Mateo 2:6 - Sinia' Jlamtis 1994

⁶ “A'am Belén, jlejyi jana Judá, kiak jiwo pit je ka insamjlie ti jlejyi'i niwak siuniwa isi'il ti wus yi'i janak ajnat. Kajeyepa ti nak jantaj'le nak anechiyas ti jan'yena napo 'yaka kia'lis Israel.”

Mateo 2:6 Iomraidhean Croise

Mateo 2:1

Jesús yijijyi'n japa isi' jle' iyo'ate Belén, yiji japa ajnat Judea pakayi ti yi'i ti iyo anechiyasa' pa Herodes. Siupapo i'nio 'yijejne'n ini'neyasane niwa katese'l pi iyo, tal 'niji siunie taj'le na kilie', ti yiyeyisi japa Jerusalén,

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

Juan 21:16

Jesús yikiajlayi'iji ti i'yase'n ti iyo'ate: —Simón, Juan jlas, ¿mi semi'n? Isiujlie ti iyo'ate: —Ji'yu, 'Yaka'niona, am 'najane ti emi'n. Jesús ijwijlam'ne ti iyo'ate: —'Yena niwa iliajwas 'wolepo'.

Juan 7:42

Ijwiljie'e niwa inamtis pak Sinia' jiliujwanik jantajla'm papo David, jla'yi ti ja ji'weta'a jana Belén, isi' siojona ji'wet t'ipi pi David.

Efesios 1:22

Wikie'eyi niwa wask'i'nelaja ti Sinia' yin kiajwe ni Sijwajieti, naka ti iyo jletikie' pet napo Sinia' jilis,

Colosenses 1:18

Jla'am 'neje ti jletik siunapo Sinia' jilis. Paka pi jlas ti iniajnat, jla'am 'neje ti inia'an ti iniu kisie'e ti tajli ni a'no', ti iyo anechiyasa' siunie wuj.

Hebreos 7:14

Iyo ni siunie ti kasts'ajane, siunie Saka'niona ti tajla'm siupapo Judá jika kia'lis. 'Yina siupa Moisés t'ipi je ijwi'il papoka ti kia'iyo ijwila papok pa'yijis.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 2:27

Iyo pet 'ate ni awo ti Inia' iwink'i'm siunie ika anechijiayas. Ijia jika anechiyasa' 'yina ja ke lajak'i siunie ja jijweyeja' ti je jlase', jawonayijna'a 'ate siuniwa ta'aski ti isat tiwok jijwala' ti tajakiamk'i. 'Yina jawijna'm 'neje siojona kates jloma jla'yiki.

Apocalipsis 7:17

Lapakawo siunie 'wolepo 'woma ti yi' kiowe'e siojona 'es ji'wet ni anechiyas jan'yejnap jiwek siunie ti i'yena niwa sontas, janajnin'ni k'iye ti jajnoyiji niwaka i'niatis isisits'i ti tajla'm niwa tikijnakiyis, ti iyo 'wasankiyeja', 'yina Sinia' jitiet t'e' inlejak'ina'a.”