Mateo 21:11 - Sinia' Jlamtis 1994

¹¹ Ijia isiujlie ti iyo'ate: —Siu'nie injwejlanik jiwo Jesús, ti Nazaret jlele ti yiji jana Galilea.

Mateo 21:11 Iomraidhean Croise

Mateo 2:23

Ti 'nesat'ipi yamitayi japa Nazaret, japak'ne ti iyo 'weta. Pakayi ti yiyeyi japak jloma siupi iyot'iyipi papo Sinia' jijwejlanawos ti kiak ja tiwonaja'ni 'ate Nazareno.

Mateo 21:10

Jakayi ti Jesús ijiojwa'm jlaja Jerusalén, pesiejak'i'ni japo jitiej ijiutie ti'yasanisi'ni, ti iyoyits'i 'ate: —¿Ten 'ni i'nio'?

Mateo 21:26

Je 'esiji ka yok'iate, “Tajle napo i'nio'”, 'napok je 'es jla'am napo i'nio', kajeyepa ti wikie'eyi ti je 'yakakiuyis pak Juan ti jla'am ti Sinia' jijwejlanik jiwo.

Mateo 21:46

Jakayi ti iyoyetajas ka inkimits'i, lapakawo ti je ijwiyisie japo i'nio', kajeyepa ti 'yijenisi ti Jesús pak Sinia' jijwejlanik jiwo.

Marcos 6:15

Po' papo iyo'ate: —Nak Elías ti injwejlanik jiwo. Po 'neje papo iyo'ate: —Injwejlanik jiwo wek, 'ate iyo siupapo ijia ti inian'ni.

Lucas 13:33

Je 'esiji ka je iyiyi siunie ja ijiojwi, siu'nie jloma jla'yi siupa kajlomata, lapakawo ti je 'esiji ka lajak'i pa injwejlanik jiwoye ka tenajaja Jerusalenne ka tiliana.

Lucas 24:19

Jesús iyo'ne 'ate ti i'yase'n papoka: —¿Tepit'i iyoyiyi paka? Sekyi'i iyoyis'ne 'ate: —Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis.

Lucas 7:16

Siupapo i'nio' ti i'winat'iyispe, wuj ti jnots'ijnits'i. Sektaj'le papo i'nio' ti iyunitisie pa Sinia', ti iyoyits'i 'ate: —¡Injwejlanik jiwo wuj 'ni a'wena ti yi' sikiowe'e! Kiak t'ipa iyoyeyisipi'iji 'ate: —¡Sinia' name 'napo jika kia'lis ti janoyeje!

Lucas 7:39

Pak siupa Fariseo Jesús ijioyi, ti i'winat'iyipi, 'yina iyo'ne 'ate ti yini'ni jikiowe'e, “Jlamt'itie ka ijiatayi ka injwejlanik jiwoye siu'nie i'nio', jlam kiak je iyotaja'ni siojona asejnia ka inkie'ne, kajeyepa ti 'yijentaja paka inwone ti siojona asejnia je 'es, ijiate ti iyoyi ni jike'.”

Juan 1:21

Yikiajlayisi'iji ti i'yasisi'n: —Jakajliete, ¿te'na'm? ¿Amt'imi siupa injwejlanik jiwo Elías? Juan iyo'ne 'ate: —Je ya'am. Jlam yinjliyisi ape'e: —¿Amt'e jiat'eje siupa injwejlanik jiwo ti ja'nes? Isiujlie ti iyo'ate: —Je'e.

Juan 1:25

ti i'yasisi'n: —¿Yot'iyi'ni jiat'eje ti jiniejiejne'n napo i'nio'?, ti jijwe'el ti je injwajietiwo'wa'm, jla'yi ti jijwe'el je a'am siupi Elías, siu'neje ti jijwe'el je a'am siupi injwejlanik jiwo.

Juan 4:19

Ti ipi'yaye ti kia'iyo, iyo'ne 'ate jlajak i'nioki: —'Yaka'niona, ijiatp'aneje ti a'm injwejlanik jiwo'wa'm.

Juan 6:14

Iyone'ne 'ate japo i'nio' ti i'winayis siukia iyo ki i'winki'n: —Ijiatp'aneje ti 'naka 'ni tijwela'nijpe, siupa injwejlanik jiwo ti ja'nes ajnat'e.

Juan 7:40

Po' japo iyo'ate ti ipi'yayisie ja Jesús siukia iyo ti tamti: —Yaka ijiatat'ijyi ti 'naka 'ni injwejlanik jiwo ti tijwela'ni ja'nes.

Juan 9:17

Yikiajlayisi'iji ti i'yasis'ni jak i'nio' ja talokpe, ti iyoyits'i 'ate: —¿Tepi jiwo pet ti a'am, siupi i'nio' in'wejnajne'n? Isiujlie japo ti iyo'ate: —Ya'am awo'ate, injwejlanik jiwo jaka.

Hechos 7:37

Jla'am pa Moisés siupa ti iyont'iyijpe 'ate papo Israel jika kia'lis, “Sinia' jantajlat aswa'm siupa jijwejlanik jiwo ti jawo'ate awoyi.”