Mateo 26:43 - Sinia' Jlamtis 1994

⁴³ Itime ti yapilietaja'ijyi japo t'eyasajnas, 'yina kia'iyojliyi imiayek'ijijne, lapakawo ti je itieyisi pi jika ijnieti.

Mateo 26:43 Iomraidhean Croise

Mateo 26:42

Sekyi'i ti yama'aja ti iyo t'ajlayeja', jakayi ti timesieyiji ti yam'ni. Iyo t'ajlayeja' ti iyo'ate: —Inia', siuti kia'iyo ja lajak'iyi paka iniwone ka ijwieji 'na iliaye ti jats'a'al, 'yina kia'iyo lapakawo ka 'esieyijina'a ka ama ti jantaj'la.

Mateo 26:44

Sekyi'i ti yama'aja ti iyo t'ajlayeja'. Yikiajle'e'ni siukia t'ajlaye iyo ti 'nelanjie'e, jlampa najapajayiji ti yam'ni.

Lucas 9:32

Jlam'ne pet ja Pedro siu'neje japo jla'yis jika ijnieti poyeta, 'yina inilayitisi wekie'e. It'imina ti je imiak'iji'n, i'winis siupi iyo ti initataja'm siupa jloniye kiecha, jla'yi ti i'winis siupapo i'nio' times ti yijap pa Jesús.

Hechos 20:9

Jwemik siojo jle' iyo'ate Eutico yi'iji'n ja 'wuk kiwet jlas tomi pijia'm ti imia'a, ti Pablo itioyi'i ti iyo jlamtikie', paj ti jika ijnieti poye, iniujwen'ne ti taj'l ape'e jlaja 'wuk siujlieja tomi pijia'm. 'Yina 'yal'ne kiaka jwemik masa, ti ti'yenajayi.

Romanos 13:1

Wikie'eyi napo i'nio' yi' ape'e 'ni ajnat ti tijniejieta'a ti je 'es ka je ink'iuye napo anechiyasas. Kajeyepa ti Sinia' jla'am ti yi'nik'i ti iyo anechiyasasa'. Jla'am ti jijweye iwijna'm.