Mateo 4:3 - Sinia' Jlamtis 1994

³ Imosik ijioyi'ni ti iyo ka ijnejlit ti iyone'ate: —Siuti ja ijiatayi ka Ina'a jlasa'a'm, jejlite ka amti'yi siojona sisaj ka iniwojwa'n woyeja'.

Mateo 4:3 Iomraidhean Croise

Mateo 14:33

Jakayi'ne siojopo ijia yiji jlaja kasejkana, t'opiyeyis kiajwe ti iyunitis iyoyeyis 'ate: —¡Ijiatp'ane ti Sinia' jlajts'a'm!

Mateo 16:16

Simón Pedro isiujlie'ne ti iyo'ate: —A'am siunie Sinia' jijliujwanik ti Injwajieti, Sinia' ti je netia'n ka paja Jlajts'a'm.

Mateo 26:63

Ijiate Jesús je isiujlie. Yikiajle'e 'neje ja pa'yijis jika anechiyas ti i'yas'ni ti iyone 'ate: —¡Siuti awak'ne, jitieyi'i pa Sinia' ti jla'am ti je paj ka inetia'n, awoktajank'iye ka ajwelts'e'm siunie ijiatk'i! ¿Ma amt'e siunie Injwajieti siunie Sinia' jijliujwanik? ¿Ma a'm Sinia' Jlajts'a'm?

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Marcos 1:1

Kiak iyo ti 'nelanjie'e ni inka'niye ti 'es ti ijwi'l ni Sijwajieti Jesús Sinia' jlas.

Marcos 3:11

Jak je iyoyiji siupuwa imose'l ti i'winatajas, yaka jla'm iwo t'opiyeyisijyi'n kiajwe 'yina tajwiyek'iji'nijne ti iyoyits'i 'ate: —¡A'am ti Sinia' jlajts'a'm!

Marcos 5:7

Iyonayi 'ate ti tajwijyi'n: —¡Ká 'ok'inie'e Jesús, Sinia' ti lajk'ipa ka ijnojliji jlajts'a'm! ¡Anip'elisi'najapeje pa Sinia', ka je k'iejliyijna'a paka awonk'i!

Lucas 1:35

Injlojwanik poli jlele isiujlie ti iyo'ate: —Siojona Sinia' jikimet ti 'es jana'm atepe'e ka 'nesta, ti jajno'wa, sekjane'yi ni jijweye ni Sinia' ti wuj jantej'w atepe'e 'yiniyijna'a na pe'el. It'imina ti kiak ja jleye naka kia'le kanetiejena'a T'otata, siu'neje ni jikiecha ni ja jleye Sinia' Jlas.

Lucas 22:70

Wikie'eyi siupapo sekyi'i ti ipi'yayis sekyi'i iyoyis'ne 'ate: —¿Amp'ant'e ti Sinia' Jlajts'a'm? Jesús isiujlie papo ti iyo'ate: —'Najanayetaja pi jiwonayi.

Lucas 4:3

Pakayi'ne ti imosik iyone'ne 'ate: —Siuka ijiatatajana'a ka jlasa'a'm pa Ina', amti'yi siojose sisaj, amti'yi ka iniwojwa'n woyeja'.

Lucas 4:41

Je pini' siupapo je isis ti imose'l tajlits'i, ti iyo'ate ti tajwits'iji'n: —¡A'am ti Ina' jlajts'a'm! Jesús isilaja puwa imose'l ti ijliuk'i kisie'e, je yine 'ate ka intamtits'iji'n, kajeyepa ti 'yijene pi iyonisi ti paka ti Injwajieti ti Sinia' jijliujwanik.

Lucas 4:9

Paj ti imosik yamat'iyi'iji ti ijioyiji puwa isi'il, yi'i jlaja Jerusalén. Ijioyi ape'e siupa toj pijia'm yi'i jlaja 'najla'wet, sekyi'i ijliuye'ne ti iyo'ate: —Siuka ijiatatajana'a jlasa'a'm pa Ina', 'yejne'n, sojmajyi'n ka 'nak ataj'le.

Juan 1:34

“Pajk'i ti a'we'en 'naka i'nio'. Ya'am ti akajanit'i ape'e ti 'naka Sinia' Jlas.”

Juan 1:49

Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Juan 9:35

'Yina Jesús t'ijieyi ti tijliuk jak i'nio' ja talokpe, siuti ini'wenayi'iji, sekyi'i iyone'ne 'ate ti i'yase'n: —¿Mi je kakiu siunie I'nio' Jlas?

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

2 Corintios 1:19

Kajeyepa ti nakape ti awoki samtikie', japo Silvano siu'neje ja Timoteo, ti awak aska kiowe'e, ajwel ni Sijwajieti Jesús ti Sinia' jlas. 'Yina je naka ni siunie ‘ji'lija itimisiete’, 'yina naka ni siunie Sinia' jlonisik ti iyoyi siunie ijiatk'i.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

1 Tesalonicenses 3:5

Tempi it'iminape ti ajlo'wase 'ni sikiecha Timoteo, naka ti awojonk'iye ka ts'ajane pa kayone ka je aleyets'i ni iyo ni astankiujnieye ti 'es. Kajeyepa ti kiojieti 'ni itienkiujnieye iyo ti itiej ene'ni 'ate ka kiak iwo ka siunie inkajejlasayewo in'yakana ka kia'iwo ti jaleyeyi ni siunie astankiujnieye ti 'es, kajeyepa ti ja ijnejlita. 'Yina siuti kiak jawoyeyi jlam jiwek ti ajo'wase'ni laj lajaye ki siukia isijmaye ti awoyi aska kiowe'e.

Hebreos 12:16

Je 'es ka poye paka iwoyi siunie ti 'yu'ni ti je inilesanijiyi, siu'neje ka poye paka inlaki siunie t'otata, iyojinipi pa Esaú ti 'yuti pa ji'yini penik siupa tijna'yi ti jla'am ti isijli.

Hebreos 4:14

Jesús ti Sinia' jlas, nak saka pa'yijis jika anechiyas wuj, ti pajk'i ti i'yakajna'm ni poli. Tempi it'imina ti je 'es ka ilikiape ni siunie awonaja ni sitienkiujnieye ti 'es.

1 Jn 3:8

Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.