Mateo 13:3 - Sinia' Jlamtis 1994

³ Sekyi'i ti ijyijlitayi ti tamti'yi japo i'nio', je pini' siukiwa ijwi'il, ti yijnapeje wek siupuwa k'iejliyi, iyo'ne 'ate: —Pojompe pa i'nio' kawijnajnata, yam'ne ti takawijna'n.

Mateo 13:3 Iomraidhean Croise

Mateo 13:4

Ti ijyijlitayi ti itiete ape'e siupa jikawijnana 'wet, po' puwa ijniuj'li pet siupa ajnat 'nayi yelk'a ape'e. Tal 'niji puwa ajwejnas puwaka'ne ti itionk'i kisie'e ti itiujwk'i.

Mateo 13:53

Ti Jesús iliyeyi ti yamtiyi k'iye japo i'nio' siukiwa ti jla'm i'yejnap jiwek, sekyi'i yam'ne,

Mateo 22:1

Yikiajlayi'iji ja Jesús ti ijwijla'm japo, siojo ti i'yejnap jiwek, ti iyo'ate:

Mateo 24:32

“Jejlitiakiame kiu' ka ani'neyasanayi siunie inka'neyasajnaye ti tajle jana higok. Je istie' pet ti joyeta ka ji'wole ink'iejyisa', jiwats'oyeyi'i ni siuniwa jik'ase'l, jitijnisieyeyi ka nawopa'.

Marcos 12:1

Jesús iniajnat ti yamtiyi k'iye siu'nie i'yejnap jiwek, iyo'ne 'ate: —Pojompe pa i'nio' ti yikiaj'l isia'am puwa ts'ejnie tio' yi'i pa jiwasok, 'yina iwiakajlanit ta'a siojopa sisaj jansajia'm pa t'e', sekyi'i ilisanayi'iji siojopa ji'wuk siupapo jan'yen'ni ape'e ti toj pijia'm. Itimeje ti iwinaja'm papo jikawos ka inkijmajne'n, sekyi'i ti jiwekie'aja ti ya'am ti ijioyi japa ajnat 'wenayi ti tojwe.

Marcos 12:12

Iyoyisietaja'ni ka inkimits'i ja Jesús kajeyepa ti itiant'iejesk'i ti jlamis ti tijwelajas'ni ti ti'yenajap jiwek papoka inkijmayewos ti ijiuski'lajne'n. Je 'es jla'am ti je ijwiyisie papo i'nio', iliyeyisi wek sekyi'i ti tajlayisi.

Marcos 3:23

Sekyi'i tanayi papoka, ti iyone 'ate ti yijnape jiwek siu'nie: —¿Yot'iyi'ni ka imosik inojwa'n kisie'e pa imosik ti jlam ti yiji pa?

Marcos 4:13

Jesús iyona 'ate japo t'eyasajnas: —¿Jep'an jitijnisiek'iyi siukia ti a'yejnap jiwekie'e ni i'nio' kawijnajnata? ¿Tepat'e jawo jiat'eje ka 'najanayi siuniwa ijia ti jota ka ijwi'lase'm?

Marcos 4:33

Jesús kiak iyone ti iyoyeta jika'neyasajnayeja', ti ijwi'il niwa Sinia' jlamtis. 'Loj siupuwa wask'i'nelaja i'yejnap jiwekie'e iyoye'ate siu'niwa, 'yina je istiejenitk'iji'n k'iye papo i'nio' 'nakayi ti ja intant'iejesk'i.

Lucas 12:41

Yiyik'i wek pa Jesús ti kia'iyo, Pedro i'yasat'ijyimpe ti iyo'ate: —'Yaka'niona, siunie jlamtiyi, ¿samkatat'e ti jijniejietts'e'm ti kasjwe'el, ni'ne ka pajlata napo i'nio' ti jijwe'el?

Lucas 8:10

Iyo'ate pa Jesús ti isiujlie japo t'eyasajnas: —Siuti asa'am siunie iyo'nase ni Sinia', tijna'yase'm pet ti iwi'nase'm ka intant'iejayi siuniwa wask'i'nela'aja yiji ni jika anechijiayas ti je 'yaka ape'e. Jlampet siunapo 'wenayi, napok akimits'ik'iye pet siuniwa ti jlam a'yejnap jiwekie'e ti amtiyeta, 'nakayeyijna'a 'wanjliyi kan'yenis'ni, 'yina jitiej ja ke iname, 'wanjliyi kampe'yayis, 'yina ja ke intant'iejesk'i.

Juan 16:25

“Siuniwa iyo niwa ajwe'lase'm niwak siuniwa jla'm ejnap jiwekie'e. 'Yina je ijiat ka je ineyi siojona jloma ti ja ke asetiana' ka kiak tiwona'ase. Ka jnieyetak'iyijna'a ti ja 'yakajanit'iase'm ki iyo ni Inia'.