Mateo 3:7 - Sinia' Jlamtis 1994

⁷ Je 'es jlam ti Juan i'wina ti 'loj papo Fariséojos, siu'neje papo Saducéojos ti kia'iyo iyo ka tiniejienaja'n. Sekyi'i iyonat'iyijpe 'ate: —¡Jiwoye'ate niwa injlajas! ¿Tempa i'neyasajnajyi'n ti ijwi'lase'm ti ja'yiltana k'iye ni Sinia' jiwak ni jana'm?

Mateo 3:7 Iomraidhean Croise

Mateo 12:24

Siojopo Fariséojos ti ipi'yaye japo i'nio' ti kia'iyo, sekyi'i iyoyis'ne pet 'ate: —Beelzebú, siupa jika anechiyas pet napo imose'l, pak iyo jijweyeja' ti iniujwank'i kisie'e.

Mateo 12:34

¡Injlajasts'ase'm! ¿Tepa jawo ka ajwela paka 'esie, ti je insisie pet? Kajeyepa siuniwa tipoyiji ni i'nio' jlosik, niwakaye'eje siuniwa tal jikiwitk'i ti takamtijnienata.

Mateo 15:12

Siojopo t'eyasajnas ijioyisi, ti i'yasisi'n ti iyonisi 'ate: —¿'Najane pi jiwone ti iliatisiji napo Fariséojos, ti impe'ya siunie jiwo ti jlamti?

Mateo 16:1

Siojopo Fariséojos siu'neje japo Saducéojos ijioyeyisi ja Jesús ti iyo ka ijnejlitis. Iyonayisi 'ate: —Awoktajank'iye ka 'wenkints'e'm paka k'iejliyeyi, 'nakayi ti ja'wina ti ja ijiatayi ka pak atajleje pa Sinia' pi ajweye.

Mateo 16:6

Jesús kiak iyone'ni japo t'eyasajnas ti ijwijla'm: —'Yejne'n, joskiyeyi ni jika woye ijliasat pijia'm napo Fariséojos siu'neje napo Saducéojos.

Mateo 22:15

Jlampa yama 'niji kiaka siukia iyoyi, siojopo Fariséojos yama'ni ti ijioyisi ja Jesús, 'yina wakal ti inijloyisk'ijin'ni ti jan'yasis'ni, ka pakaye ti jantajlatisi jiwekie'e siuti jankiujlie.

Mateo 22:23

Pope siojopo Saducéojos, japok ijwil papo 'yajle'n ka je inapits'i pijiame. Ijioyisi ja Jesús kiak jloma ti iyonisi 'ate:

Mateo 22:34

Siojopo Fariséojos, ti 'yijenayi pi iyone ti siojopo Saducéojos Jesús 'yajwejlank'i wita'm, sekyi'i initotk'i'ne wita'm.

Mateo 23:33

“¡Injlajasts'ase'm, kajeyepa ti jitiajlayi niwak injlajas! ¿Jijwelat'e ka ajwayejinie'e siojona jloma ti jiliaye janejyi ni i'nio', ka Sinia' i'yenta ti jansa'a, ti jankiene ni jwat ti je paj ka 'no'me?

Mateo 5:20

Nak ajwe'lase'm ti awo'ate, siunie jiniwonayi ti jiwoyeyi ni 'es, siuti ja ke akama'yi ape'e napok Fariséojos, siu'neje napo jiwos pet nak Moisés jika'neyasajnaye, ajwe'lasem ta'a ti ja laja as'nayija' ka 'oyeyi ni Sinia' jika anechijiayas.

Marcos 12:13

Siupapo Fariséojos, siu'neje pa Herodes jikawos, po' papo tijliukie'ni kajnoyi ja Jesús kan'yasis'ni, sek jane'yi ka poye pa paka ji'lija ka inwet'ianisk'i, 'yina ka pakaye wek ka injwelis ka intajlatisie, lapakawo ti iyoyisijyi'n paka jitis iwo.

Marcos 12:18

Po' siunapo Judíojos 'neje ti jle' iyo'ate Saducéojos, 'yina papoka ti ijioyi ja Jesús, ti takakiunisi ka inapits'i pijia'm napo 'yajle'n. Jak je iyoyiji ti kiak iyonisi 'ate:

Marcos 8:15

Jesús iyone'ate japo t'eyasajnas ti ijliuye: —'Yejne'n, joskiyeyi siunie ijliasat pijia'm niwa woyejes ti tajle napoka Fariséojos, siu'neje na Herodes ni tajle pit.

