Mateo 14:3 - Sinia' Jlamtis 1994

³ Kajeyepa kiwak siukiwa jlomas ti Herodes ti takajlunie pa Juan ka tikima'a ka t'otie a'laja'm, japaka jla'am siojopa jijwelis Herodías ti it'imina. Herodes ji'yini jla'am siupa jle' iyo'ate Felipe, jik'iemjla japaka i'nioki, ti Herodes ijiale pa ji'yini ti yiyi.

Mateo 14:3 Iomraidhean Croise

Mateo 11:2

'Yina pa Juan inajiejnawo, ti yi' insat jiweje, t'ijieyi'ne siukiwa iyo ja Sijwajieti ti i'mieniti'n papo. Sekyi'i ijliu'ne japo t'eyasajnas pet,

Mateo 14:6

Siupa ti yiyet'iyipi siojopa jloma, siojopa ti yit'iyijyimpe pa Herodes, sekyi'i iyo'ne jiliakijnieyeja' pakayi. Siojopa Herodías jlase' tiliakinie t'ipi kiowe'e papo i'nio' siupapo Herodes tanits'i ka ijnoyi japa jiliakijnieye. Herodes wuj ti yimi'n ti kia'iyo.

Mateo 4:12

Jesús ti t'ijieyeyi pa Juan ti t'otie a'laja'm, sekyi'i teje'ne 'nijiye yi'i jlaja Galilea.

Marcos 6:14

Siupa anechiyas Herodes t'ijieyi ja Jesús, lapakawo ti jle' itijwi'ni papo i'nio'. Kajeyepa ti po' papo ti iyo'ate: —Kiakat'e kia inajiejnawo masa Juan, yapi pijia'm ti tajla'm pa a'no', jak je iyoyiji ti jijweye po', siu'neje ti 'yijene pi iyone ti i'winki'n ti pa k'iejliyi.

Marcos 6:17

Kajeyepa ti siupa ti pajk'i Herodes takajlunie ka tikima'a pa Juan ti ka wikijnies tilie'nitieje ka t'otie a'laja'm. 'Yina ti japaka jla'am siojopa jijwelis jla'am ti it'imina, ti jle' iyo'ate Herodías, siupa ji'yini Felipe jik'iemjla japaka ti tajlane.

Marcos 6:19

'Yina Herodías naka'ne ti it'imina ti wuj ti t'a'ti yi'ne pa Juan ti je iliayiji, sekyi'i iyoyetaja'ni kanla'an, lapakawo ti je 'yijene pa ka iwone.

Marcos 6:22

Siojopa Herodías jlase' 'yuyi siupi yi'i japa inlakijnieye, sekt'i tajla'ape ti tiliaki'n japaka jlosie. Herodes yimi'n ti tiliaki'n japaka, siupapo anechiyasas ijia kia'iyojliyi yiminis, jak je iyoyiji'ni pa Herodes iyone'ne 'ate japak jlosie ti ijwijla'm: —'Yasane siupa jisitia'n, jawi'na'm.

Marcos 8:15

Jesús iyone'ate japo t'eyasajnas ti ijliuye: —'Yejne'n, joskiyeyi siunie ijliasat pijia'm niwa woyejes ti tajle napoka Fariséojos, siu'neje na Herodes ni tajle pit.

Lucas 13:1

Pak siupa jloma po' papo i'nio' ijioyi pa Jesús ti iyonisi 'ate: —Pojompe papo i'nio' tal Galiléaja, siupapo iliajnen'ni puwa wakiajas, ti iyunitisieta pa Sinia'. Papok siupapo anechiyas Pilato takajlunie ka tilianaja'n, siupa ji'woyis tijlijnataja puwa wakiajas ji'woyis, siupuwa ilianisin'ni jlamis.

Lucas 13:31

Pak siupa jloma, 'nesat'i'nijpe siupapo ijia Fariséojos ti takajwejlanisia'm pa Jesús ti iyo'ate: —'Nak ká a'yina'a. Herodes iyo ka inla'an.

Lucas 23:11

Herodes jla'yis papo jika tokis wuj ti iliakiyis, iyonayisi 'ate ni i'nio' jiniliak. 'Yujienayisk'i siupuwa isis lotakijnies, ti iyo'ate ni ji'wu' ni anechiyas wuj. Itimisi siupi iyonisi ti iliakiyis, sekyi'i ti yikiajlat'iyisi'iji pa Pilato.

Lucas 23:7

Isiujlisie'ne ti iyoyis 'ate: —Naka. Pakayi ti Herodes, siupa anechiyas Galilea jlele, sekyi'i ts'e yi'i jla'a Jerusalén ti ijio isik'i. Sekyi'i pa Pilato takajlunieyi ka tikiniejeje pa Herodes pa Jesús.

Lucas 3:1

Pakayi ti itijwa'm sikioye ijwienjli sisiet tom'niji puwa najkapis yiji ti iyo anechiyasa' pa i'nio' jle' iyo'ate Tiberio, Roma jlele, anechiyas pet pa Poncio Pilato yi'i jlaja Judea, jlampet pa Herodes yiji jlaja Galilea ti iyo anechiyasa', siupa jikilia Felipe yiji pet jlaja Iturea ti iyo anechiyasa' iyo jla'yi japa Traconite, Abilinia paka pet pa Lisanias ti iyo anechiyasa',

Lucas 8:3

Siu'neje jlaja asejnia jle' iyo'ate Juana, i'nio' siojo jle' iyo'ate Cuza jik'iemjla, siupa Herodes jika wikiniet'awojimpe. Siu'neje jlaja i'nioki jle' iyo'ate Susana. Je japokata, po 'neje siupapo ijia asejnia ti i'yenisie pa Jesús, siu'neje japo t'eyasajnas, k'iejlit'iyijpe pa iwinisia'm.

Hechos 12:1

Pak siupa jloma ti iyoyeyi pa anechiyas Herodes ti teje'yi ilia'm papo Sinia' jilis, yit'i'yipe pa itiej.

Hechos 4:27

“'Wanjliyi ijiatk'i, Herodes jla'yi ni Poncio Pilato ti initotk'i wita'm 'neyek'i, ti ininenisi'ne yi'i siujlie'e isi', jla'yis napo Roma jlele, siu'neje napo Israel jlele, ti tejeyets'i ilia'm ni Jesús, ni akawo ti 'es, siunie ajlojwanik ti Injwajieti.