Mateo 6:6 - Sinia' Jlamtis 1994

⁶ Siuti a'am ti jawo 'ajlayeja', jajoyena'a 'wuk kiajwe, sekjane'yi ja p'onajamna'a ka ne'yi japa jane'yi niwa jitiojwa'l jana a'wuk, ka sek enayi'ina'a ti jawo 'ajlayeja', ti janjwanjliyiji'n ni Asna' ti je ti'wena, ti sek yi'i. Siunie Asna' ti i'wi'in ni jiwoyi ti jinijwekieyi, janwe'nase'm pet ni as'wajieta'.

Mateo 6:6 Iomraidhean Croise

Mateo 14:23

Itime ti isie kiojiamk'i japo i'nio', sekyi'i Jesús ijioye ape'e jlaja tikijnaki, ti iyo t'ajlayeja'. Paj ti ajnaja ijwienjli jla'am ja Jesús ti sekyi'i ape'e jlaja tikijnaki.

Hechos 9:40

Pedro iyone'ne 'ate papo, ti ijliuk'i kisie'e: —¡Noyek'i kiu kisie'e! Sekyi'i pa Pedro t'akosjlete'l itiyyiji'n, iyoyet'ipi t'ajlayeja'. Jitiej itieteje'ni siujlieja i'nioki masa, ti iyo'ate: —¡Tabita, neppijia'm! I'yenat'ipi kisie'e, i'win jiwekie'e ja Pedro, ti ijialasat'ipi ka ineppijia'm.

Mateo 6:18

'nakayi ti ja ke intejnisie'a'm napo i'nio' kiak jiniwone. Janajatajana'a jla'am ni Asna' ni je 'yaka ape'e, ti yi' asap ti ja 'najane. Jla'am ti i'wine siunie jiwoye ti jinijwekieyi, janwe'nase'm ni as'wajieta'.

Hechos 10:9

Siupa ti jlomayet'ijyi, siuti 'najlikiyeta, jlampa majleyet'ipi ka 'nesisi siupi ijioyisi, Pedro ijio ape'e siojopa 'wuk tomi pijia'm, ti iyo t'ajlayeja'.

Efesios 3:14

'Nak it'imina ti 'yakosjlete'l ateyijin kiajwe pi Sinia' ti awo 'yejlayeja',

Romanos 8:5

Siunapo i'nio' ti iyoyi jijliak'aliye siuniwa ti tajle ni i'nio', niwaka jlampet siuniwa ti itiliajasi ti iyoyisi jitienkiujnieyeja'. Jlampet siunapo ti yimi'n ti its'iuye janak Sinia' jikimet, niwakata pet siuniwa tajle pit naka ti iyoyi jitienkiujnieyeja'.

Hechos 10:30

Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Juan 1:48

Natanael isiujlie'ne pet ti iyo'ate: —¿Yot'iyi'ni ti intant'iejk'i? Jesús isiujlie ti iyo'ate: —Pajk'i ta'a ti a'we'na, ti Felipe je ijiojli'ajyi, ti jle kiajwe jlaja higok.

Juan 20:17

Jesús iyo'ne 'ate: —Akio' lank'i'm, mawat je ajojliyi'ijyi ni Inia'. Maj kiu' wekie'e ka ajwele japo i'lijwas, jwejla'm ti jajioyi kiu' ni Inia', siunie Asna' pet.