Lucas 16:14

Siupapo Fariséojos ti ipi'yayisie pa Jesús ti kia'iyo, iliakiyis'ne, lapawo ti ijyiwiteje ti papoka janajata jla'am ti 'yuyits'i jana wikiniet'aj.

Lucas 18:11

Siupa Fariseo takasit'ne ti iyo t'ajlayeja', ti iyo'ate, “Sinia' inikanitieye awe'na'm ti ya'am je awo'ate siunapo kajlajnatas, siunapo 'yuyi'ni napo ijia jwa'yis, siunapo iyoyi siunie ti wuj ti je 'es, je awo'ate iyo siusie isi'm ilia'm niwa inkat'ijnieyejes.

Lucas 7:30

Siojopo Fariséojos, siu'neje japo taka'neyasane siukia Moisés jika'neyasajnaye, je iyoyisink'iye siunie Sinia' iyotaja ka iwone ti jota inoyeje, it'imina ti je iyo ka ininajiejne'n pet, ka Juan inajiejne'n.

Juan 1:24

Iyo'ne 'ate siojopo Fariséojos jikawos

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Juan 9:40

'Yina siojopo Fariséojos ti sekyi'i iyoyis'ne 'ate ti jwesis, ti ipi'yayisie: —¿Kiakt'i awoki pet, talojot'ets'e'm pet?

Hechos 15:5

Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.

Hechos 20:31

Ká anikiwalinitie. Astaj wunitiek'ipe siukiwa jlomas yam'niji ti najkapis najape ti a'yasap, jloma ajnajpe ti 'eyasanajyi'n, je ts'ome yi'i pa jloma ti ap'ase'm ti awota'ni asosikie'.

Hechos 26:5

Siuniwa jlomas atalk'i'ni ti itiant'iejesk'i, kawo ka sijwelis, ka injwelisie'amna'a ti Fariseok'i'm. Anoyeje siunie saka'neyasajnaye iyo.

Hechos 5:17

Siupa pa'yijis jika anechiyas ti wuj, ti 'yijenat'iyijpe pi iyone, siu'neje papo Saducéojos sekyi'i ti yijap, je jlase' pi iyo ti a'tiejesiam'ni japo injlojwajnas.

Romanos 1:18

Sinia' 'yakajanit siunie jiwak ti tal poliyi. Sekyi'i tisa'yi ape'e wikie'eyi napoka ti iyoyi ni jloski'la, siunapo ti ijiate ti je isis, siuniwa jikeyis niwak ip'ionk'iye ka 'najane paka iwone siunie ijiatk'i.

Romanos 5:9

'Nakayi siuti kiak iyoyi ti Sinia' kaslesajne'n, ijiate ti jajwieyeje pet siunie Sinia' jiwak ts'ijiye ka netie jlaja niwa jlomas.

1 Tesalonicenses 1:10

Kia'iyo injwela ti jinijijwijyink'iye pi jlas pi Sinia', ti janapimet ti jantal poliyi. Paka Saka'niona Jesús ti Sinia' jlam ti iniujwat kisie'e ti tajli pa a'no'. Jesús paka ti kas'manit, kajeyepa ti ajwayeje siunie Sinia' jiwak siunie jana'am.

Hebreos 11:7

Siupa Noé ti je 'yakakiu pa Sinia', sekyi'i its'iuye siupa Sinia' iyone ti ijwijla'm siupa jawo ti janeyi siupuwa ti jitiete je i'winjli'ijyi. Pakayi'ne pa Noé ti ilisane japa kasejkana ti iyo ka injwajiete'n papo ji'wet jlele. 'Yina siupa ti je takakiu'n, paka ti 'yakajanit'i ape'e papo i'nio' ti jitis po' 'ne ajnat'e, jlampet pak Noé Sinia' pak yiniji pet ti ilisajne'n siupa ti je 'yakakiu.

Hebreos 6:18

'Yina times siuniwa Sinia' iyoyi. Inia'an siunie ti ji'lij iliyisajap ti po' siojona ijwilts'e'm, sekyi'i ti tomayik'i ti jlam jla'am ti yapi'li ti kiak iniwone ti isijmajne'n ni jle', ti ijwi'il siupa jawoyi. Jak je iyoyi siuti a'wena ti ijiatk'i niwaka siu'neje na ti Sinia' je jlamtisjliyik'i jiwekie'e siunie iyo ka woyi naka'ne ni siunie ti wuj ti iniuyits'e'm, sa'am ti a'yiltanaja'ni, siu'neje ti sitiej awoma, ti ja ijiatayi ti janents'e'm siunie iyo ka inijijwiyejen k'iye.

1 Jn 3:10

Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.