Mateo 3:12 - Sinia' Jlamtis 1994

¹² Itiu'un siojopa jika a'la', ti jankiene ni ipiatatiok t'ejes 'wanjle'e ti 'wena jajnoti ni jop t'ejes ti ijlijni'ni. Janena'ana'a siupa jane'ne siupa ipiatatiok t'ejes 'wanjle'e ti 'es. Ja jlampet siuniwa jop ijlijni'ni ka intatajayijamna'a siunie jwat ti je paj ka 'no'me.

Mateo 3:12 Iomraidhean Croise

Mateo 13:30

Ejlowek jayina'ate ka injlas'ni pijia'm. Paj ka wakajlana'a ni ipiatatiok t'ejes 'wanjle'e, sekjane'yi ka ijliuyenie'e napo 'yakawos ka inajnat niwa cizaña ka ijnot wita'm, kants'ejwanamk'i, sekjane'yi ka jwat t'otiejajamna'a. Jantemisiji ka inekieyisinie'e ni ipiatatiok t'ejes 'wanjle'e ti janlanits'i, ka injwosayisiamna'a jana 'yakapiski ti ja'yotat.”

Mateo 13:41

Siunie I'nio' Jlas janjlo' napo jijliujwajnas poli jlele, ti janekk'i'ni siunapo i'nio' ijlijni'ni siunapo yiji pet ni Sinia' jika anechijiayas, siunapo isima ni je 'es, siu'neje napo it'imina'ni napo ijia ti iyoyi naka je 'es.

Mateo 13:42

Sek jane'yi ti jantateje jana inka'we ti tak'ayi'ni, jawujwa ni jlajlas jawo, kajeyepa ti ja a'tieja.

Mateo 13:43

Ts'ijiye jlampa inekiena'a 'nijiye naka, siunapo i'nio' jawoyi siunie I'nio' Jlas iyo kawoyi, napoka napo jawo'ate ni kilie' jla'al, ti janses ts'ijiye yi'i ti iyo anechiyasa'. “¡Siunie ka jik'iot tiojwa'l po', k'iuyi!”

Lucas 3:16

'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

Lucas 3:17

Name jana jika a'la' ti jankiene na ipiatatiok t'ejes 'wanjle'e, ti jan'yejni'ni. 'Wena ijnotiejenie'e pet niwa jop siuniwa ijlijni'ni. Siunie ipiatatiok t'ejes 'wanjle'e ti 'es nak injwosajamna'a jana jikapiski, siuniwa jop tajla'm na ipiatatiok t'ejes 'wanjle'e niwak intatayajamna'a na jwat, ti je 'yo'me kapaja.

Juan 15:2

Siuti i'wi'in ni jik'as ni je 'es, je iyo jlaye, nak ijwiejaje. Jlam pet siuniwa jik'ase'l ti isis ti iyo 'ni jlaye, niwak ijiatayiji ti i'yena, sekyi'i ti yisitak'i ilia'm ti ilisa'n.