Mateo 5:1 - Sinia' Jlamtis 1994

¹ Jesús i'wi'in ti 'loj papo i'nio', i'yujliet'ipi ape'e pa tikina, sekyi'i yiyeje'n. Siojopo t'eyasajnas ijliasat'iyisipi,

Mateo 5:1 Iomraidhean Croise

Mateo 13:2

I'ye'en ti 'lojwa japo i'nio' ti inijwoseje, sekyi'i ti tisiomajiam'ne jlaja kasejkana, yiyeje'n, jlam'ne japo i'nio' yiyisk'iji'n jikiuts'i jlaja tewuk iliyi.

Mateo 15:29

Sek tajla'aja ti ya'am ja Jesús, jikiusk'i jlaja tewuk iliyi yiji jlaja Galilea, sek iniuye'e. Sekyi'i ti ijioye ape'e jlaja tikijnaki, sekyi'i yiye'eje'n.

Mateo 4:25

Je pini' papo i'nio' yamk'i ja Jesús siupapo tal Galiléaja, siu'neje papo i'nio' tajle siujlieja ajnat jle' iyo'ate Decápolis, siu'neje papo i'nio' tal Jerusalenne, siu'neje papo tal Judéaja, siu'neje papo tal ji'wechaja ja tewuk Jordán.

Mateo 5:2

'yina ijyijlitat'iyijpe ti taka'neyasa'n ti iyo'ate:

Marcos 3:13

Yam'niji kiaka, Jesús yamajampe ape'e japa tikijnaki, sekyi'i ti tanayits'i siupapo i'yen'ni ka kiak iwone. Jak je iyoyiji'ni siuti initaja,

Marcos 3:20

Yam'niji kiaka Jesús yapilie'eje isiyi, pakayi ti ja'no'yiji kiajwe siojopa 'wuk, yi'i siupapo ijioyi. 'Yina jlam papokajle papo i'nio' ti je jlase' ti i'winayisk'i, tiwet'ianaja ka ji'wet poyeyi'ni kan'yekiujni'n ti jla'yis japo t'eyasajnas.

Marcos 4:1

Jesús yikiajlayi'iji ti taka'neyasa'n jikiusk'i siojopa tewuk iliyi. 'Yina ti je pini' papo i'nio' nojweje, sekyi'i ti yamayi siojopa kasejkana yits'e jikiusk'i pa i'niat, yamaja'm sekyi'i yiyeje'n, jlam'ne pet papo i'nio' nojwayisi kiusk'i pa i'niat.

Lucas 6:12

Pak siupa jloma ti Jesús ya'am ti ijio ape'e siojopa tikijnaki, ti iyo t'ajlayeja'. Itijw siupa ajnaj ti takamtijniene pa Jinia', ti iyo t'ajlayeja'.

Lucas 6:17

Jesús yapi'ne ajnat'e ti taj'l ape'e japa tikijnaki, jla'yis japo t'eyasajnas. Yiyisi siupa ajnat ijniul wita'm, sekt'ipa yajapat'iyijits'ijimpe. Initaj seka'a siojopo t'eyasajnas ijia t'ipi, siu'neje papo tal Judéaja, ti kia'iyo 'loj, siu'neje papo tal Jerusalenne, siu'neje papo i'nio' tal jikiusk'i jlaja ajnat jle' iyo'ate Tiro, siu'neje jlaja Sidón.

Lucas 6:20

Jesús jitiej yikiajlat'iyipi japo t'eyasajnas, sekyi'i iyone'ne 'ate: —Sinia' wuj ti imp'elisina ti asa'am ti imp'elisisa'. Lapakawo ti tijna'yase'm ni jika anechijiayas ni Sinia'.

Lucas 9:28

Jlampa jlomas ijwienjli sikio' itij'we najape tom'niji puwa yam'niji pakayi ti jitiej ijiutie siupa janwo, Jesús yam'ne ti ijio ape'e japa tikijnaki ti iyo t'ajlayeja'. Tane ja Pedro jla'yi pa Santiago, siu'neje ja Juan.

Juan 6:15

'Yina Jesús 'yijene ta'a pi iyone siojopo i'nio' ti iyotaja ka inkimits'i ka inwonisi jika anechiyasa'. Yama'aja siojo ijiojwi ti iyo ka injwanjli paka ne'yi, ape'e jlaja tikijnaki ti toj pijia'm.