Mateo 2:12 - Sinia' Jlamtis 1994

¹² Paj ti jijwejlik tiwenajat'ijiampe, ti iyo'ate, “Siuti ja apilie'ni, ká anoyeyinie'e ja Herodes.” Ijiatjliyi, 'wena iniuyisiapi'ni ti yama'ni, ti yapilie'ni.

Mateo 2:12 Iomraidhean Croise

Mateo 1:20

Ijiatjliyi wakal siupi jitienkiujnieye iyone, ti Saka'niona jijliujwanik poli jlele yiyet'iyipi pa José ti ijwijliane ti i'wi'in. Iyone'ne 'ate: —José, David jlas, ká anit'ajanit'ni. Ki'm ilia'm jana María. Weyi, kajeyepa ti siunie kia'le ni ja jlasa' jantajla jana Sinia' jikimet ti 'es.

Mateo 2:13

Jlampa yama'ni papok siupapo i'nio 'yijejne'n, Saka'niona jijliujwanik poli jlele inikajanitia'm pa José, ti yiniji pa jijwejlik ti imia'a, iyonat'iyijpe 'ate: —Neppijia'm, majna'a mayi ni kia'le siu'neje jana jlet, ka 'yiltanayi jana Egipto. Sek we'e'nina'a ijiatjliyijna'a jla'am ka poyetana'a paka ijwi'lase'm. Herodes janwojyin'ni ni kia'le, ti iyo ka ila'an.

Mateo 2:19

Jlampa Herodes 'yalat'ipi, Saka'niona jijliujwanik poli jlele ijioyi'ni pa José ti ini'wenkijna'm ti yine jijwejliki ti imia'a, ts'e yi'i japa Egipto, iyone 'ate:

Mateo 2:22

Je 'es t'ipi ti t'ijieyeyi ti Arquelao iyo anechiyasa' ti its'iuye'e pi jinia' Herodes, sekyi'i pak je ijwiyi'ni ka nek. 'Yina Sinia' jijwejlik iwijnam'ne, ti iniuyeje siupa ka iniwone. Tejeyet'iyijpe 'nijiye pa kia'le siu'neje japa jlet yi'i japa ajnat Galilea.

Mateo 27:19

'Yina ti Pilato yijin'ni ts'e tenaja'a ni siunapo ti kia'iyoyetaja ti jitis po' ti ti'yenajata. Sekyi'i siujlieja jik'iemjla ijliu'ne ja jikawo ka ijwejla'm ki ji'lij ja jik'iemjla ti iyo'ate: —Ká ani'notinie'e siu'nie iyo, naka ti ijiate jla'am ti 'es. Kajeyepa ti siukia ajnaje po' ki ijwijlik ti wuj ti je 'esk'i ti naka jla'am ti ijwijlik ijioyi'ni. 'Yina je aleyi ti itiej ene'ni 'ate.

Lucas 2:26

ti iyone'ate ti ijwijla'm: —Siuti atate je i'winjli'ijyi siunie Injwajietiye ti Sinia' janjlo', ja ke i'nal kiu', jla'm ijiatena'a ka'wenta, jiwekie'ajana'a ka inetia'n pet.

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 4:19

Pedro jla'yi ja Juan isiujlie papo ti iyo'ate: —Ja asama pet ti ja atankiunie'ni ka 'esieyiji jitieyi'i pa Sinia' ka iyoki siunie 'yijients'e'm, ni'ne ka iyoki siunie jiwoyeyi ka iyoki.

Hechos 5:29

Pedro inikiujli japo injlojwajnas ijia jla'yis, ti iyo'ate: —Sa'am je 'esiji ka je iniajnata ka yoki siunie Sinia' ijliuyets'e'm, lapakawo ti 'yu'we ti kia'iyo ti lajk'ipa ka ijnojliji.

1 Corintios 3:19

Siunie iyo napo i'nio' ti yi' ape'e 'ni ajnat, Sinia' je iyo lajaye. Naka'ne ti iyo'ate niwa inamtis t'ipi: “Sinia' yikiaj'le jla'am siunie iyo ti 'yijejne'n, ti isi'mik'i.”

Hebreos 11:7

Siupa Noé ti je 'yakakiu pa Sinia', sekyi'i its'iuye siupa Sinia' iyone ti ijwijla'm siupa jawo ti janeyi siupuwa ti jitiete je i'winjli'ijyi. Pakayi'ne pa Noé ti ilisane japa kasejkana ti iyo ka injwajiete'n papo ji'wet jlele. 'Yina siupa ti je takakiu'n, paka ti 'yakajanit'i ape'e papo i'nio' ti jitis po' 'ne ajnat'e, jlampet pak Noé Sinia' pak yiniji pet ti ilisajne'n siupa ti je 'yakakiu.

Hebreos 8:5

Napoka siunapo pa'yijis jika anechiyasas wus jikijmaye iyo ti isimk'iji'n je niwaka siuniwa jlameje. 'Yina jipelis 'nejie'e jiwek niwaka siuniwa yi' poliyi. Siunie it'imina ti kasts'ajane pi awonaja ti jipelis 'nejie'e wek, pakayi jla'am ti Moisés ijyijlitayi ti ilisantaja japak Sinia' ji'wuk ti 'es ti tiwonaja 'ate, “Ataj ena 'ate, 'esiji ka 'wena je awone siu'nie a'wenki'na'm, ti ajloye'a'm ka jewitanik'i ts'iji yi'i jlaja tikijnaki.”