Mateo 24:6 - Sinia' Jlamtis 1994

⁶ Ja ajieyeyi ni inwak ti janejyits'i niwa ajnatis je tose siu'neje niwa ajnatis ti je jnanjliyi, 'yina 'esiji ka 'otale t'onitienie'e. 'Yina jlam kiak janwo 'ni ajnat, siuniwa ja'nakaj janak jloma. Jlam'ne je yijliyi'ijyi janak jloma ti jano'we 'ni ajnat.

Mateo 24:6 Iomraidhean Croise

Mateo 2:3

Herodes wuj ti iyoyi jijliak'aliye, ti ipi'yayet'ipi, siu'neje papo Jerusalén jlele kia'iyojliyi wikie'eyi ti jijliak'ali po'.

Mateo 24:14

Jlampet siunie inka'niye ti 'es ti ijwil ki iyo nak Sinia' jika anechijiayas jantej'w ape'e 'ni ajnat ti ja tijwelaja ape'e, ja 'nakayeyi ti wikie'eyeyi napo i'nio' yi' ape'e 'ni ajnat jampe'ya pet. Jiwekie'ajana'a ka ajnat ino'we.

Mateo 26:54

Siut'itie ka kia'iwo, ¿tepat'e jota iwo niwak inamtis ti ijwil siunie iwit'ia, siu'nie ajyi?

Lucas 21:19

¡Jwajla'a paka woyeyi 'nakayeyijna'a ka 'yakana siojona jla'm ijiate jla'am ti as'wasankiyeja'!

Lucas 21:9

Siuti ja ajieyeyi ni inwak ti ja ne'yisia'm, siu'neje napo i'nio' ti janta'yi ilia'm napo jika anechiyasas, ke ijnots'ijnayits'inie'e, jlam kiak jawo niwak jana'an ti ja'nakaj, 'yina tojliyi'ijyi siunie jane'yiyi ni jlaja niwa jlomas.

Lucas 22:37

'Yina jajwi'lase'm ti je 'esiji ka je kiak iyo, ti janeyi janak jloma ti tenat'ijyipi its'ioye, ti iyo'ate niwa inamtis ti yiji ni ji'wet, “Iliaye iniuyi wita'm siunapo i'nio' inkeyis jiliajnis.” Wikie'eyi niwa inlesajna' ti sijwe'el ti jane wita'm 'nakayi.

Juan 14:1

“Ká awoye asjlak'aliye. Ataj womayi pi Sinia', jla'yi ka ataj womak'impe.

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Apocalipsis 6:4

Siuti a'yenayi, a'wenayi ja jikiecha a'lenta, 'yina jla'm isiatk'i. 'Yina siojo yi' pet ape'e jijweye tekiajlaja pet ka jikamankiye ijnale 'ni ajnat, 'nakayi ti siunapo i'nio' janitej'we ti janapits'i jlam wita'm ti janilajne'n. 'Yina tiwenaja'm 'neje ja jitisajnat tiok siojo ti jwajla iyo'ni.