Mateo 16:11 - Sinia' Jlamtis 1994

¹¹ ¿Yot'iyi'ni ti je 'najanayi ti je niwak woyejes ti ajwe'el? Ti awo'ate, ¡Joskiyeyi siunapo Fariséojos siu'neje napo Saducéojos ni jika woye ijliasat pijia'm!

Mateo 16:11 Iomraidhean Croise

Mateo 16:1

Siojopo Fariséojos siu'neje japo Saducéojos ijioyeyisi ja Jesús ti iyo ka ijnejlitis. Iyonayisi 'ate: —Awoktajank'iye ka 'wenkints'e'm paka k'iejliyeyi, 'nakayi ti ja'wina ti ja ijiatayi ka pak atajleje pa Sinia' pi ajweye.

Mateo 16:12

Sekyi'i ti jiwekie'aja ti itinisisk'i ti je nak woye ijliasat pijia'm ti tiwomaja'ni na inwakiwa mak ka injwel'ni ka Jesús ijnoskijiete, 'wenajliyi jla'am siupa ijwi'il siupa t'eyasajnaye iyo napo Fariséojos, siu'neje napo Saducéojos.

Mateo 16:6

Jesús kiak iyone'ni japo t'eyasajnas ti ijwijla'm: —'Yejne'n, joskiyeyi ni jika woye ijliasat pijia'm napo Fariséojos siu'neje napo Saducéojos.

Mateo 3:7

Je 'es jlam ti Juan i'wina ti 'loj papo Fariséojos, siu'neje papo Saducéojos ti kia'iyo iyo ka tiniejienaja'n. Sekyi'i iyonat'iyijpe 'ate: —¡Jiwoye'ate niwa injlajas! ¿Tempa i'neyasajnajyi'n ti ijwi'lase'm ti ja'yiltana k'iye ni Sinia' jiwak ni jana'm?

Marcos 4:40

Sekyi'i ti iyonayi 'ate japo t'eyasajnas: —¿Yot'iyi'ni ti je injweyeyits'iyi? ¿Lajt'e astankiujnieyeja'?

Marcos 8:15

Jesús iyone'ate japo t'eyasajnas ti ijliuye: —'Yejne'n, joskiyeyi siunie ijliasat pijia'm niwa woyejes ti tajle napoka Fariséojos, siu'neje na Herodes ni tajle pit.

Marcos 8:21

Sekyi'i kiak iyone'ni: —¿Je tijnisiek'iyi?

Lucas 12:1

Jlampa 'lojwat'ipi papo i'nio', ti initotisiji siupa yiyits'i, jla'm ini'nomajliyis. Jesús iniajnat papo t'eyasajnas ti iyone'ate: —Joskiyeyi napo Fariséojos ti je ijiat pa kanjwelis, ti iyo 'ate ni woyejes ijliasat pijia'm.

Lucas 12:56

¡Ijnoski'lanajyi'n! Ijiate 'najanayi ti ji'yena' siuniwa k'iejliyi ti 'lan poliyi, jla'yi ti 'najanayi pi jiwonayi siuniwa yi' pet ajnat'e, ¿yot'iyi'ni ka je 'najanayi paka wonayi siuniwa wask'i'nelaja siunie jawo niwa jlomas atayeje?

Juan 8:43

¿Yot'iyi'ni ti kiak iyo ti je woyeyi ka intant'iejayi siukia awo? 'Nakayi jla'am ti je woyeyi ka ak'iuyeyi niwa yamtis.