajeyepa ti laj jlosikisie'; ka iwoyejyinna'a papo ti jank'iuyet'e, siupapo japoye jla'm japa janlesan'ni k'iye, ti takawijnanata.

Mateo 24:31

Sek jane'yi ka pesiejayinie'e jana 'woso', ni jla'lap jawo ti ja pesiejayi. Siunie I'nio' Jlas ka injloyena'a napo jijliujwajnas poli jlele ti jajnotk'i wita'm siunapo i'nio' pajk'i ti i'winakit ti isi'mik'i, taj'le ni kilie', siu'neje ni 'yu'yi ni kilie', jla'yi 'niji yi'i ni iniwuk, siu'neje 'niji wikinaja, jla'yi 'niji yi'i ni tajlap'e 'ni ajnat, jla'yi 'niji jla'a ni ajnat.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 8:10

Jesús kawojlijinipi ti ipi'yayejampe, iyone'ne 'ate siupapo i'nio' yamk'i: —Ijiatk'i siunie jayo ti jajwi'lase'm, ti je a'we'en paka Israel jleleye ka kia'iwo 'ate siu'nie, ti ijiate ti jitienkiujnieye po'.

Lucas 12:37

Wuj wata'a ti tipejnik'i siunapo inkawos ti je imiak'iji'n ti 'nesata ni anechiyas. Ijiatk'i siunie ajwe'lase'm, 'yejne'n, je jwel ka anechiyas je intane, jan'yase ka intaye ape'e japa inak totieja ape'e, je jwel ka je jlama jla'am ti jansajiamk'i k'iye pi jlak puwa jika teti'l siuti jan'yekiujni'n.

Lucas 16:22

“Yit'iyipe japa jloma ti 'yalat'ipi pak p'ijliusie, siupapo injlojwajnas poli jlele nami'ni ti ijioyiji pa Abraham ti yi'i pa Sinia' ji'wet. Siupa i'nio' inkaje' ti 'yalat'ipi pet, 'yina titijik'ne k'iye.

Hechos 10:45

Sinia' jilis siupapo namk'i ja Pedro, ti i'wina siupapo je Judíojos ti Sinia' jikimet tisaye ape'e, jlam jnots'inijits'i'ni,

Hechos 11:18

Siupapo Sinia' jilis ti ipi'yaye ja Pedro ti kia'iyo, its'iuyet'iyisk'ipe 'ate, iyunitisie pa Sinia' ti iyo'ate: —¡Ijiatp'aneje ti Sinia' iyo pet ka iwo jlosikis ink'iejyisa', ka poye jana ji'wasankiye ti laj jlaja, napo je Judíojos!

Hechos 14:22

'Yakela papo i'nio' sek ji'wet'e ti iyone'ate: —Je pajna'a ka aleyeyi ti astaj jiwomayi ni Saka'niona, lapakawo ti siunie i'nio' ni iyo ka ijnoyi ni Sinia' jika anechijiayas wuj ti janilayiti, niwa jiwet'iaye ti jajnoyi.

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

1 Corintios 15:20

'Yina ijiate ti Sijwajieti iniu kisie'e ti tajli pi a'no', 'yina jla'am ti iniane k'iye siunapo 'yajle'n ti kia'iyo janok'i kisie'e ts'ijiye.

1 Corintios 6:9

¿Jet'i 'najanayi paka wonayi ti siunapo i'nio' ti iyoyi ni je 'es, je 'yu'we kanejyi siunie Sinia' jika anechijiayas? Ká anik'emijietayi naka, jlam'ne siunapo iyoyi naka, ti 'yuyijk'i'ni napo ijiajwa'yis, siu'neje napo jitiej iyoma siuniwa iyo jika diosisa', siu'neje napo ti ijioyijin'ni japa ti je k'iemjla, siu'neje napo ti iyoyi ni siunie ti wuj ti je 'es ti ayijniesk'i wita'm,

Efesios 3:6

'Naka siu'nie ti Sinia' ip'io'n ape'e ti ka lajak'i niwa Sinia' jlamtis ti ijwi'il ni injwajieti. It'imina 'nakayi napo ti je Judíojos kia'iyo jikimetayis pet siuniwa isis wask'i'nelaja tajle pi Sinia' ti jla'm ilisan'ni k'iye napo jilis, iyo'ate iyo napo Judíojos. Je pi iyoye 'ate ti pajk'i, ti ijiate ti 'wenayiji ijiaja napo Judíojos. Jak je iyoyi siunie Sinia' pajk'i ti ijwil'ni, kia'iyoyeyi pit tijnaye'e pet, 'yina ti pakayi pet ti Sijwajieti Jesús iyoyeyi siupi iyo.

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.

2 Tesalonicenses 1:5

Naka ti 'yakajanit ti ijiate ti je niliak siunie Sinia' jikijmaye iyone, ti i'ye'en ni i'nio' siunie jitis iyoyi, ka ijiatayijijna'a ti ja as'nayi japoye yi'i ni ji'wet ti iyo anechiyasa', ti naka ti it'imina siunie iyo ti wuj ti janilayitieyi siunie jloma.

Apocalipsis 7:6

Jlampet siunapo tajla'm pet siunapo Aser jika kia'lis kia'iyo doce mil. Jlampet siunapo tajla'm napo Neftalí jika kia'lis kia'iyo doce mil. Siunapo tajla'm pet napo Manasés jika kia'lis kia'iyojliyi doce mil.