Mateo 7:11 - Sinia' Jlamtis 1994

¹¹ “Ijwil ka woyeyi ti asa'am ti je insisie', as t'ajla'a'm pa k'iejliyi ka kia'iwo ka jiniliakie pa ka ena kiojyi. ¿Tepi iyo pi Asna' pi yi' poliyi? ¡Jla'm ijiatayi jla'm ti 'yu'we ti janwejna'm ni siuniwa wask'i'nelaja isis siunapo t'ajle!

Mateo 7:11 Iomraidhean Croise

Mateo 23:9

Siu'neje ti ja ke awoyeyi asnaye pa ka ne'yi kane ajnat'e. Jwankita jla'am siunie ijiate ti Asnayi, ti yi' poliyi.

Mateo 7:10

ni'ne ka t'ajlijyin'ni pa si'yus, 'yina ka nena kiojyi ni injla?

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Romanos 3:19

'Nak siunie Sinia' jlamtis ijwi'il. Kasts'ajane pa awonaja ti siuniwa Sinia' jlamtis yi'i ni ji'wet napok ijwi'il siunapo ti iyoyi, 'nakayi ti ja lajak'ipa ka intamti ka wo'ate, “Ya'am laj itisa'”, jla'yi ti ja wikie'eyeyi ti Sinia' ja ke injla'an ti jan'ye'en siunie jitis iyo.

Romanos 3:9

Siuti kia'iyo, ¿ti sa'am ti Judíojosts'e'm samt'e ti a'na ape'e siunapo 'wenayi? ¡Jeyi! Jlam'ne pajk'i ti a'wena ti sam ti Judíojosts'e'm, siu'neje napo ti je Judíojos, lajk'iyipa ka int'ane pijia'm. Kasjnojlits'i ti awak kiajwe ni siunie je 'es.

Romanos 8:32

Jlam'ne Sinia' je yints'e'm ki jlas, sekyi'i yikiajle ni jiliaye iyo ti tiliana 'nakayi ti ja kasts'isisi. 'Yina siuti kia'iyo, ¿tepa jawo ka je iwents'e'm wikie'eyi niwa wask'i'nelaja?

Gálatas 3:22

Sinia' jlamtis ijwi'il ti iyo'ate wikie'eyi napo i'nio' ti siunie inke' jikipijnas, 'yina jlam je iyo. Jak je iyoyi siunapo ti je 'yakakiu pi Sijwajieti Jesús, napoka ti Sinia' janwejna'm siunie ti pajk'i ti ijwi'il.

Santiago 1:17

Jlam'ne je kiak iyo; 'yejne'n siuniwa isis ti Sinia' iwints'e'm ti iyoyi si'wajieta', je tajle pa ka jikiechaye, 'wenajliyi ti tajle jla'am pi Sinia' ti yi' poliyi ti ilisane ni kilie', siu'neje ni we'la, katese'l kia'iyojliyi. Jlam ti je iyo'ate ni siuniwa jilisajna' ti yiyi ts'iji inetia'n ni siunie iyo ti 'nlanjie'e, siunie yi'i ni Sinia', je paj ka int'eki.

1 Jn 3:1

'Yena ki iyo ni jlemijnaye ni Sinia' ti je jlase' ti yints'e'm; yamitits'eme ti iyo jilisats'e'm. Ijiatjliyi sa'am ti Sinia' jilists'e'm. Tempi it'imina siunapo tajle pet ni ajnat ti je itiant'iets'e, kajeyepa ti je itiant'iejesi pi Sinia'.

1 Jn 4:10

Nak jitis ni siunie inemijnaye: 'yina je sam'ne ka inianaja pi Sinia' ka yimina, jla'am ti iniane ti kassemijne'n. It'imina'ne ti ijliu' pi jlas ka iniwen sitipe'e ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni.