Mateo 3:9 - Sinia' Jlamtis 1994

⁹ Ataj ká awomayi siuti jiwoye 'ate, “Sa'am Abraham jilists'e'm atomaja pijia'm.” 'Yejne'n siuniwa sisajas je jwelta ka Sinia' je 'najane pa ka wone ka kiak iwone ka wone Abraham jilisa'.

Mateo 3:9 Iomraidhean Croise

Marcos 7:21

Kajeyepa ti jitiowiji, ka iyot'e 'ate ni jlosik ni i'nio', sek taj'le siunie: ti jitienkiujnieyejes je isis, ti ijiuski'lan'ni ni i'nio' asejnia kiak iyojliyi, inkajlajnaye, inkalankijnieye.

Lucas 12:17

Siupa i'nio' itienkiun'ni ti iyo'ate, “¿Tepat'e jayo? Ti lajk'ipa kayi'ne ni yak ti jalie'ne, ti jalisa'n.”

Lucas 16:24

'Yina 'yakets'iyet'ijiappe ti tan'ni, ti tane'ni pa Abraham, ti iyo'ate, “¡Atajla'm Abraham, sip'elisin wata'a! ¡Jloye ni Lázaro ka 'notia'm ni i'niat jana jijwuki jlase' jlaj, ka namik'i kants'atitk'i 'ni ipiajnat, je siliayi siu'nie jwat ti ajyi!”

Lucas 19:40

Jesús isiujlie ti iyo'ate: —¡'Yejne'n, ka ijliuye kank'iuyits'i 'ate, siuniwa sisajas kiak janwo jantank'i wita'm!

Lucas 3:8

Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

Lucas 5:22

Jesús 'yijene pi iyone siupa iyo pa jitienkiujnieye jak je iyoyi'ni ti iyone'ate ti i'yasaja'm: —¿Yot'iyi'ni ti kiak jiwonayi ni astankiujnieye?

Lucas 7:39

Pak siupa Fariseo Jesús ijioyi, ti i'winat'iyipi, 'yina iyo'ne 'ate ti yini'ni jikiowe'e, “Jlamt'itie ka ijiatayi ka injwejlanik jiwoye siu'nie i'nio', jlam kiak je iyotaja'ni siojona asejnia ka inkie'ne, kajeyepa ti 'yijentaja paka inwone ti siojona asejnia je 'es, ijiate ti iyoyi ni jike'.”

Juan 8:33

Iyoyis'ne 'ate ti isiujlieyisi pet: — ¿Yot'iyi'ni ti kiak jiwo, ti jiwo 'ate, “Ja ke kipijnasa'asem'ne paka ne'yi paka i'nioye”? Jlam'ne atajlaja'm pi Abraham t'ipi, lajk'ipa ka i'nioye ka jikipijnasats'e'm.

Juan 8:37

Ijiate ti jinijwelayi pi Abraham ti asnaye, 'yina ti je kima'yi ilia'm niwa jlamtis, it'imina'ne ti jiwoyeyi ka siliana.

Juan 8:53

¿Ent'a jit'ia'n ape'e pa sinia' Abraham t'ipi, jlam'ne je k'iejeyeyik'i'ni ti 'ya'al, siu'neje papo injwejlanawos t'ipi? ¿Tent'ipa siupa jini'yejnap?

Hechos 13:26

“I'lijwas ti Abraham jilists'ase'm, siu'neje japo je iliyi ti iyunitis pa Sinia', k'iuyeyi siu'niwa Sinia' jlamtis ti ijwil japa Injwajieti, sa'am ti ijliuts'e.

Hechos 15:14

Ape'yak 'na Simón ti ijwilts'e'm ti 'nelanjie'e Sinia' ip'ilisijne'n napo i'nio' je Judíojos, ti iyoyeyi ka iwo jika kia'lisa'.

Romanos 4:1

'Yina, ¿tepi iyo pa Abraham, ti Judíojosts'e'm ti pak atajlaja'm? ¿Ten siupa 'esi?