Mateo 6:2 - Sinia' Jlamtis 1994

² “Siuti janoyeje napo p'ijliusis ti jawo 'wajieta', ká ane'ni ka ajwele ape'e napo i'nio', ká aniwone 'ate napok i'nio' ti sintijyis ti initoniti'n. Jak je iyoyi ti yiyeta 'najla'wetise, 'ni'ne ti yijits'i niwa jika'wulis jana isi', ti iyoyeta 'wajieta' napo p'ijliusis, yinayi jitieyi'i napo i'nio', ti jla'm iyo ka ti'wena ka tonitieje siunie iyoyisi. Ijiate siunie jayoyi jlam je awo, nak it'imina'aja ti ikajli naka, ti siunapo i'nio' ti ijiunitis.

Mateo 6:2 Iomraidhean Croise

Mateo 15:7

¡Ijnoski'lanajyin wata'a! Jlamt'i je iyopi pa Sinia' jijwejlanik jiwo Isaías, siuniwa jlamtis ti injwela ti iyo'ate:

Mateo 16:3

Jlampet ti k'iejlimot ti ji'wena' na poli ti isiatajajam'n, jiwoyeye'eje 'ate, “Jloma ja ke 'esie.” Jlam'ne 'najanayi ti ji'wena' ni poli, ti k'iejliyi'ijyi ni ja'wena' je int'ayeyiji'n, ¿yot'iyi'ni ti je 'najanayi paka wonayi siu'niwa 'yakaj 'nakayi?

Mateo 22:18

Jesús 'yijene ta'a pi iyone ti jlam tiwonaja, sekyi'i iyone'ne 'ate: —¡Ijnoski'lanajyi'n wata'a! ¿Yot'iyi'ni ti jiwoyeyi ka sejlita?

Mateo 23:5

“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Mateo 23:6

Siuti ijioyetajas inlakijnieyeje, je 'nenisi ka je inses puwa ka ineyits'iji'n, siu'neje ti ijioyetajas kiajwe jana 'najla'wet, i'yenijits'i niwak in'wetis niwa isis ti iyojonk'iye ka ti'wena.

Mateo 24:51

'Yina ja wujwa ti jansa'a, jank'aj'ni nak jikawo, sek jane'yi ka intatayijinie'e siunie jiliaye jane'yi pet napok siunapo i'nio' ti ijiuski'lajne'n, ka sek ineye'ena'a ni jawo ni jlajlas, kajeyepa ti ja wujwa ti ja a'tieja.

Mateo 5:18

Ijiatk'i siu'nie jayo, siuti je netianjli'ijyi ni poli siu'neje 'ni ajnat, kia'iyo ja ke inetia'n nak Moisés jika'neyasajnaye tiwet'ianaja ka janajata jana inkajwukis, siu'neje niwa sajmelaja'n ka netia'n, paj ka ineyeyinie'e siojona jloma ti ja 'nakaj siuniwa iyo ti ijwi'il.

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 6:3

Siuti jiniuyeje ni p'ijliusie ti jiwo 'wajieta', nijweki. Ká awoyi jika'niyejayi ni akio' ni a'la'm siunie iyo ni jikijmaye ni ajweye. Ja'nakayeyijna'a ni Asna' ti i'wi'in niwaka ti jijwekieyi ti jiwoyeyi janwe'na'm pet ni as'wajieta'.

Mateo 6:5

“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.

Mateo 7:5

¡Jikalakijienat'itie! Ninajnat ka ti'yenaja ak'ioye ni atolkiot, ti jla'm ijiate ti wujwe, ni a'lawa ti yiji jana atate, ja 'nakayeyijna'a ka'wenayijna'a ti jaton kisie'e ni akiecha tiolkiot, ni jop jlosili.

Marcos 12:39

Jlampet ti yiyis kiajwe siuniwa 'najla'wetis je wus, je 'neni ka je ineyits'ik'iji'n siuniwa in'wetis ti isis, siu'neje ti ijioyi japa inlakijnieye ti iyo ka ti'wena.

Marcos 7:6

Jesús isiujlie ti iyo'ate: —Jlamp'an je iyopi pa injwejlanik jiwo t'ipi Isaías ti injwela ti ijnoski'lanajyi'n, ti iyo'ate, ti 'yiti' pa jip'esinik: “Siunapo i'nio' ti ijwi'l ka siwunitis, jla'm ji'lijik'i wek jlam'ne ki iyo ni jlosik je jnanjli'ni ijiap.

