Mateo 10:7 - Sinia' Jlamtis 1994

⁷ Joyeyi ti jajwelayi ti siunie Sinia' jika anechijiayas majleye ilia'm.

Mateo 10:7 Iomraidhean Croise

Mateo 10:8

Jwajietajyi'n napo i'nio' je isis; ekiajlats'i pijia'm napo 'yajle'n; siunapo jiwatis jitio' po' kia'iyojliyi jalayi, siunie ki iyo ti wuj ti je 'es jitieyi'i ni Sinia' jla'yi napo i'nio'; nojwatak'i kisie'e siuniwa pini' yijits'i. 'Yina ti as'wajieta wek naka ti Sinia' iwi'nase'm lapakawo ti imp'elisina, ká awoye lajaye siuti kia'iyo jiwoyeyetaja naka.

Mateo 11:1

Ti Jesús itime ti 'yiyasane japo itijwa'm niwa sikioye times tom'niji siupa janwoyisi, sekyi'i ti yam'ne ti ijioyits'i jawa isi'il yiji jlajak ajnat, ti ijwi'il kiwa Sinia' jlamtis ti isis, ti ijwijla'm japo i'nio'.

Mateo 21:31

Papok siupapo times, ¿tepa yi'i siupi je ika'm ape'e pi jinia' ji'lij ti ijliutieje siupi jikijmaye?” Isiujlisie'ne ti iyo'ate: —Siupi iniajnat ti ijioyi. Sekyi'i Jesús iyo'ne 'ate: —Ijiatk'i siu'nie jayoyi, siunapo isi'm ilia'm niwa inkat'ijnieyejes ti i'ye'n ilia'm ti ijioyi'ni jana Roma, siu'neje napo asejnia siunapo 'yuyi'ni napo ijia jwa'yis, napok siunapo jana'n ask'ioye ti ja'noyi ni Sinia' jika anechijiayas.

Mateo 21:43

Nak ajwe'el ti jatala'ase nak Sinia' jika anechijiayas, ja tekiajlaja siunapo i'nio' japoye siuniwa jla' ti ja nekiajle ni Sinia'.

Mateo 23:13

Jesús kiak iyonayi'ijyi 'ate: —¡Aswet'ia japoye ti Fariséojosts'ase'm, siu'neje ti asampet ti jiwosts'ase'm nak Moisés jika'neyasajnaye! ¡Ijnoski'lanajyi'n! Jip'onajia'm ni jika 'wuk kiwet ni Sinia' jika anechijiayas k'iye napo i'nio' ti iyotajas ka 'noyisi. Tiwet'ianaja ka asama wek pet ka 'oyeyi, ni'ne ka asama ka wenayi napo i'nio' ti iyoyistaja'ni ka 'noyisi.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 4:17

Pak siupa jloma iyoyeyi kawo jika'niyeja', ti iyo'ate: —¡Woye ajosikis ink'iejyisa', je pa tojwa' ilia'm ni jika anechijiayas ni Inia'!

Marcos 6:12

Sekyi'i ti yamajan'nipe japoka t'eyasajnas ti iyo jika'niyejayi papo i'nio' ti iyo'ate: —Woye asosikis ink'iejyisa'.

Lucas 16:16

“Siunie Moisés jika'neyasajnaye, siu'neje niwa jilisajna' t'ipi papo injwejlanawos, laja po' yiyi pet siunie yi'i ni Juan inajiejnawo. Sektajlap'e ti tiwok jika'niyeja' napo i'nio' ni Sinia' jika anechijiayas, 'yina wikie'eyi ti ini'netisi ti iyo ka 'noyisi.

Lucas 9:2

Ti ijliuye'ni, iyonat'iyijpe 'ate: —Maye'ni, mayeyiji'n ni Sinia' jika anechijiayas ti jajwela', jwajietajyi'n napo je isis.

Lucas 9:6

Ijiatjliyi yamat'i'nijpe ti iniuk'i'ni siupuwa isi'il jilis, ti iyoyis jlamtikie' pa Sinia' jika'niye ti 'es, jla'yi ti ijwiejiete'n papo i'nio' je isis.

Lucas 9:60

Jesús isiujlie ti iyo'ate: —Ejlo'okiu wek, ena'ate siunapo 'yajle'n ka imp'o'ne pet napok jika amejyi. Naj woyi pet amtikieyi ni Sinia' jika anechijiayas.

Juan 3:2

Jakajimpe ti ijioyi ja Jesús ti ajnaj. Sekyi'i iyone'ne 'ate: —Inka'neyasajnawo, je kast'ayiji'n ti am ti inka'neyasajnawo'wa'm ti jitiajle pi Sinia'. Ijiate lajk'ipa ka inkajli ka inlesane iyo siuniwa ji'wenki'n siuti ja Sinia' ja ke inejiap.

Hechos 10:25

Pedro ti yiyet'iyipi ja ji'wet ja Cornelio, yamat'ipi ilia'm, yiyi ti t'akosjlete'l itiyet'iyijimpe kiajwe ti ijwi'il ka iwunit.

Hechos 28:31

Jlam ikatatjliyi ti iyo jlamtikie', ti ijwil pa Sinia' jika anechijiayas, jla'yi ti taka'neyasane pa Saka'niona Jesús ti Sijwajieti. Siupa iyoyi jlam k'ejma ti lajk'ipa ka intom'ni k'iye ti iyo jlamtikie'.

Hechos 4:2

Ti'yikisane kajeyepa ti Pedro jla'yi ja Juan 'yiyasajne'n papo i'nio', jla'yi ti iyo jika'niyeja' pi Jesús ti iniu kisie'e ti tajla'm pa a'no'. 'Yina ti iniu kisie'e, nak 'yakajanit ti ijiatk'i ti siunapo 'yajle'n kia'iyo 'wena je ijio'we, naka ti tajle'e.