Mateo 27:2 - Sinia' Jlamtis 1994

² Tilie'nitieja ti iyoyeyisi ka nekisi ti ijioyisiji ja Pilato, jla'am ti anechiyas Roma jlele.

Mateo 27:2 Iomraidhean Croise

Mateo 20:19

Janekiajlayinie'e napok Roma jlele ti janlakiyis siunie janwonisi, ti jank'ajas'ni, siu'neje ti jank'iejwatits'i jana cruz. 'Yina jloma janajapeja janapi pijia'm ti jantajli ni a'no'.

Mateo 28:14

Siuti anechiyas janjieyi, ejlo'o wekie'e. Kaspo' ala, janitojmatajayijna'a sa'am ja 'nakayi ti ja lajak'ipa ka woyeyi.

Lucas 13:1

Pak siupa jloma po' papo i'nio' ijioyi pa Jesús ti iyonisi 'ate: —Pojompe papo i'nio' tal Galiléaja, siupapo iliajnen'ni puwa wakiajas, ti iyunitisieta pa Sinia'. Papok siupapo anechiyas Pilato takajlunie ka tilianaja'n, siupa ji'woyis tijlijnataja puwa wakiajas ji'woyis, siupuwa ilianisin'ni jlamis.

Lucas 20:20

Jitiej je ilienits'i pa Jesús, iyoyet'ipi jikawosa' kan'yenits'i ape'e ka poye paka k'iejliyeyi paka ji'lija ka je 'esie, sekjane'yi ka inekiajlayisi pa anechiyas.

Lucas 23:1

Ti tikiniejayi pa Jesús 'yina pajlatisk'i'ne ti ijioyisiji pa Pilato.

Lucas 23:12

Jlam'ne Pilato jikojwa pa Herodes ti pajk'i, je 'esiji ti iyoyeyisi siupi iniwonisi, sekyi'i 'wena iyoyeyi, iyoyeyi t'ajajnajwaye.

Lucas 3:1

Pakayi ti itijwa'm sikioye ijwienjli sisiet tom'niji puwa najkapis yiji ti iyo anechiyasa' pa i'nio' jle' iyo'ate Tiberio, Roma jlele, anechiyas pet pa Poncio Pilato yi'i jlaja Judea, jlampet pa Herodes yiji jlaja Galilea ti iyo anechiyasa', siupa jikilia Felipe yiji pet jlaja Iturea ti iyo anechiyasa' iyo jla'yi japa Traconite, Abilinia paka pet pa Lisanias ti iyo anechiyasa',

Juan 18:12

Siojopo ijiawos jla'yi ja jika anechiyasis, siu'neje japo i'yena jlaja 'najla'wet, isimits'i'ne ja Jesús, sekyi'i ti ilie'nitisie.

Juan 18:24

Anás ipi'yaye wekie'e, ta'a ti takajlunie ka tikiniejeje ja Caifás, tilie'nitie'ne ti tikinieje.

Juan 18:28

Ti jloma 'yakajaja'n, Jesús tokiji'ni siojo yi'i ja Caifás, sek titiajlaja'a ti tikiniejeje siojo anechiyas Roma jlele. Siojopo Judíojos je 'yuyisk'i, 'yina ti iyo ka je inetiajnatis siukia jikeyis ti iyo'ate, “Siupa ka 'no kiajwe siojona je Judíojos ji'wuk, nakaye'eje siunie i'nio' ti t'ojli, je tiwenaja'm ka inkijwane siunapo ti'yekiujni jana Pascua.”

Hechos 12:6

Japak siojopa ajnaj tomk'iye ti jota ka tena jitieyi'i papo i'nio' ja Pedro, ti jlomaye ti jota ka ti'yasajni. Pedro yi' kiowe'e papo tokis times ti i'yena, ti imia'a. Wikijnies tiilie'nitije jawa jisietis jikioyi kia'iyojliyi. Ijia 'neje papo yiji pa 'wuk kiwet ti i'yena.

Hechos 21:33

Siojo tokis jika anechiyas yamitayi ja Pablo, sekyi'i ti takajlunieyi ka timesiek'i puwa wikijnies ka tilie'nitieje, 'yina i'yasam'ne japo i'nio' ti iyo'ate: —¿Ten siu'nie i'nio'? ¿Tempa jitis iyo?

Hechos 22:25

Wakajle ja Pablo ti tilie'nitie, ti jota tajak'ni, Pablo i'yasen'ne ja tokis jika anechiyas siojo sek yi'i, ti iyo'ate: —¿Ma 'esiji jiat'eje ti asa'am ka aja'ni pa ti Romano, siuti je 'yakaj siupa jitis iyoyi?

Hechos 22:29

It'imina'ne siojopo tijliuktieje ka inajas'ni, ti ipi'yayeyis ti kia'iyo, yama'ni ti tajlisie. Kia'iyojliyi ja tokis jika anechiyas je ijwiyeyiji'ni ti je ijwi'yape kajeyepa ti jla'am ti wikijnies ilie'niti.

Hechos 24:27

Paj ti yiyeyi kiwa najkapis times ti kiak iyo'ni, jlampa yiyet'iyipe pet ja Porcio Festo ti iyo anechiyasa', ti its'iuye 'wet'e ja Félix. Félix 'yina ti iyojonk'iye ka 'esieyi wita'm papo Judíojos, it'imina'ne ti jlam sek iliyeyi'i wek insat jiweje ja Pablo ti iliyeyi ti iyo anechiyasa'.

Hechos 28:20

It'imina ti 'aj'lase, ti awojonk'iye pet ka ini'wena jla'yi ka 'yakamtijniena. Siuti Israel jika kia'lists'e'm, ti po' siunie anejejwikink'iye, 'naka'ne ti it'imink'i siuniwa iyo ti sits'ijwana

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.

Hechos 9:2

ti ition kisie'e pa jikio' jlele, ka t'ajlinitie k'iye ti iyo kajnoyits'i puwa Judíojos t'ajla'wetis yi'i japa isi' jle' iyo'ate Damasco. Iyojyi'n siupapo yamk'i siupa 'Nayi Ink'ie', paka pa Jesús. Wikie'eyi ayijnies asejnia isi'mik'i ti ijios'ni insat jiweje, yi'i japa Jerusalén.

1 Timoteo 6:13

'Nakayi ya'am ene jitieyi'i pa Sinia', ti iyo ji'wasankiyeja' wikie'eyi niwa wask'i'nelaja yi' ape'e 'ni ajnat, jitieyi'i 'neje pi Sijwajieti Jesús, jlam ti inikajanit ti inijwel jitieyi'i pa Poncio Pilato, ti ajlo'wa'm ti awo'ate:

2 Timoteo 2:9

'yina nak it'imina ti anilayiti siu'nie iwit'ia iyoyi ti silie'nitieje 'niwa wikijnies 'yiniyi ni i'nio' kalankijieta. Jlampet niwa Sinia' jlamtis je iyo'ate awoyi ka t'aka poye.

Hebreos 13:3

Astaj wunitieyijpe siunapo yi' insat jiweje, askiowe wonayi 'ate ti ijiateje ti aslaye iniuyi wita'm ti jleyejyi janak insat jiwe. Astaj enayijpe 'ate siunapo ti ijia ne'wajamk'i ni siunie tiwonaja kajeyepa ti ent'a ja kiak tiwona'ase ni siunie tiwonaja.