Mateo 23:5 - Sinia' Jlamtis 1994

⁵ “K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.

Mateo 23:5 Iomraidhean Croise

Mateo 9:20

Jakayi'ne ti siujlieja asejnia ti jiwet'ia po', ti ji'woyis je netiank'i, ti ijioyi. Yi'i japa jloma ti 'es, yi'i japa jloma ti ijiatayi ti je 'es ti yapi'li'ni siupa jiwet'ia iyo, ti je netiank'i'ni pi ji'woyis. Paj ti itijwa'm niwa sikioye times tom'niji puwa jika najkapis yiji ti je tijwa'. Tajla 'wechaja ja Jesús ti isiets'e ja ji'wu' jikiusi'l.

Lucas 16:15

'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.

Lucas 20:47

Tajlane niwa ji'wuki'l napo ask'ilieki, ti inistajanitisi ni jloski'la iyo ti iliaki napo, je iliakiyisi'i ti iyoyis t'ajlayeja'. ¡Sinia' wuj ti jansa'ak'i napoka!

Juan 12:43

Najata jla'am siunie i'yenis ka i'nio' ijnoniti jlam'ne kan'yenis ka Sinia' ijnoniti.

Juan 5:44

¿Tepa t'e jawo ka je sakakiuye siunie ajwe'el, ti asama'yasa'm ti jininekiajlayi ti jiniwunitie, jlam'ne ka woyejyi'n jla'am ka ijnonitie' pi Sinia' ti pakata?

Juan 7:18

Siunie i'nio' iyojonk'iye ka tonitie je k'iejliyi paka inwo, najata jla'am iyo siunie tajle. Jlam'ne pet siunie ti iyojonk'iye ka tonitie siunie i'nio' sijliu', nak ijiatk'i siunie iyo jlamtikie'; ka ne ts'ijiye ka jla'am iwo siunie taka'neyasane.

Filipenses 1:15

Ijiate poyeta siunapo ijwil ka iwoyi jlamtikie' pa Sijwajieti, 'yina je ijiatk'i kajeyepa ti iyoyi naka ti ijiulsinisijk'i'm, jla'yi ti 'yaka ti tejeyis ijyilia'm. 'Yina po' pet siunapo jitienkiujnieye ijniul wita'm ti iyoyi jlamtikie' pa Sijwajieti.

Filipenses 2:3

Ká aniwunitie; siunie ti janjwela ka ijnonitie ti k'iejliyi pa ti jilisanayi, ká anitonitieyi, 'wenajliyi ti ja anijlasata'yi isia'm. 'Yina kiak jawoyeyipi 'ate, “jla'm ijiate wek jla'am napo i'lijwas ti jle' po'.”

2 Tesalonicenses 2:4

Naka'ne ni siunie ti janta'yi ilia'm wikie'eyi siuniwa Sinia' jle' yiyi, siu'neje niwa ijnonitieye tena'a. Ja ke t'ajwejliye pa, ti janejyi'n kiajwe jana Sinia' ji'wuk, ti janijwe'el ka jlama kapakaye Sinia', jawoyena'a 'ate, “Ya'am ti anechiyask'i'm.”