Mateo 4:10 - Sinia' Jlamtis 1994

¹⁰ 'Yina Jesús isiujlie ti iyo'ate: —¡Talk'i'm, sitiejiejwa imosik! Siuniwa Inia' jlamtis ti yi'i ni ji'wet ti iyo'ate, “Wunit ni Aka'niona ti Sinia', jwankit ka k'iuye.”

Mateo 4:10 Iomraidhean Croise

Mateo 16:23

Sekyi'i Jesús tejeye ilia'm, ti iyone 'ate: —¡Talk'i'm sitiejiejwa imosik, ká atomi'ni ijyik'i! A'm, ti atankiujnieye je wone 'ate siunie Inia' jitienkiujnieye iyo, najata jla'am ni jitienkiujnieye ni i'nio'.

Marcos 1:13

Paj ti jika jlomas cuaréntaja pa yi'i ti yiji puwak jlele pa ajnat siupuwa jwesis, lapakawo ti imosik ijyijlit. 'Yina Sinia' jijliujwajnas poli jlele yiyeyisi pet ti iniuyisieje.

Lucas 10:18

Jesús isiujlie papo ti iyo'ate: —Jlam je woyeyi, a'wenk'i ja sitiejiejwa imosik ti iniujwe'n ti tal poliyi, 'yiniye na tak'ajyi.

Lucas 11:18

'Yina kia'iyojliyi pet ni sitiejiejwa imosik, siuti janik'isa siuniwa imose'l, janetiajne'n, sekjane'yi ka inetianana'a pet ni iyo ti iyo anechiyasa'. Awoyi kajeyepa ti jikanitiejyi ti jijwela ka pakaye Beelzebú ka ijwiye itiajleje, ti anojwank'i kisie'e niwa imose'l.

Lucas 13:16

¿Tepi iyo pet siujlie'e i'nioki? Napok tajla'm pet siunapo Abraham jilis t'ipi, dieciocho niwa najkapis ti imosik iliaki ti ilie'nit, iyone ni jiliaye. ¿Jet'imi 'esiji pet ka tilienaja iyo ni jiwet'ia ti imosik iliaki, ka tenajaja janak jloma ti i'nio 'wanjlijyi'n?

Lucas 22:3

Pakayi'ne ti imosik ijiojwa'm pa Judas Iscariote, Jesús t'eyasanik ti tajla'm japok itijwa'm niwa sikioye times tom'niji.

Lucas 22:31

Saka'niona kiak t'ipa iyoye'ijyi 'ate: —Simón, Simón, 'yejne'n, sitiejiejwa imosik itime ti ti'yasa'nase ti iyo ka inwonayi 'ate ni k'iejliyi ti tolkiotaja.

Lucas 4:8

'Yina Jesús isiujlie ti iyo'ate: —Siuniwa Sinia' jlamtis yi'i na ji'wet iyo'ate, “Wunit jla'am ni Saka'niona ti Ana', 'yina jwankit ka awunit, jla'yi ka já aka'm ape'e ti jla'am.”

Juan 13:27

Siukia ti Judas isima ilia'm ja woye ti tiwenaja'm, jakayi ti imosik ijioyeja'm pi jikiowe. Sekyi'i Jesús iyone'ne 'ate: —Jlam woni'ni 'ate, siupi jawoyi.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Hechos 5:3

Pedro iyone'ne 'ate: —Ananías, ¿yot'iyi'ni ti jinine'nate k'iye ni sitiejiejwa imosik ti ijiojwa'm ni ajosik? Jijweki'n jana wikiniet'aj, jiwo sintiyeja'm jana Sinia' jikimet ti 'es, ti jijwel ka apejlati'n jana wikiniet'aj aka ajnat laja, siojona jlekialts'e.

1 Corintios 5:5

Sekyi'i ekiajlayi ni sitiejiejwa imosik ka iwo jiwet'iaye ni t'isie'n, jlampet ti jisiak'al janjwa', ka netiejenie'e janak jloma ti ja'nes pi Saka'niona.

1 Corintios 7:5

'Yina ká akawoye siunie iyo ka woyi ni ak'iemjla, siu'neje ti a'am ti asejnia'a'm. Siuti po' jana jloma ti kiak jawoyeyi, ti jawoyeyi ni asts'ajlaye, 'esiji ka ijnojlie wita'm, ent'a jawoye 'ate, “'Esiji ka anilayiti kiu wata'a ka je akienk'i'm, kiak jayo'ojyi pet ti ya'am, kajeyepa ti jayoki ni ts'ajlaye, jla'm ijiate ka pajata wata'a.” Jlampet ti 'wenayi siunie jiwoyeyi, ijiate je sitiana' ka kiak awoyeyi, ti jinikiujlie'ni ape'e. Ijiatjliyi siuti yamata 'niji siunie ti it'imina ti kiak jiniwonayi, sekjane'yi ka ekiajla'ayijna'a siunie jiniwonayi ti 'nelanjie'e, iyo napo jijwa'yis po'. 'Lojwinie'e ka sitiejiejwa imosik inkajla', siuti kiak jawoyeyi, ti ja ke alesanayik'iyi siunie jiwoyeyi ti ajwa'yis po', sek jantaj'le ka awayeyinie'e siunie aske'.

2 Corintios 11:14

'Yina nak je kaskelit kajeyepa ti sitiejiejwa imosik iniwojwa'n injlojwanik poli jleliye ti jlal po'.

2 Corintios 12:7

Siuti Sinia' je iyojonk'iye ka iniwuniti niwak siuniwa ti isis ti jla'am ti i'winkink'i'm, sekyi'i'ne ti iwink'i'm siu'nie iyo ni iwit'ia ti anilayiti ti iyot'i 'ate pa k'itie'n ti 'yita'm ni 'najwes, 'yiniye ka sitiejiejwa imosik intajle ka jlam kiak iwonk'i.

2 Corintios 2:11

Ja 'nakayeyi pet siunie imosik ja ke kaskajli ka iyoki ni siunie je 'es iyotaja ka iyoki, jlam'ne kastant'ieje ni siunie jike' iyo.

Santiago 4:7

Nip'elisina kiajwe ni Sinia'. Tayitieyi ni imosik, ja jotie.

1 Pedro 5:9

Jotie', ni'neti pijia'm ki iyo ni astankiujnieye ti 'es, jlam'ne 'najanayi pi jiwonayi ti je asamkata siunie iyo ni asjlak'ali. Wikie'eyi napo as'lejwas yi' ape'e ni ajnat ti kia'iyo inilayiti siunie iyo ni asjlak'ali.