Mateo 3:5 - Sinia' Jlamtis 1994

⁵ Siupapo i'nio' tajla'm japa Jerusalén, siu'neje papo tajla'm pet japa ajnat Judea wikie'eyi, siu'neje papo tajlits'i pet puwa isi'il jilis jikiusk'i pa tewuk Jordán, papok ijioyi pa Juan

Mateo 3:5 Iomraidhean Croise

Mateo 2:1

Jesús yijijyi'n japa isi' jle' iyo'ate Belén, yiji japa ajnat Judea pakayi ti yi'i ti iyo anechiyasa' pa Herodes. Siupapo i'nio 'yijejne'n ini'neyasane niwa katese'l pi iyo, tal 'niji siunie taj'le na kilie', ti yiyeyisi japa Jerusalén,

Mateo 4:25

Je pini' papo i'nio' yamk'i ja Jesús siupapo tal Galiléaja, siu'neje papo i'nio' tajle siujlieja ajnat jle' iyo'ate Decápolis, siu'neje papo i'nio' tal Jerusalenne, siu'neje papo tal Judéaja, siu'neje papo tal ji'wechaja ja tewuk Jordán.

Marcos 1:5

'Loj papo i'nio' tajle janak ajnat jle' iyo'ate Judea, siu'neje papo tajle janak isi' Jerusalén, ijioyisi pa Juan sekyi'i ti ininekiajlaja'n. 'Yina Juan ijioyiji'ni nak tewuk jle' iyo'ate Jordán ti iniejiejne'n.

Lucas 16:16

“Siunie Moisés jika'neyasajnaye, siu'neje niwa jilisajna' t'ipi papo injwejlanawos, laja po' yiyi pet siunie yi'i ni Juan inajiejnawo. Sektajlap'e ti tiwok jika'niyeja' napo i'nio' ni Sinia' jika anechijiayas, 'yina wikie'eyi ti ini'netisi ti iyo ka 'noyisi.

Lucas 3:3

Yamat'ipi ti iniuk'i'ni puwa ji'wetis papo i'nio', je tojwape'n pa tewuk Jordán, ti iyo jika'niyejayi papo i'nio' ti iyo'ate: —Woye asosikis ink'iejyisa', jla'yi ka inajienajajyi'n, ka Sinia' janetiajnat niwa askeyis.

Lucas 3:7

Siupapo i'nio' ijioyistaja'ni pa Juan ka tiniejienaja'n, iyonat'iyijpe 'ate: —¡Jlewitats'i niwa injlajas! ¿Tempa 'neyasanayi siunie ti jijwela' ka a'yiltanak'iye ni Sinia' jiwak ni na'am?

Juan 3:23

Siujlieja ajnat jle' iyo'ate Enón je tojwape'n jlaja Salim, sek yiye'epe pet ja Juan ti iniejiejne'n japo i'nio' ti ijioyi'ni, kajeyepa ti je k'istie' jlam ki i'niat ti yiniji japo.

Juan 5:35

Juan iyoye'ate jana kates ti yata'm ape'e 'ni ajnat, siunie jla'al inkaja'yi ejlowekie'e ti je itioyi'i.