Biblia Todo Logo
Bìoball air-loidhne

- Sanasan -




Mateo 23:4 - Sinia' Jlamtis 1994

4 Ka kia'iwo ka je kiojietajats'i niwak ti itilkinisi napo i'nio', jak je iyoyi ka 'noyisi ti iyoyetaja ka inkimis kiajwe. Ka iyot'i jla'm 'ate siunie t'eyasajnaye je 'yakajli paka iwoyi. Tiwet'ianaja ka jijwuki jlasiye ka inkiene pa ka k'iejliyeyi ka inoyeje pa ka ine'yi.

Faic an caibideil Dèan lethbhreac




Mateo 23:4
10 Iomraidhean Croise  

“¡Aswet'ia japoye, asa'am ti Fariséojosts'ase'm, siu'neje ti asampet jiwosts'ase'm nak Moisés jika'neyasajnaye! ¡Ijnoski'lanajyin wata'a! 'Wanjliyi ka kia'iwo ka ajwela' ka je akajlanayi niwak siuniwa je 'esijiyi, ti jijwela' ka ajotieyi pa Sinia', ka awoye ji'wajieta', iyoye 'ate niwaka menta, siu'neje niwa anís, siu'neje niwa comino, ti jlekiajlayi pi Sinia' siojona tajlaja'm ti ji'yakana'ni itijwa'm niwa sikioye. 'Yina ti je woye lajaye nak inka'neyasajnaye, it'imina ti je woyeyi, ti ijiate jla'am ti laja po' ni siunie yi'i niwa Sinia' jlamtis siuniwa ti tajleje ni i'nio' ti 'es, ti tijnajyi, jla'yi ti jikap'ijliuskiye po' ni i'nio', siu'neje ni inemijnaye. Niwaka'ne ni siuniwa ti ijiate ti 'es ka awoyeyi, 'yina je paj ka aleyeyi ka ekiajlayi pi Sinia' siojona tajlaja'm ti ji'yakana'ni itijwa'm niwa sikioye, siu'neje niwa ijia ti kia'iyo ti isis.


Jak je iyoyiji, k'iuyeyi siuniwa ijwilis jla'yi ti ja alesana, 'yina ká akiniets'i siunie iyo niwa jikeyis. Ijiate ijwilatajas siunie 'es, 'yina je iyoyisi.


Jesús isiujlie ti iyo'ate: —¡Kiak jiwoyeyi, asam pet ti jika'neyasane ni inka'neyasajnaye, aswet'ia japoye! Jiwoye jijliuye napo i'nio', siunie kiojieti, ti lajk'ipa ka ne'yi paka 'noyi. Siunie 'eyasajnaye ti lajk'ipa ka inkajli ka woyi, tiwet'ianaja ka ajwuki jlasiye japa ka akienayi ka anoyeje ka ena'yi ape'e ni jijliuk.


'Yina ¿yot'iyi'ni ti jlejlita pa Sinia' ti jitilkinayi napo jilis siunie je akajlaja ka yoki, jla'yi papo sitiselt'ipi kiak iyoyisi je ikajlisi?


'Yina lapakawo ti kiak iyo jana Sinia' jikimet ti 'es, jla'yi pet ti sa'am, je 'esiji ka k'iejliyeyi paka ijiosa'ni asek'i, ka iyok asjlokie, najata jla'am siunie 'esiji ka woyeyi.


'Yakajlitieje ti jlamisieta napoka siunapo yamisi pet naka, 'yina je iyoyisi niwaka iyo ka tiwoki ni Moisés jika'neyasajnaye. Siuti kia'iyo ti 'yijienta'ase'm ka kiak awoyeyi iyo jlamis ti t'isie'n jiwa yiwa'aja'n, 'yina naka jla'am ti ijialasis ti iyojonk'iye ka inkanitk'i wita'm napo i'nio', ka tonitieje ka insakana ti kiak inwonayi ti iyoyis ajwukisa'.


Siuti jlemi'n pi Sinia', it'imina ti jiwoyi siuniwa jlamtis. Siuniwa jlamtis je kiojieti pet,


“Jlampet ti asa'am pa inojwajia'm pet ti jleye'yi janak Tiatira je jlekiets'i nak jika'neyasajnaye janak Jezabel, 'yina ti kia'iyo ti je intant'iejayi siuniwa ijwilis ti jlameje ti tajle ni sitiejiejwa imosik, 'yina ajwe'lase'm ti lajk'ipa jikiechaye ka itilki'nase ka 'yijie'nase'm 'etsaka. Najata jla'am ti awotajank'iye ka 'otatiji ni siunie yi'a, paj ka neyeyinie'e siojona jloma ti ja'nis ti jayapimet.


Lean sinn:

Sanasan


Sanasan