Mateo 2:4 - Sinia' Jlamtis 1994

⁴ Tanat'iyisipi papo pa'yijis jika anechiyasas, siu'neje papo jiwos pet pa Moisés jika'neyasajnaye. I'yasin'ne ti iyo'ate: —¿Tepa t'e jane'yijyine pak siupa Injwajieti ti Sinia' jijliujwanik?

Mateo 2:4 Iomraidhean Croise

Mateo 13:52

Jak je iyoyiji'ni ti Jesús kiak iyone: —Ka ne'yi pa siunapo jiwos pet ni Moisés jika'neyasajnaye, ti ini'neyasane ni Sinia' jika anechijiayas, iyoye'ate siunie jika'niona jana 'wuk, ti janak tajlajam'ni siuniwa 'yotat. Po' niwa ink'iejyis, ijia niwa ji'yusis niwa wask'i'nelaja.

Mateo 2:3

Herodes wuj ti iyoyi jijliak'aliye, ti ipi'yayet'ipi, siu'neje papo Jerusalén jlele kia'iyojliyi wikie'eyi ti jijliak'ali po'.

Mateo 2:5

'Yina isiujlisie'ne ti iyoyits'i 'ate: —Janejiyi'n Belenne, siojopa yiji jana Judea. Iyoyi niwa jlamtis t'ipi papo Sinia' jijwejlanawos, ti yi'i ni ji'wet ti iyo'ate:

Mateo 21:15

'Yina japo kia'lis ti sekyi'i tanayisi ape'e, ti ijiunitis ja Jesús, ti iyoyits'i 'ate: —¡Tonitie 'ni David jlas! Jlam'ne pet siojopo pa'yijis jika anechiyasas siojopo jlameje, siu'neje japo jiwos pet nak Moisés jika'neyasajnaye, ti ipi'yayis siojowa iyo japo kia'lis ti tanisi ape'e, jwesis'ne kajeyepa ti i'winisieje ja Jesús siojowa iyoyi ti i'winki'n siojowa wask'i'nelaja je ti'wena'ni.

Mateo 21:23

Jesús ti itimayi siukia iyo jakayik'i, 'yina ijioyi'ni siujlieja 'najla'wet. Siuti taka'neyasa'n, 'nesa'ni japoka siojopo pa'yijis jika anechiyasas, siu'neje japo kijilas ti kia'iyo anechiyasas, ti ijioyisi ti iyonits'i 'ate ja Jesús: —¿Tent'ipa ajweye ni jikiene niwaka? ¿Ten siupi jitiajleje?

Mateo 26:3

Kiwak siukiwa jlomas ti pa'yijis jika anechiyasas, jla'yis napo kijilas, ininenisi 'wet'e ja Caifás siojo jlamt'iyiji ti wuj japo pa'yijis jika anechiyasas.

Mateo 26:47

Jesús je iliyi ti takamtijnien'ni, sekyi'i ti 'nesa jak t'eyasanik jla'am tajla'm siunapo itijwa'm niwa sikioye times tom'niji jle' iyo'ate Judas. Namk'i napo i'nio' 'loj siunapo pa'yijis jika anechiyasas napok jikio' jlele, siu'neje napo kijilas. Iyoyis jitisajnatis jitioye, ijia napo iyo jik'iulisie'.

Mateo 27:1

Ti k'iejli motie wikie'eyi siojopo i'nio', pa'yijis jika anechiyasas siu'neje japo kijilas, iyoyeyisi siunie janwoyisi ti inikiujlis ape'e ka tiliana ja Jesús.

Marcos 8:31

Sekyi'i Jesús iyo jika'niyeja' ti ijwijla'm japo t'eyasajnas ti iyone 'ate: —'Yejne'n, siunie I'nio' Jlas je jwela ka je inilayiti. Siunie janwone siunapo i'nio' anechiyasas, siu'neje napo pa'yijis jika anechiyasas, napoka 'neje napo taka'neyasane ni Moisés jika'neyasajnaye, jane'wajasia'm sekjane'yi ka inlanayisna'a. Jlam'ne pet ti jla'm, janejyi puwa jlomas janajapeja sekjane'yi janapiliena'a pijia'm ti jantajli ni a'no'.

Lucas 20:19

Siupapo pa'yijis ti kia'iyo jijweye po', siu'neje papo taka'neyasane pa Moisés jika'neyasajnaye, iyoyisiet'itiejepi ka inkimits'i, kajeyepa ti itijnisieyisi pa Jesús ji'lij 'yijejnap'ni, ti yijnapeje papok inkijmayewos t'ipi. 'Yina papoka jla'am papo i'nio' ti je ijwiyisie.

Lucas 23:10

Sekyi'i 'neje siupapo pa'yijis jika anechiyasas, siu'neje papo taka'neyasane pet pa Moisés jika'neyasajnaye, jlam 'yijienista'a ti ijiutkinisi ape'e pi jitis.

Juan 18:3

'Yina 'nes'ne ja Judas ti ajnaj jla'yis japo ijiawos siu'neje japo i'yena jlaja 'najla'wet. Siojopo pa'yijis jika anechiyasas japok ijliuk'i, japoka 'neje jla'am japo Fariséojos, ti iyoyis jikio' jleliye, jla'yi ti iyoyis jika katesila.

Juan 3:10

Iyo'ne 'ate ja Jesús ti isiujlie: —¿Tepi t'i iyo ti jijwe'el je 'najane paka wone niwaka, ti a'am Israel jika kia'lis jika 'neyasajnawo'wa'm?

Juan 7:32

Siojopo Fariséojos ti 'yijenayisi pi iyone siukia tiwonaja ti intaj totieje, japoka 'ne'eje jla'am ti ijliu' papo tokis siojopo i'yena jlaja 'najla'wet, siu'neje japo pa'yijis jika anechiyasas, ka inkimits'i ja Jesús.

Juan 8:3

Siojopo jiwos pi Moisés jika'neyasajnaye, siu'neje japo Fariséojos, itionayisi ja Jesús jlaja asejnia ti 'yuyi'ni pi jikiecha jik'iemjla. Yinayis jikiowe'e japo i'nio' nojk'i wita'm.

Hechos 23:9

Wikie'eyi japo i'nio' ti tamtits'iji'n. Po' siojopo sekyi'i ti taka'neyasane kia Moisés jika'neyasajnaye, ti tajla'm japo Fariséojos, takasitk'i'ne ti iyonisi 'ate japo i'nio': —Siu'nie i'nio' lajk'ipa ka je 'esie, ka k'iejliyeyi kawoyi ka 'winaja. Ajwel'ni insak'aljle pa takamtijniene, ni'ne ka injlojwanik poli jleliye pa.

Hechos 4:5

Siupa ti jlomayet'ijyi siupapo Judíojos jika anechiyasas initotk'i wita'm yi'i jlaja Jerusalén, siu'neje papo kijilas jle' po', siu'neje papo taka'neyasane pet siupa Moisés jika'neyasajnaye.

Hechos 6:12

'Yina siuti kia'iyo, ijwisin'ne papo i'nio', siu'neje papo kijilas t'ipi, jla'yi papo taka'neyasane pa Moisés jika'neyasajnaye. T'ekiyet'iyisijpe pa Esteban, isimits'i'ne ti 'yutits'i a'laja'm. Sekyi'i ti yamayisi ti itiunisi papo jlosikis jiwos, siupapo jlamt'iyijipe.