Mateo 3:11 - Sinia' Jlamtis 1994

¹¹ Ya'am ti anajiena anajienajyi ni i'niat, in'yenajiap jiwek ti jiwo ajosik ink'iejyisa'. 'Yina po 'neje siunie 'wanjli isia'm ti jana'ajme, nak ja inajienajyi pet ki iyo jana Sinia' jikimet ti 'es siu'neje ni jwat. Jla'm ijiate jla'am ti jijweye poyi ti 'yaka'm itipe'e, ijiate ti je akajli ka yikiji niwa jisieti.

Mateo 3:11 Iomraidhean Croise

Mateo 3:6

ti ininekiajlisi'n jla'yi ti tiniejienaja'n seka'a yi'i pa tewuk.

Marcos 1:4

Pojompe pi i'nio' jle' iyo'ate Juan, yi'i pi ajnat mami'yi ti iniejiejne'n papo i'nio', iyoyi jika'niyejayiji papo ti iyo'ate: —Woye asosikis ink'iejyisa', janiejyinajyi'n, ja 'nakayi ti Sinia' ja ke inwoyi astesayi niwa askeyis.

Lucas 1:17

Jawo'ate iyot'iyipi pa injwejlanik jiwo Elías t'ipi, ti jijweye tiwenaja'm, ti janajne'n k'iye ni Saka'niona. Janekiajle wita'm napo i'nio' napo jilis; siunapo kakiujnietas janoyeyijna'a pet siunie iyo napo isis ti iyoyi ni 'es; kiak jawo ni jikijmayeja' ni Juan, ti janwakajlanit siunapo i'nio' janki'm ilia'm ni Saka'niona.

Lucas 3:16

'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

Lucas 3:3

Yamat'ipi ti iniuk'i'ni puwa ji'wetis papo i'nio', je tojwape'n pa tewuk Jordán, ti iyo jika'niyejayi papo i'nio' ti iyo'ate: —Woye asosikis ink'iejyisa', jla'yi ka inajienajajyi'n, ka Sinia' janetiajnat niwa askeyis.

Juan 1:15

Juan 'yakets'ijiap siunie jika'niye ti iyo'ate ti ijwile pijia'm: —'Naka siu'nie ajwel'nijpe ti awo'ate, “Po'o ni i'nio 'wanjli isia'm ti 'yaka'm itipe'e, nak siunie i'nio' ti po ta'a ti 'nelanjiejat'ipi, ti ya'am siliejlik'iji.”

Juan 1:30

'Nak ajwel'nijpe ti awo'ate, “Po'o ni i'nio 'wanjli isia'm ti jana'am, ti 'yaka'm itipe'e. Naka i'nio' inia'an ti po'o ti ya'am je ajlijyi'ijne.”

Hechos 1:5

Ijiate ja Juan ti i'niat ja iniejiejni japo, 'yina ka pajata wata'a kiak ja ke iwo ti asa'am, ja inajienajyi jana Inia' jikimet ti 'es.

Hechos 19:4

Pablo sekyi'i iyone'ne 'ate: —Ijiate, Juan iniejiejne'n siupapo iyot'ipi jlosikis ink'iejyisa'. Ijwijla'm papo ka je inkakiuyis siupa 'wanjlit'ipi isia'm, ajwel pa Jesús.

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Hechos 8:38

Ijliuye'ne pa kaletawo ka inajapajne'n japa kaleta. Tisiojmayet'ik'ijimpe, yamayet'iyisiampe pa i'niat, sekyi'i Felipe iniejien'ne paka.

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Tito 3:5

sekyi'i kasjwajieten'ne. Je ka pakaye kat'emina ka iyoki pi k'iejliyi ka sikijmayeja' ka wujwa ka 'esie ti kasjwajiete'n, 'wenajliyi jla'am siunie ti jikap'ijliuskiye po', naka'ne ti kasts'esi. Sekyi'i ti kasleja ki iyo niwa sakeyis, sekyi'i ti ekiajlayi'iji ni awoki siunie iyo ti 'nelanjie'e atajlaja'm jana set. Jlampet siojona Sinia' jikimet ti 'es janaka pet ti iwints'e'm ni si'wasankiye ti ink'ie'.

1 Pedro 5:5

Siuti asa'am ti jwemik'iase'm, 'esiji ka k'iuyeyi siunapo as'lejwas ti paja ni Inamtik ti iyoyi, ti ijliu'wase'm. Awoma wita'm ti awo'nase 'ate, ká anitonitiejyi'n, 'wenajliyi ti janip'elisina'. Noyeje ni akiecha, kiak jawo pit ni akiecha. Jlam'ne iyo'ate siuniwa inamtis t'ipi, “Sinia' teje'yi ilia'm siunapo i'nio' initonit, jlampet siunapo je initoniti'n napoka pet ti iniuyeje, wuj ti ip'ilisijne'n.”