Mateo 5:4 - Sinia' Jlamtis 1994

⁴ “Sinia' wuj ti ip'ilisijne'n siunapo jijliak'ali po'. 'Yina Sinia' je ijiat ka je iwejna'm ni siunie jinikanitieyi.

Mateo 5:4 Iomraidhean Croise

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 6:21

“Sinia' wuj ti imp'elisina ti asa'am ti inel'lianajyi'n 'nakayi. Lapakawo ti je ijiat ka je inep'isiejyinna'a. “Sinia' wuj ti ip'ilisijne'n 'nakayi siunapo ti asa'am ti je paj ka je apajyi'n. Lapakawo ti je ijiat ka je askiyets'ijinna'a.

Lucas 6:25

“¡Siupet ti asa'am ti inep'isiejyi'n 'nakayi, kia'iyo wuj ti jamp'elisisa', kajeyepa ti aswet'ia japoye, ja inel'lianajyin'ne! “¡Jamp'elisisa' wata'a, ti asa'am ti paja ka je ask'iyek'ijin'ni jiwekie'e asa'am. Siunie aswet'ia jawoyi, ti asajlas japoye'ne pet ti jantajle ti laja anikanitieyeja'!

Lucas 7:38

'Yina yapayi'ni ti 'nesayi, yamitayi puwa jisietis pa Jesús, jitiet t'e' t'ipa itionatat'ik'i'nijpe puwa jisietis. Sekyi'i ti ji'wole ilijayik'i, yi'liak'i'ne ti its'iuye'ni, itime ti isiayeja'm siupa a'la' jlets'i ti jini inkajk'i.

Lucas 7:50

Jesús iyone'ate japa asejnia: —Atankiujnieye ti 'es ni it'imina ti i'nes. Maj, kama ti ja ak.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

Apocalipsis 21:4

Sekyi'i jitiet t'e' ja lejak'ina'a k'iye, siojona 'najlati ja lajak'i japa, siunie injlak'ali kia'iyojliyi. Siu'niwa inajlas ti tapaja'n, siu'neje ni ti tinilayitieje, siu'neje na a'tiejiek'i. Ja lajak'i, lapakawo ti netia'n siuniwa ti k'iejliyi ti kia'iyo ti po', 'yaka no'we.