Lucas 11:41

Siuti jawoye 'wajieta' pa jane'yi pa, 'esijyi ka ijiatayiji ka intajle ni ajosik ti 'es, 'nakayeyipe ti ja 'esie siunie jawoyeyi.

Lucas 11:43

“¡Aswet'ia japoye asa'am ti Fariséojosts'ase'm! Yi'i puwa 'najla'wetis ti jleyeta kiajwe, je i'nenieyi ka je awaye'yiji'n siuniwa in'wetis ti jiniliaja, ti jiwoyeyi ka in'wena napo i'nio'. Jiwoyejyink'iye ka titijwila'ase'm ti jleyeyeta isija'm, ka i'nio' inwunitie, ti ti'wenajata aselia'm.

Lucas 12:33

Wena'ni siuniwa ji'wena askijmatis. Siojona ja lajaye ka wenajiamk'ina'a pet siunapo i'nio' p'ijliusis. Enajyits'i niwa aselijyis siuniwa ji'niayi itio'yi, akijmatis ti ja ke paja ka netia'n ts'ijiye poliyi.

Lucas 12:56

¡Ijnoski'lanajyi'n! Ijiate 'najanayi ti ji'yena' siuniwa k'iejliyi ti 'lan poliyi, jla'yi ti 'najanayi pi jiwonayi siuniwa yi' pet ajnat'e, ¿yot'iyi'ni ka je 'najanayi paka wonayi siuniwa wask'i'nelaja siunie jawo niwa jlomas atayeje?

Lucas 13:15

Saka'niona isiujlie ti iyo'ate: —¡Sintijyisat'itie'ase'm! Siojona jloma ti i'nio 'wanjlijyi'n, ¿jilienajyi'ijyi niwa aslajwas wakiajas ti inkijmayewos, ni'ne ti malekiatiok pa, jloyeyi i'niate ti ji'yayina? ¿Mi ijiate?

Lucas 20:46

—Joskiyeyi napoka napo taka'neyasane na Moisés jika'neyasajnaye. Yiminis ti 'yuts'iji'n niwa ji'wuye ti itiojyits'i ti t'iskiunietak'iji'n. Iyotaja ka titijwilaja, ka tiwunitie. Ti yiyetajas kiajwe niwa 'najla'wetis, je iyojonk'iye ka je inses puwaka ji'wetisa' kajeyepa ti iyo ka ti'wena. Ti ijioyi jana inlakijnieye kia'iyojliyi.

Lucas 6:24

“¡Jlampet ti asa'am ti jwajla'a ji'wena', aswet'ia japoye, ja wujwa wata'a ti jamp'elisisa', 'yina ti janek 'niji ti ji'wena' siunie 'es ti yi'ase!

Lucas 6:42

Ni'ne ka awone 'ate ni akiecha, “Se'nate ja ijialas ni atolkiot.” ¡Ijiate wata'a ti ijnoski'la'n! Najnat ka aton kisie'e ni yiji jana atate ti atolkiot, sekjane'yi ka jiwekie'ejana'a pet ka 'esieyiji ka 'yene ni jitiolkiot ni akiecha, kajeyepa ti ja 'esieyiji ti ja'yen ts'ijiye.

Juan 13:29

'Yina ijia itijnistiejesi ka poye paka kanwejnamk'i japo p'ijliusis, ni'ne ka neki paka intajieta siojokia inlakijnieye, kajeyepa ti jlam ti tijna'yi siujlieja ineli wikiniet'awe.

Juan 5:41

“Ejlowekie'e ti je seminata napo i'nio', je awoyi ijliak'aliye.

Juan 5:44

¿Tepa t'e jawo ka je sakakiuye siunie ajwe'el, ti asama'yasa'm ti jininekiajlayi ti jiniwunitie, jlam'ne ka woyejyi'n jla'am ka ijnonitie' pi Sinia' ti pakata?

Juan 7:18

Siunie i'nio' iyojonk'iye ka tonitie je k'iejliyi paka inwo, najata jla'am iyo siunie tajle. Jlam'ne pet siunie ti iyojonk'iye ka tonitie siunie i'nio' sijliu', nak ijiatk'i siunie iyo jlamtikie'; ka ne ts'ijiye ka jla'am iwo siunie taka'neyasane.

