Mateo 16:1 - Sinia' Jlamtis 1994

¹ Siojopo Fariséojos siu'neje japo Saducéojos ijioyeyisi ja Jesús ti iyo ka ijnejlitis. Iyonayisi 'ate: —Awoktajank'iye ka 'wenkints'e'm paka k'iejliyeyi, 'nakayi ti ja'wina ti ja ijiatayi ka pak atajleje pa Sinia' pi ajweye.

Mateo 16:1 Iomraidhean Croise

Mateo 12:14

Siojopo Fariséojos ti iniuyek'i kisie'e, inijlok'ijin'ni'ne ti iyoyisijyi'n siupa ka wonisi, ti iyo ka ilanis ja Jesús.

Mateo 15:1

Nak nojwaja'm japo Fariséojos, siu'neje japo jiwos pet pa Moisés jika'neyasajnaye, ijioyisi ja Jesús, ti tal Jerusalenne iyonayisi 'ate:

Mateo 16:6

Jesús kiak iyone'ni japo t'eyasajnas ti ijwijla'm: —'Yejne'n, joskiyeyi ni jika woye ijliasat pijia'm napo Fariséojos siu'neje napo Saducéojos.

Mateo 19:3

Siojopo Fariséojos po' japo ijioyi, i'yasisi'n ti iyo ka ijnejlitis, ti iyonisi 'ate: —¿Ma 'est'iyiji ni i'nio' ka leyi jana jik'iemjla, ka poye paka k'iejliyeyi paka int'emina?

Mateo 22:15

Jlampa yama 'niji kiaka siukia iyoyi, siojopo Fariséojos yama'ni ti ijioyisi ja Jesús, 'yina wakal ti inijloyisk'ijin'ni ti jan'yasis'ni, ka pakaye ti jantajlatisi jiwekie'e siuti jankiujlie.

Mateo 22:18

Jesús 'yijene ta'a pi iyone ti jlam tiwonaja, sekyi'i iyone'ne 'ate: —¡Ijnoski'lanajyi'n wata'a! ¿Yot'iyi'ni ti jiwoyeyi ka sejlita?

Mateo 22:23

Pope siojopo Saducéojos, japok ijwil papo 'yajle'n ka je inapits'i pijiame. Ijioyisi ja Jesús kiak jloma ti iyonisi 'ate:

Mateo 23:2

—Siunapo Fariséojos siu'neje napo jiwos pet ni Moisés jika'neyasajnaye yiyits'iji'n nak siunie ji'wet t'ipi pa Moisés, jijweye iyoyi ti 'yijie'ne napo i'nio' ka je injlanis siunie iyo ni inka'neyasajnaye.

Mateo 27:62

Siukia ti jlomaye'eje, jloma ti i'nio 'wanjlijyi'n, siojopo pa'yijis jika anechiyasas, siu'neje japo Fariséojos, ijioyi ja Pilato,

Mateo 5:20

Nak ajwe'lase'm ti awo'ate, siunie jiniwonayi ti jiwoyeyi ni 'es, siuti ja ke akama'yi ape'e napok Fariséojos, siu'neje napo jiwos pet nak Moisés jika'neyasajnaye, ajwe'lasem ta'a ti ja laja as'nayija' ka 'oyeyi ni Sinia' jika anechijiayas.

Mateo 9:11

Siojopo Fariséojos, ti i'winayis iyoyis'ne 'ate, ti i'yase'n japo t'eyasajnas: —¿Yot'iyi'ni ni aska anechiyas ti isijwane siunapo isi'm ilia'm niwa inkat'ijnieyejes, siu'neje napo i'nio' je 'esijiyi?

Marcos 10:2

Po' papo Fariséojos ijioyi ja Jesús ti jla'm iyo ka ijnejlitis, i'yasayisin'ni ti iyo'ate: —¿Ma 'esiji ni i'nio' ka inleyi japa jik'iemjla?

Marcos 12:15

Jlam'ne Jesús 'yijene pi iyone ti siupa tiwonaja ti tejlita, sekyi'i iyo'ne 'ate: —¿Yot'iyi'ni ti sejlita? Toniemet japa wikiniet'aja janjwanjli ja'ye'en.

Marcos 12:18

Po' siunapo Judíojos 'neje ti jle' iyo'ate Saducéojos, 'yina papoka ti ijioyi ja Jesús, ti takakiunisi ka inapits'i pijia'm napo 'yajle'n. Jak je iyoyiji ti kiak iyonisi 'ate:

Lucas 10:25

Siupapo taka'neyasane pak Moisés jika'neyasajnaye, ijwienjli'ne siupa ijioyi pa Jesús ti jankamtijniene, ti iyo ka ijnejlit, ti iyone'ate: —Inka'neyasajnawo, ¿tepat'e ka iniwontaja ka ya'm ape'e siojopa in'wasankiye ti laj jlaja?

Lucas 11:16

Ijia papo iyo'ate ti ijyijlitis kajeyepa ti 'yakakiuyis: —Jejlitkiame kiu' ka'wenkints'e'm paka k'iejliyeyi, 'nakayeyijna'a ka je ikakiuk ti jijwe'el jitiajleje pa Sinia' ni ajweye.

Lucas 20:23

Jesús itiant'ieje ti jlam iyonistaja, kajeyepa ti ijyijlittajas. Iyo'ne pet 'ate ti isiujlie:

Lucas 20:27

Paj ti poyet'ipi'iji papo Saducéojos, ti ijioyi pa Jesús. Saducéojos papoka ijwil pet ka je inapits'i pijia'm siunapo 'yajle'n. Nak it'imina ti ijioyisi pa Jesús, ti iyonisi 'ate:

Juan 8:6

Lapakawo ti kiak iyotaja ka intajlatisie, it'imina ti kiak iyoyisi ti i'yasisi'n, jla'yi ti ijyijlitis. 'Yuye isia'm, sekyi'i ti ip'isina ni ajnat ti jijwuki isiene.

Hechos 4:1

Pedro jla'yi ja Juan jet'i ilitajasipe ti takamtijniene papo i'nio' ti 'nesat'i'nijpe papo pa'yijis jika anechiyasas, siu'neje papo Saducéojos, siu'neje pa tokis jika anechiyas tijna'yi japa Sinia' ji'wuk.

Hechos 5:17

Siupa pa'yijis jika anechiyas ti wuj, ti 'yijenat'iyijpe pi iyone, siu'neje papo Saducéojos sekyi'i ti yijap, je jlase' pi iyo ti a'tiejesiam'ni japo injlojwajnas.

1 Corintios 1:22

Siunapo Judíojos iyojonk'iye ka ti'wenkinaja puwa ka k'iejliyeyi siuniwa je yits'e japa ka jlomaye ka ti'wena, jlampet siunapo Griégojos itiliajasi pet ka 'najajne'n,