Mateo 19:12 - Sinia' Jlamtis 1994

¹² Po' napo je iyojonk'iye jana asejnia. Po' napo ijia jlam kia'iyo ta'a ti tajla'm jana jlet ti je iyojonk'iye jana asejnia; ijia napo je iyo jwa'yisa' kajeyepa ti tilinkinaja na asejnia t'ajka; ijia 'neje napo je iyo jwa'yisa' lapakawo ti ijiateje ti janlesaniji ni Sinia' jika anechijiayas, nak'ne pet ti it'imina. Jane'yi pa jankajli pit naka, 'esiji ka inki'me.

Mateo 19:12 Iomraidhean Croise

Mateo 19:11

Jesús iyo'ate ti isiujlie japo t'eyasajnas: —Je wikie'eyi napo ka 'najane kiaka, napokata jla'am siunapo jla'am pa Sinia' ti iyo ka intant'iejeniti.

Mateo 19:13

Japo i'nio' ijioyisiji japo jilis ja Jesús ka jikio' inenk'i ape'e ti t'alk'i ape'e. 'Yina siojopo t'eyasajnas 'yakawonayisi japok i'nio' ti itiuntieje'ni japo jilis.

1 Corintios 9:15

Ijiate ti 'yuyetak'ime ka kiak iniwone, ka iyo ka isime naka. Siuti ayiji naka, je ajwel ka ijialaskinayi ka poye pa ka k'iejliyeyi ka wenak'i'm. Je nak ka int'emina ti kia'awo, jeyi kat'aja. ¡Ijiate ti je awo ka poye pa ka ijnalk'i, ti je sakajla pet ti je ajlak'alinitie, 'yina ti si'wasanjlikiu'!

1 Corintios 9:5

jla'yi ti 'esiji ka poye japaka its'iemjlaye ka iwoyi kiwa Sinia' jlamtis ka ya'yikiye'ni ti askiunietaja'n, iyo napo ijia injlojwajnas, iyo ja Pedro, iyo japo Saka'niona jik'ijnis.

Apocalipsis 14:4

Japoka siunapo ti je inikajyine napo asejnia, kajeyepa asejnia t'ale' je yi'ik'i, 'wenajliyi jla'am ti yamisk'ijin'ni naka 'wolepo 'woma siupi iyo ka ijnojwi. Lapakawo ti jikiowe'e napo i'nio' yi'i 'ni ajnat, Sinia' itime ti ijwiejiete'n, 'yiniye ka napokaye, Sinia' siu'neje ni 'wolepo 'woma, ti tiwoki ji'wajieta' siunie inia'an.