Hechos 10:2

Jak i'nio' ti t'oniye 'es, iyunit pa Sinia', ji'wet jlele kia'iyojliyi. Wuj japa wikiniet'aj itijwe'e'ni ti iniuyeje papo Judíojos. Jlomas ti iyo t'ajlayeja'.

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.

Hechos 10:4

Cornelio jla'm i'yen'ni jiwekie'e pa injlojwanik poli jlele, kajeyepa ti jnots'ijni. I'yasen'ne ti iyo'ate: —¿Yot'iyi'ni, 'Yaka'niona? Siupa injlojwanik poli jlele isiujlie ti iyo'ate: —'Esiji, Sinia' itiliaja siunie jiwoyi ti jiniuyeje napo p'ijliusis, 'yina isi'm ilia'm naka.

Hechos 24:17

“Siukiwa najkapis yamts'iji, wuj ti askiujni'n ti atejwits'i niwa ajnatis, 'yina pa k'iet'iyik'ipe ti apilie'eje ika ajnate ti ekiajle japo i'lijwas siojokia ijiutis wita'm japo ijia ti iyo 'wajietiye. Sekyi'i ajo 'najla'wet wujwe ti ani'notatiji k'iye pa Sinia', iyo ki Moisés jika'neyasajnaye iyo ka tiwoki, jla'yi ti ekiajle siukia a'we'en pa Sinia'. Lajatak'iyipe papo i'nioye, jla'yi ti lajk'ipa k'iejliyeyi, ti iyo ti kijlami, ti jlam pak iyots'i'ni. 'Yina jlampa iyoyep'ampe 'ate siojopo Judíojos tal Ásiaja si'wenis'ne ti a 'najla'wete. Japoka'ne siojopo ti 'esiji'ne ti nam'ni ka injwelis siupa itiajlatisk'i'm ti tejeyis ijyilia'm.

Hechos 9:36

Pope jlaja asejnia ti Sinia' jlase' yi'i jlaja isi' Jope, jle' iyo'ate Tabita, (Griego ji'lij pet iyo'ate Dorcas). Wuj ti 'es siupa iyo ti iniuyeje papo p'ijliusis.

Romanos 12:8

Siuti a'm ti jiniuyeje'ni napo a'lejwas ti jikela'ni, ká aleyi ti jikela'ni. Siuti k'iejliyi pa jiwejna'm ni akiecha, 'esiji ka intajla'm ni ajosik ti 'es siunie jiwoyi. Siuka tijniejieta'a'm ka 'yena siunapo Sinia' jilis, 'esiji ka wujwa ka'yena. Siuti tijniejieta'a'm ka p'elisijne'n napo a'lejwas, nikanit'i siuti jiwoyetaja ni akijmaye.

1 Corintios 13:3

'Wanjliyi ka iyo ka iwijna'm siuniwa isijmatis a'we'en napo p'ijliusis, 'wanjliyi 'neje ka iyo ka iyikial 'ni 'yajwes ka jwat ts'otieje'ni, siuti laj yimijnayeja', ijiate ti lajk'ipa ka ts'esi.

Gálatas 2:10

Ti yinayisi ape'e iyoyis'ne 'ate, “Astaj wunitieyipe pet siunapo i'nio' p'ijliusis pet, ti yi' asap.” Sekyi'i ti kiak awo'ni pet, “Ijiatp'ane, 'esiji.” Jlam'ne jlam pajk'i ta'a ti isiowe ka iniuyeje napoka.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.

1 Tesalonicenses 2:6

Je naka ka iyokijyi'n ka kassonitie ka kasses, ka awoyeyi aska anechiyasasiets'i'm, ni'ne ka napokaye ijia.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

Filemón 1:7

Isiecha, wuj ti ts'ajkaj'ni, ti ajieye'a ti emijnaye jle'ne siunapo Sinia' jilis pet, jla'yi ti jiniuyijk'i'm, it'imina ti yaka inejiem pijia'm 'ni ijiusik. Kia'iyojliyi pit ti jlamis, a'm ti jit'imina, ki iyo ti po' ni jinikanitieye.

Hebreos 13:16

Astaj wunitieyijpe siunie ti janoyeyeje napo as'lejwas, nikat'inieyi siunie ji'wena. 'Yina ti naka ti Sinia' inka'a ti i'winata ti kiak iyoyi, siu'neje ti jla'am ti jlekiajlayi ti 'yaka'm ape'e siunie iyo pit siuniwa tilianajan'ni.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.