Mateo 10:5 - Sinia' Jlamtis 1994

⁵ Japoka'ne siojopo itijwa'm niwa sikioye times tom'niji ti Jesús ijliu', ti 'yiyasane siupa janwoyisi ti iyone 'ate: —Ká ajoyeyi siunapo i'nio' je Judíojos, ka kiak inwona'a ka ajoyeyi siuniwa isi'il yiji jana Samaria,

Mateo 10:5 Iomraidhean Croise

Mateo 22:3

Ijliu' papo jikawos ka ijnoyi siupapo pajk'i ti i'yase, 'yina papok siupapo i'yastajets'i je yam'ni.

Mateo 4:15

“Ajnat siojopa Zabulón, siu'neje pa Neftalí jika ajnatis, ji'wechaja pa Jordán, jikiuts'i pa i'niat jlajlik'i yiji japa Galilea, ji'wet papo i'nio' siupapo je t'ekiyiji ti je isis.

Marcos 6:7

Sekyi'i tanayits'i japo t'eyasajnas itijwa'm niwa sikioye times tom'niji, itimisietamk'i'ni ti ijliuye'ni, sekyi'i jijweye iwijnamk'i siunie ti imose'l je to'm ilia'm, sekyi'i ti iniuyek'iji kisie'e.

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 10:33

Po 'neje siupa i'nio' Samaria jlele ti kia'iyo iniuk'i pak 'nayi yiji pi i'nio'. I'wine wek jla'am ta'a ti iyo ti ip'ilisi'n.

Lucas 17:16

Yiyi wek pa Jesús, ti t'akosat'iyijpe kiajwe ti jinikanitieyi iwijna'm. Siupa i'nio' tal Samaria.

Lucas 9:1

Jesús ijiutiet'ik'ipe wita'm siojopo t'eyasajnas ti itijwa'm niwa sikioye times tom'niji, jijweye iwijnamk'i, jla'yi ti yikiajle ka inkajlisi pet ka inokiosk'i kisie'e puwa imose'l ti yijits'i papo i'nio', jla'yi ti ja injwajiete'n papo je isis.

Lucas 9:2

Ti ijliuye'ni, iyonat'iyijpe 'ate: —Maye'ni, mayeyiji'n ni Sinia' jika anechijiayas ti jajwela', jwajietajyi'n napo je isis.

Juan 17:18

Ya'am ajloyi napok i'nio' yi'i 'ni ajnat, janwo'ate awoyi, ti a'm sijliu' ajnat'e jikiowe'e napoka.

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Juan 4:20

¿Tepit'i iyo ti sa'am ti atajlaja'm jana Samaria? Saka kijilas mases 'nak yine'e siujlie'e tikijnaki ti iyunitis pi Sinia', ti Judíojosts'ase'm jijwelaye ka japakataja Jerusalén ka toki'ni ka tiwunitie pi Sinia'.

Juan 4:5

Yiyeyi siujlieja isi' jle' iyo'ate Sicar, je tojwape'n siujlieja ajnat Jacob yikialjinipi pa jlas José ka jikimita'.

Juan 4:9

Kajeyepa ti siunapo Judíojos je 'esi wita'm napo Samaria jlele, it'imina ti ji'lij kiak iyone ti isiujlie, ti iyo'ate: —¿Yot'iyi'n ti jit'iejlijk'i'm ni i'niat, ti a'm Judío'a'm, 'yina ti yam Samaria jlelikik'i'm pet?

Juan 7:35

Sekyi'i'ne japo jika anechiyasas japo Judíojos iyoyis'ne 'ate ti ini'yasis: —¿Tepat'e jajnojwi, ti ijwi'il ja ke i'wina? ¿Ent'a napok jajnoyi si'lijwas 'neje yajme'n ape'e 'ni ajnat ti je 'wet, ni'ne ka napokaye siunapo je 'esijiyi, je iliyi ni jike', ti ja'neyasajne'n?

Juan 8:48

Siojopo Judíojos ipi'yayis jiwek ja Jesús ti kia'iyo, sekyi'i iyonayisi 'ate: —Ijiate siunie awona'a ti ajwela ti am Samaria jlele'a'am, ti imosik yi' awa'm.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 10:45

Sinia' jilis siupapo namk'i ja Pedro, ti i'wina siupapo je Judíojos ti Sinia' jikimet tisaye ape'e, jlam jnots'inijits'i'ni,

Hechos 8:1

Saulo jitienkiujnieye iyone'ate, “'Esiji ti 'ya'al.” Po' papo i'nio' ti ijiatt'iyijipe ti iyoyi puwa Sinia' jlamtis, papoka'ne siupapo itijisk'iye jla'yi ti yapits'i ape'e pa Esteban. Pakayi siupa ti wuj ti inilayiti papo Sinia' jilis yiji jlaja Jerusalén, ti tisiejek'i'yi. Wikie'eyi papoka ti netiank'iji'n ape'e siupuwa ajnatis Judea siu'neje japa Samaria. Japokata japo injlojwajnas sek 'wanjle'e yi'i jlaja Jerusalén.

1 Tesalonicenses 2:16

'Wanjliyijpe ti awoki ka iyok samtikieyi napoka ti je Judíojos, napokape ti ijiulsinaja'm kanjwayis pet, 'yaka ti je iwints'eme. 'Yina ni iniwonisi, talk'i'ni ti iyoyi niwa jikeyis. Nakayi, yiyi ni jlaj yi'i, sekyi'i ti nama pet ni jiwak iyo ni Sinia' ti yi'ne.