Mateo 6:1 - Sinia' Jlamtis 1994

¹ “Siuti jiwoyeyi siunie 'es jitieyi'i napo i'nio', ke nakaye ti janitonitieyi siunie ti jawoyejyink'iye ka in'wenaja'ni. Siuka kiak janiwonatiejenie'e, siunie Asna' ti yi' poliyi ja ke inwe'nase'm paka k'iejliyeyi ka as'wajieta'.

Mateo 6:1 Iomraidhean Croise

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Mateo 16:6

Jesús kiak iyone'ni japo t'eyasajnas ti ijwijla'm: —'Yejne'n, joskiyeyi ni jika woye ijliasat pijia'm napo Fariséojos siu'neje napo Saducéojos.

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Mateo 23:5

“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

Mateo 5:46

Siuka ja 'yenijits'i siunapo i'nio 'nama'ase ka emina', ¿tempa ja as'wajieta pet? Jlam'ne jike' kiak iyoyi, siunapo isi'm ilia'm niwa inkat'ijnieyejes pet.

Mateo 5:48

Siunie iyo ni Asna' yi' poliyi ti 'es, kiak niwonayi pet.

Mateo 6:16

Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.

Mateo 6:9

Siuti jit'iejlaye, woye'ate: Sinia' ti jle poliyi, 'esiji ka t'otata ni e'.

Marcos 8:15

Jesús iyone'ate japo t'eyasajnas ti ijliuye: —'Yejne'n, joskiyeyi siunie ijliasat pijia'm niwa woyejes ti tajle napoka Fariséojos, siu'neje na Herodes ni tajle pit.

Lucas 11:35

Siuti kia'iyo ni'yejne'n, 'nakayeyijna'a siunie jla'al siojona yi' awa'am ja ke inejyi ni ajnaj.

Lucas 12:1

Jlampa 'lojwat'ipi papo i'nio', ti initotisiji siupa yiyits'i, jla'm ini'nomajliyis. Jesús iniajnat papo t'eyasajnas ti iyone'ate: —Joskiyeyi napo Fariséojos ti je ijiat pa kanjwelis, ti iyo 'ate ni woyejes ijliasat pijia'm.

Lucas 12:15

Sekyi'i ti kiak t'ipa iyonayipi papo i'nio': —Joskiyeyi, ká awoye asjlak'aliye ka woye ka'wena' niwa wask'i'nelaja. Je niwaka ka intajle jana in'wasankiye, kan'we'en ni jwajla'a.

Lucas 16:15

'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

Juan 12:43

Najata jla'am siunie i'yenis ka i'nio' ijnoniti jlam'ne kan'yenis ka Sinia' ijnoniti.

Juan 5:44

¿Tepa t'e jawo ka je sakakiuye siunie ajwe'el, ti asama'yasa'm ti jininekiajlayi ti jiniwunitie, jlam'ne ka woyejyi'n jla'am ka ijnonitie' pi Sinia' ti pakata?

Hechos 3:12

Pedro, ti i'wina papo ti 'yakapajle, iyone'ne 'ate: —Israel jlele, ¿yot'iyi'ni ti kas'yen'ni? ¿Jijwelt'e ka sama ka ijwiejieta siu'nie i'nio'? ¿Ent'a jijwela' ka sijweye poye, ni'ne ka nakaye ti je aleki ti awunitie pa Sinia', ka nakaye ka int'emina ka injwa'a?

Gálatas 6:12

Siunapo i'nio' ti 'yijie'nase'm ka kiak iwo'nase iyo jlamis, ti t'isie'n jiwa yiwa'aja'n, tepa jawo ka kiak je iwoyisi, kajeyepa ti iyo ka 'esieyi wita'm napo i'nio'. Jla'yi ti 'yijene pi iyone ti, siuti janjwankitis ka nekisi pet ki iyo ni Sijwajieti ti 'ya'al ti yi' ape'e japa cruz, ti janjwelis ape'e 'ni ajnat ti ja titiajlataja.

Hebreos 11:26

'Yina ti 'yiniye ka wo'ate, “Siunie ti i'nio' siliakiyetaja ti nak akk'i'ni ni Sijwajieti, awo'ate siunie jwajla'a i'wi'in.” 'Yina jikiowe je yapili'ni siuniwa wask'i'nelaja isis yiji jana Egipto, lapakawo ti kia'iyo jitiej iyoma siunie Sinia' jawoyi jikajaye ti janwejna'm.

Hebreos 2:1

Tempi it'imina ti je 'esiji ka jla'm iliakiki'i jiwek siunie ti ajwela ka 'yena, siunie ti pajk'i ti ape'yak, 'nakayi ti 'wena ja ke 'yasapa'a siunie si'niayi.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

2 Juan 1:8

Joskiyeyi, ja'nakayeyijna'a ka je inkajyina, ja ke injlankinayeyijna'a siunie jakajlayi ti jantajle ni Saka'niona Jesús.