Mateo 5:3 - Sinia' Jlamtis 1994

³ —Sinia' wuj ti ip'ilisijne'n siunapo itiant'ieje ti najata Sinia' jikap'ijliuskiye ti 'esi, jla'yi ti 'yijene pi iyone ti isitia'n naka. 'Yina napoka yiji pet nak jika anechijiayas.

Mateo 5:3 Iomraidhean Croise

Mateo 11:25

Jakayi ti Jesús iyo'ate ti iyo jlamtikie': —Awunit, Inia' ti a'am ti jika'niona'a'm ni poli jla'yi 'ni ajnat, kajeyepa jijwek k'iye siunapo i'nio' 'yijejne'n niwak siuniwa ti ijiatk'iji'n, siu'neje napo i'nio' je t'on ti t'eyasanajataja'n. Ji'wenkijna'm pet siunapo lajk'iyi pa ka iwo ti je 'yijejne'n.

Mateo 11:6

“'Esiji ni i'nio' ti je yisit ilia'm ni iyo ti jitiej iyomk'i'm.”

Mateo 13:16

“Jlampet ti asa'am, siunie ti 'es ti imp'elisienajyi'n yi'ase, kajeyepa ti t'eki ape'e siupa ip'ionk'i ape'e niwa astate, ask'iote tiojwa'l 'alk'iji'n.

Mateo 19:14

Jakayi'ne ti Jesús iyone 'ate: —Ena'yate napo kia'lis. Ká atoma'ni k'iye ti iyo ka ijnoyisk'i. 'Yina napok 'yiniye siunapo i'nio' yiji pet nak Sinia' jika anechijiayas, siu'napo kia'lis.

Mateo 24:46

Iniope siunie jika anechiyas iyone, siunie jikawo ti yiyi ape'e ti iyoyi siunie jika anechiyas ijliuye kawoyi, ti 'nesata siupi tajli.

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 8:11

Jajwi'lase'm 'neje ti ja 'lojwa siunapo i'nio' tal 'niji taj'le ni kilie', siu'neje napo tal 'niji ijio'we ni kilie', janam'ni ti jankijwanisi ni Abraham siu'neje ni Isaac, jla'yi ni Jacob ti jan'yekiujni'n, ts'iji yi'i ni jika anechijiayas ni Sinia'.

Marcos 10:14

'Yina siuti Jesús i'winayiji jwesie'ne, sekyi'i iyone'ne 'ate japo t'eyasajnas: —Ena'yate, ká atoma'ni k'iye napo kia'lis kajnoyisk'i. Kajeyepa ti siunapo i'nio' yiji nak Sinia' jika anechijiayas kia'iyo 'napoka siu'napo kia'lis.

Lucas 11:28

Jesús isiujlie ti iyo'ate: —¡Jla'm ijiatayi ti 'yaka'm ape'e siunie Sinia' iyone ti ip'ilisi'n siunapo its'iuye niwa jlamtis jla'yi ti iyoyi!

Lucas 18:14

Jesús sekyi'i iyo'ne 'ate: —Jajwi'lase'm ti siupa i'nio' ti yapiliet'ipi ijiate Sinia' ip'ilisi'n, jlampet pa Fariseo je ilik'i ti jitis po'. Siunie i'nio' initonit ja tijliasata isia'm, jlampet siunie inijlasat isia'm ja tijliasata pet pijia'm.

Lucas 22:29

Siuti siwojwa'n anechiyasa ni Inia', kia'awo awojwa'n pet anechiyasisa'ase'm.

Lucas 22:30

Kiak jawo'ojyi ja kijwanak'i ts'iji ti jayo anechiyasa', ka aye'yijinna'a siuniwa in'wetis ti jawoye anechiyasisa', jane'ya kiajwe siunapo tajla'm napo itijwa'm niwa sikioye times tom'niji Israel jilis.”

Lucas 4:18

“Saka'niona jikimet yi' itipe'e. Jlam ti ts'otatiji, ti iyo ka ijwile siunapo p'ijliusis ni inka'niye ti 'es. Jla'am ti sijliuyi siunapo inkipijnas ka ijwile ni injwajieti ti po'. Siupet napo talojo' iyo ka 'wijnajne'n. Siu'neje napo i'nio' inilayiti ti tisiejek'i'yi, ka ijwiejiete'n.

Juan 20:29

Jesús iyo'ne 'ate: —Je kakiunieyi'ne, kajeyepa ti si'we'en. ¡Jlajma ijiatayi ti Sinia' jamp'elisijne'n siunapo ti je i'winata, lapajawo ti naka jla'am ti je takakiunisi!

Santiago 1:10

Jlampet siunie inkaja, 'esiji ka ijiatayi ka inkaja'ni, 'yina ti Sinia' ijliasat isia'm. Siunie i'nio' jwajla'a i'wi'in iyo'ate ni jop jlokie, ti je t'o'n.

Santiago 1:12

Sinia' wuj ti ip'ilisi'n siunie to'm ilia'm, jla'yi ti inilayiti siuniwa inkajejlasayejes ti iyo sijliak'aliye. Jak je iyoyi niwaka siunie ti je 'yakajle'n ni i'nio', its'iuyeja pet ji'wet'e, janak ji'wajiet jana in'wasankiye siojona Sinia' ijwijla'm napo i'nio', ti itiliaja kanwejna'm, siunapo 'namaja.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

Apocalipsis 19:9

Sekyi'i injlojwanik poli jlele iyonk'i 'ate: —'Ete'ena'a siu'nie: Sinia' wuj ti jikap'ijliuskiye yi'ne siunapo ti jla'am ti i'yasits'i ka ijnoyi siunie jiliakijnieye ni 'wolepo 'woma, ti iyo'ate siunie i'nio' ti tijwa'yi. Sekyi'i injlojwanik poli jlele yine ape'e, ti iyo'ate: —'Niwak jla'm ijiate ti Sinia' jlamtis.

Apocalipsis 22:14

Sinia' jikap'ijliuskiye yiyi siunapo ti itime ti iliji'n niwa ji'wuye, 'nakayi ja ke tenaja'm ka intojw siuniwa jla' janak a'la' ti in'wasankiye, ja 'esiena'a k'iye ka 'noyi siuniwa jika 'wuk kiwitawa jana isi'.

Apocalipsis 3:17

Jlampet siuti jiwo'ate, “Ts'ajkaje, lajk'ipa ka isitiane”, 'yina nak je 'najane pet paka wone ti ijiat ti jwajla'a je 'we'n, laj ajaye, imp'elisie, ti je 'wejne'n siu'neje ti i'najleje'n.