Mateo 16:8 - Sinia' Jlamtis 1994

⁸ 'Yina ti Jesús 'yijene pi iyone siunie jitienkiujnieye iyonisi, sekyi'i iyo'ne 'ate: —¿Yot'iyi'ni ti jiwo asjlak'aliye ti lajk'i puwa woyejes ka atonie'? ¡Jet'i ijiat ka atankiunie!

Mateo 16:8 Iomraidhean Croise

Mateo 14:31

Jesús ta'a ti isimk'i, sekyi'i ti kiak iyonayi 'ate: —¡Je ijiate pakawo ka ijiatayiji ka atankiu'n! ¿Yot'iyi'ni ti laj atankiujnieyeja'?

Mateo 16:7

Iyo'ne 'ate japo t'eyasajnas ti ipi'yayeyis: —Lajk'i puwa woyejes ka tiuniejen'ni, nakt'e it'imina ti kia'iyo.

Mateo 6:30

Jlam'ne pa Sinia', jla'am ti kiak iyone niwak a'la' jlokie ti isis siu'niwa jlomas, jlam'ne ti jlomayeta titietajayik'i jana inka'we, sekyi'i jwat itiujwa'a. 'Yina ya'am awo'ate, ¿Yot'iyi'ni ka je in'yenase'm ti asa'am ijiate ti jilists'ase'm? Janwe'nase'm ni ja 'oyets'i. ¿Yot'iyi'ni ti je ijiate ka ataj womayi?

Mateo 8:26

Iyo'ne pet 'ate ti isiujlie: —¿Yot'iyi'ni ti ijnots'inajyits'i? ¡Ijiateje napo yi 'ne 'nakayi jla'am ti laj astankiujnieyeja'! Sekyi'i ti iniyet'ipi pijia'm, tamtiyet'i'yijpe pa jlajwu siu'neje pa i'niat, sekyi'i ti 'yakamaja t'ipi, 'yakama ti 'yakama.

Marcos 16:14

Siupa ti tomayi pijia'm, Jesús inikajanitia'm 'neje japo t'eyasajnas ti itij'we niwa sikioye ijwienjli tom'niji pakayi ti ti'yekiujni'n. Sekyi'i takasejlane japo t'eyasajnas ti itiajlata ti 'yakakiuyis siojopo takajwejlantaja'ni ti i'winis siupa iyo ti iniu kisie'e ti tajli pa a'no'.

Juan 16:30

A'wena 'nakayi ti 'najane wikie'eyi niwa wask'i'nelaja, 'wanjliyi ka lajak'ipa ka in'yas'ni, ka in'yase'ni paka k'iejliyeyi. Nak it'imina ti je akakiukie ti ijiatp'ane ti jitial Siniayi.

Hebreos 4:13

Lajk'ipa ka ne'yi siuniwa jilisajna' jla'am pi Sinia' ka 'najane paka iwone ka injwe'el ka inijwekia'm ti jla'am pi Sinia'. 'Yina ja ke injla'an wikie'eyi niwa wask'i'nelaja ti jitiete i'wi'in, jla'am ti ja kas'ye'en siupi awoki, ka netiejenie'e siojona jloma ti yi' jlaja.