Mateo 24:3 - Sinia' Jlamtis 1994

³ Sekyi'i ti yama'ni ti ijioyits'i ape'e jlaja tikijnaki jle' iyo'ate Olivokiet. 'Yina ti 'nesa'ni Jesús siojopo t'eyasajnas iyonisi'ne 'ate ti i'yasis'ni: —Jwelkiamts'e'm kiu', ¿tepat'iyi japak jloma ti kiak jawo? Siuka je tojwata'ana'a japak siojopa jloma ti ja apimet, ti ajnat jano'we, ¿ten siupa jana'an ti ja'nakaj?

Mateo 24:3 Iomraidhean Croise

Mateo 13:36

Jesús isiejak'i kiojia'm japo i'nio' ti iyoyeyi ka nek, sekyi'i ti yapilieyis 'wuk kiajwe. Jakayi'ne ti t'eyasajnas i'yas'ni, ti iyonisi 'ate: —Kajanitk'iyi sik'ioye siunie iyo ni jijwelts'e'm, ti ji'yejnap jiwek jana cizaña ti yi' inwasoki'.

Mateo 13:49

'Yina kiak jawoyi ka inojtak'i 'ni ajnat, janekie'nina'a napo injlojwajnas poli jlele, ti jan'wenakit siunapo je isis ti ijlijni'ni siunapo isis.

Mateo 15:12

Siojopo t'eyasajnas ijioyisi, ti i'yasisi'n ti iyonisi 'ate: —¿'Najane pi jiwone ti iliatisiji napo Fariséojos, ti impe'ya siunie jiwo ti jlamti?

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Mateo 16:28

Ijiatk'i siu'nie jayo ti jajwi'lase'm, ti asa'am ti nak jleye'yi 'nakayi, japoye siunapo 'wasajne'n, ka je 'naltajana'a jan'we'en na I'nio' Jlas ti jana'am kanwo anechiyasa'.

Mateo 17:19

Siojopo i'nio' ti tajlayi ja Jesús, jakayi'ne japo t'eyasajnas ti kiak iyonayisi ti i'yasis'ni: —¿Yot'iyi'ni pet ti je akajlaje ka kiak iyonaja ka iyokiosa ta'a kisie'e?

Mateo 21:1

Ti majleyeyisi jlaja Jerusalén, japo Jesús ti jla'yis japo t'eyasajnas yiyeyisi siujlieja isi' tomi ilia'm jle' iyo'ate Betfagé, je wuj jlajak isi', yi'i jlaja tikijnaki siujlieja jle' iyo'ate Olivokiet. Jesús sekyi'i ti ijliuye japo t'eyasajnas times,

Mateo 24:27

Kajeyepa ti jawo'ate siunie ti tak'ayetaja, ti tajlap 'niji taj'le ni kilie', ti jlal itie 'nijiye 'yu'yi ni kilie', ka 'nesta ni I'nio' Jlas ti janapimet.

Mateo 24:30

Sek jane'yi'ne ka 'nakajayinie'e siunie ja inajnate'n jik'ioye ni I'nio' Jlas, ti jane poliyi. Ja wujwa ti jajnots'ijnits'i napo i'nio' yijits'i niwa ajnatis, ja pajlata ti jajnots'ijnits'i, sekjane'yi ti janapk'i wita'm. Jan'wenisiena'a ilia'm ni I'nio' Jlas ti janapimet ti jantal poliyi, ti janejyi jana poli, jla'yi ti janejyi siupi jijweye iyo ti je jlase', jla'yi ki iyo ni jloniye ti 'es.

Mateo 24:37

“Jawo'ate iyot'iyipi siupuwa jlomas Noé yiji, ka inapitiemet naka I'nio' Jlas.

Mateo 24:43

Ataj enayi 'ate siu'nie: siunie ji'wuk jana t'oyeja'm ti kajlajnata 'yujia'm, jijwelt'itie ka ma'a ka intejnisijyi'n k'iye ti 'nesata. Jeyi kat'aja, kajeyepa ti jan'yena japa ji'wuk.

Mateo 28:20

'Eyasanayi pet siunie ajloye'ase'm ka woyeyi, ja 'nakayeyijna'a ti jani'neyasanisi. 'Yina ti ya'am ajwel pet ti ja ke pajna'a ka itiaj'lase'm, paj ka ineyeyinie'e ti ajnat jano'we.

Lucas 21:7

I'yasat'iyisimpe pa Jesús ti iyo'ate: —Inka'neyasajnawo, ¿nit'it'iyijna'a ka ineyi naka? Siuka ijiatatajana'a ka je tojwa'a, ¿ten siupuwa jana'an ka 'nakaj?

Hechos 1:7

Jesús isiujlie ti iyo'ate: —Je'ne ti asa'am ka 'najanayi paka wonayi niwak siuniwa wask'i'nelaja jawo ni Inia', siojopa jlomaye, 'wenajliyi ti ja jlama jla'am, 'yaka jlam ti tijna'yi.

Hebreos 9:26

Siut'itie ka kiak iwo pa Sijwajieti je pinitiejeje ka'nal'ni, ka intajlap'e siupa ti 'nelanjie'aja poye 'niwa wask'i'nelaja. 'Yina jeyi kat'aja ka kiak iwo. 'Wenajliyi siunie iyo, siuti awak 'niji jlaja niwa jlomas Sijwajieti ijwienjliyik'i jiwek pakatajaje ti 'yakaj ti 'nesa, ti iyo ka inetiajnat niwa jikeyis napo i'nio', pakayi ti jlam jla'am ti iniwe'en ti inila'n ape'e.