Mateo 12:8 - Sinia' Jlamtis 1994

⁸ Kajeyepa siojona jloma ti i'nio 'wanjlijyi'n yi' kiajwe ni jijweye iyo ni I'nio' Jlas.

Mateo 12:8 Iomraidhean Croise

Mateo 12:32

Kia'iyojliyi siunapo ji'lij ja ke 'esieyi ni I'nio' Jlas, Sinia' jamp'elisijne'n jiwek, jlajma ijiatayi siunapo ji'lij jane'ne ti ja ke 'esie janak siojona Sinia' jikimet ti 'es, je pajna'a ka inkiwaliyi'i ni jitis iyo.

Mateo 12:40

Jawo'ate pa Jonás ti yiji japa askiuniet'io t'ipi ti jika jlomas 'najape, 'najape 'neje puwa ajnajas yamk'i. I'nio' Jlas kiak jawoyi, jlomas janajapeja ti jane ajnati, jika ajnajas janajapeja'aja pet.

Mateo 8:20

Jesús isiujlie ti iyo'ate: —Siuniwa yosis po' niwa jijwa'al, siuniwa ajwejnas jlopis po' jla'am, jlampet ni I'nio' Jlas laj ji'weta' ka ine'yi ka ininop'it ka ima'a.

Mateo 9:6

'Yejne'n, ja'winki'nase'm 'nakayeyijna'a ka 'najanayi ti siunie I'nio' Jlas jijweye po' 'ne ajnat'e ka netiajnat niwa jikeyis napo i'nio'. Sekyi'i ti kiak iyonayi pak i'nio' je t'onk'i 'ate: —Neppijia'm, kima na ajotik. Maj ka api.

Marcos 2:28

Jak je iyoyiji ti siojona jloma ti i'nio 'wanjlijyi'n kia'iyo pit yi kiajwe ni jijweye ni I'nio' Jlas.

Lucas 6:5

Jesús iyo'ne 'ate ti yinat'iyijpe ape'e: —Siojona jloma i'nio 'wanjlijyi'n yi' kiajwe ni I'nio' Jlas jijweye.

1 Corintios 16:2

Ti jawayeyi siojona i'nio 'wanjlijyi'n, siojona jikajlajyi ti jikimats'iji'n ja'wenakitieyipi pet pa Sinia' ti ja ekiajlayi. Apejlati'n astepe'e ti asa'am, ja'nakayeyi ti ja wakajla ta'a siuka yiktiejna'a ti nak jajiojwi.

1 Corintios 9:21

Jlampet ti awo ka i'yaka'n napoka siunapo je Judíojos, siunapo je yiji naka Moisés jika'neyasajnaye, kia'iyojliyi kiak aniwonayi'iji iyo jlamis. Siuti ajyi napoka, je'ne ka itiajli pet siunie Sinia' jika'neyasajnaye, kajeyepa ti ya'am ti Sijwajieti jikipinikk'i'm pet.

Apocalipsis 1:10

Siojokia jloma ti Saka'niona jika jloma, 'yina siojopa Sinia' jikimet ti 'es ti yi' itipe'e, sekyi'i ti ape'yayeyi siojo jla'lap siupa i'yask'i ti to'm i'niajk'i, 'yina ijiok'i'ni siojo jla'lap iyo, iyo'ate siujlie'e wakiak'iu' ti tipajwukk'i,