Mateo 11:1 - Sinia' Jlamtis 1994

¹ Ti Jesús itime ti 'yiyasane japo itijwa'm niwa sikioye times tom'niji siupa janwoyisi, sekyi'i ti yam'ne ti ijioyits'i jawa isi'il yiji jlajak ajnat, ti ijwi'il kiwa Sinia' jlamtis ti isis, ti ijwijla'm japo i'nio'.

Mateo 11:1 Iomraidhean Croise

Mateo 28:20

'Eyasanayi pet siunie ajloye'ase'm ka woyeyi, ja 'nakayeyijna'a ti jani'neyasanisi. 'Yina ti ya'am ajwel pet ti ja ke pajna'a ka itiaj'lase'm, paj ka ineyeyinie'e ti ajnat jano'we.

Mateo 4:23

Jesús itijw puwa isi'il yiji jlaja Galilea, ti 'yiyasajne'n papo i'nio' yi'i puwa 'najla'wetis ti jikimitis. Ijwi'il siupa inka'niye ti 'es, siupa Sinia' jika anechijiayas, jla'yi ti ijwiejiete'n puwa jiliaye papo i'nio', siu'neje puwa t'ajwes t'a'ti.

Mateo 7:28

Ti Jesús iliyeyi ti tamti, wuj ti yisi'lietk'i japo i'nio', kajeyepa ti 'yaka pi iyo ti iniajmat pi jijweye iyo, je iyoye 'ate siojopo jiwos pet pa Moisés jika'neyasajnaye, ti ijwil ka inka'neyasajne'n.

Mateo 9:35

Jesús iniuk'i'ni jawa isi'il siu'neje jawa ji'wetis jilis japo i'nio', ti taka'neyasa'n yi'i jawa t'ajla'wetis jla'am japo i'nio'. Ti iyo ka'niyeja' ti ijwi'il kiwa Sinia' jlamtis, ti niwaka jika anechijiayas. Ijwiejiete wikie'eyi kiwa jiwet'ia iyo japo i'nio', siu'neje kiwa iliatits'i yijits'i jawa t'ajwes japo i'nio'.

Marcos 6:12

Sekyi'i ti yamajan'nipe japoka t'eyasajnas ti iyo jika'niyejayi papo i'nio' ti iyo'ate: —Woye asosikis ink'iejyisa'.

Lucas 23:5

Kat'ajat'iyijpe ti ijialaskinisi, ti iyo'ate: —Siunie iyo ni jika'neyasajnaye, wuj ti 'yakajyijne'n napo i'nio'. Tajlap Galiléaja ti 'nelanjie'e, 'nakayi yi'ne Judéaja, ti je ilik'i siunie iniwone.

Lucas 8:1

Yam'niji pak siupa iyot'iyipi pa Jesús, 'yina yam'ne ti iniuk'i'ni puwa isi'il, jla'yi puwa ji'wetis jilis papo i'nio', ti iyoyi jlamtikie' puwa Sinia' jlamtis ti isis, ti ijwi'il pa jika anechijiayas. Siojopo t'eyasajnas ti itijwa'm niwa sikioye times tom'niji 'yuninisk'i,

Juan 15:10

Siuti jawoyeyi siuniwa yamtis, ja ke ineyi ts'iji ka leyeyi siunie yimijnaye ka woyeyi, ka awoyena 'ate awo ti ak'iuye niwa jlamtis ni Inia' jla'yi ti ja ke ineyi ts'ijiye ka iliyi ni jlemijnaye.

Juan 15:14

Asa'am 'yijejnajwasts'ase'm siuti jawoyeyi siunie ajloye'ase'm.

Hechos 1:2

siu'neje ti yiyeyi jakia jloma ti yapilie poliyi. Ti majleyeyi ka nek, siojopo jijliujwajnas siojopo pajk'i ti isi'mik'i, 'yiyasane siupi jikijmayeja' ka lajk'i japa Sinia' jikimet ti 'es ti iniuyeje.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 10:42

Iyotaja ka iyok saka'niyejayi napo i'nio' yi' ape'e 'ni ajnat, ti jla'am ti Sinia' isi'me ka i'ye'en siupapo pajk'i ti 'yalt'ijimpe, siu'neje napo 'wasajne'n.

1 Tesalonicenses 4:2

Je injwesiejayiji'n ka yikiajle'e'ni ask'ioye ka 'yiyasanayi siunie iyo ni 'eyasanayijpe, siunie tajle pi Saka'niona Jesús.

2 Tesalonicenses 3:10

Siukia jloma ti sek awaki aska kiowe'e, jloma ti kiak awo'nase ti awo'ate, “Ni i'nio' je iyo ka inkijme'n, je 'esiji ka in'yasane pet paka intojw.”

2 Tesalonicenses 3:6

I'lijwas, siuti jlam je aniwonaja wek siu'nie awoki, kajeyepa ti Saka'niona yikialts'e pet ka ijliuk'i astepe'e. Ijiatjliyi siuti po' ni sikiecha ti je ats'ilkaja ni jikijmaye, siu'neje ni je iyoyi ka inki'me siunie inka'neyasajnaye ti 'eyasanataja, leyeyi ti jikinieyets'ijin'ni.

1 Timoteo 6:14

je paj ka leyi siunie ajloye'a'm ka woyi, ja'nakayeyi ti ja ke inets'e paka ka ine'yaja'ni siojopa jloma ti ja'nesi pa Saka'niona Jesús.