Mateo 10:3 - Sinia' Jlamtis 1994

³ Siu'neje japo ijia jleyis iyo'ate, Felipe jla'yi ja Bartolomé, Tomás siu'neje ja Mateo, siojo isi'm ilia'm niwa inkat'ijnieyejes. Siu'neje ja Santiago Alfeo jlas, siu'neje ja Tadeo,

Mateo 10:3 Iomraidhean Croise

Mateo 18:17

Siuti kiak jawo ja ke ink'iuye papoka ti a'yista, sek jane'yi ijiatayijna'a ti ja ane wikie'eyi napo Sinia' jilis, ka jwelajamna'a. 'Yina siuti ja ke ink'iuyeje papoka, ja aleyeyijna'a ti jiwo akiechaye ti a'nayi ijwienjliyetaja k'iye ni iyo ti Sinia' jilists'ase'm. Jawonayijna'a 'ate ni k'iejliyi, iyoye'ate siunapo isi'm ilia'm niwa inkat'ijnieyejes.

Mateo 27:56

Japoka japo María Magdala jleliki, siu'neje jlaja Zebedeo k'iemjla, siu'neje jlaja María 'neje, siujlieja Santiago siu'neje José jletis.

Mateo 9:9

Jlampa Jesús sekt'ipa tajla ape'e, sekyi'i ti i'wina ja i'nio' siojo jle' iyo'ate Mateo, ti yijin'ni ts'e yi'i siojo yi'ijin'n ti t'alk'i'n niwa inkat'ijnieyejes, ti ijioyi'ni japa Roma. Jesús iyoni'ne 'ate: —Na'm ijyik'i. Mateo ipi'ya wek, takasit'ne 'yina yamak'i.

Marcos 15:40

Kia'iyo po 'neje japo asejnia, sek k'iejlijijyi ja takasitits'ijin'ni ti i'yenisi'ni. Japokap'ampe japo María Magdala jleliki, siu'neje jlaja Salomé, siu'neje jlaja María 'neje Santiago, 'wenayi siojo isijli, siu'neje José japo jletis.

Marcos 2:14

Jak je iyoyiji siuti ijliasajampe'eje, sekyi'i ti i'wina siupa i'nio' jle' iyo'ate Leví, Alfeo jlas, yi'i siupi yi'i'ni ti t'ajlataja'ni papo i'nio' ka inkat'i'n ape'e puwa inkat'ijnieyejes ti ijioyi'ni pa anechiyas yi' Rómaja. Jesús tane ti iyo'ate: —Naj, na'm ijyik'i. Takasit'ne pa Leví, sekyi'i yamak'i.

Marcos 3:18

Andrés, Felipe, Bartolomé, Mateo, Tomás jla'yi ja Santiago, Alfeo jlas, Tadeo, siu'neje ja Simón 'neje ti tajla'm siupapo teje'yi ilia'm papo Roma jlele, ti iyoyi jika kia'lisa' napo Judíojos.

Lucas 18:10

—Times napo i'nio' ijio kiajwe jana 'najla'wet, ti janwoyis t'ajlayeja'. Ijwienjli pa Fariseo, siupa jikiecha pak isi'm ilia'm niwa inkat'ijnieyejes.

Lucas 18:11

Siupa Fariseo takasit'ne ti iyo t'ajlayeja', ti iyo'ate, “Sinia' inikanitieye awe'na'm ti ya'am je awo'ate siunapo kajlajnatas, siunapo 'yuyi'ni napo ijia jwa'yis, siunapo iyoyi siunie ti wuj ti je 'es, je awo'ate iyo siusie isi'm ilia'm niwa inkat'ijnieyejes.

Lucas 18:13

Kiak iyo pa Fariseo ti iyo t'ajlayeja'. Sek k'iejliyiji pet pa yiji siupa isi'm ilia'm niwa inkat'ijnieyejes, 'wenajliyi pet ti t'ot ipiaja'n ti iyo'ate, “¡Sinia' sip'elisi'n ti ya'am ti 'yake' po'!”

Lucas 19:2

'Yina sek ji'wet'e siupa i'nio' jle' iyo'ate Zaqueo, siupapo isi'm ilia'm niwa inkat'ijnieyejes jika anechiyas, i'nio' ti inkaje'.

Lucas 5:27

Jlampa itimayi, Jesús 'yina ti yamat'ijyi i'win'ne ja siojo i'nio' jle' iyo'ate Leví, yijin'nits'e yi'i japa ji'wet jla'am ti isi'm ilia'm puwa inkat'ijnieyejes ti t'ajlataja papo, ti anechiyasas Roma jlele jika jlojniet. Jesús tani'ne ti iyone'ate: —Na'm ijyik'i.

Juan 1:48

Natanael isiujlie'ne pet ti iyo'ate: —¿Yot'iyi'ni ti intant'iejk'i? Jesús isiujlie ti iyo'ate: —Pajk'i ta'a ti a'we'na, ti Felipe je ijiojli'ajyi, ti jle kiajwe jlaja higok.

Juan 11:16

Sekyi'i'ne ja Tomás, jak siojo Jesús t'eyasanik 'ne'eje, ti tiwonaja'ni 'ate Timesi, ti ipi'yaye ti kia'iyo ja Jesús, tanayi japo ijia t'eyasajnas ti iyo'ate: —Naja'ni pet, kiak jayoki, siliaye janoyi wita'm pa jiliaye janwo.

Juan 14:22

Judas (je Iscariote) i'yasen'ne ti iyo'ate: —'Yaka'niona, ¿yot'iyi'ni ti samkataja ti jani'wenkints'e'm, ti ja ke awo ka ani'wenkijna'm napo siunapo yi' ape'e 'ni ajnat?

Juan 14:5

Tomás iyone'ne 'ate ja Jesús: —Je'e, 'ni Ika'niona, je kasts'ajane siupi jajojwi. ¿Tepat'e ka yoktaja ka kastant'ieje pak 'nayi?

Juan 14:9

Jesús isiujlie ti iyo'ate: —Felipe, awo ka pajliyek'i ti aye'asap, ¿je p'an intant'iejk'i? I'nio' ni si'we'en, i'win pet ni Inia'. ¿Yot'iyi'ni ti jiwo ka'winki'na'n pi Sinia'?

Juan 21:2

Japoka sek inita'a, Simón Pedro, siu'neje ja tamitaja'a'ni ti iyo'ate Timesi Tomás, Natanael siojo tal Canaja ti yiji jlaja Galilea, siu'neje japo Zebedeo jilis, jla'yis siojopo ijia times, Jesús t'eyasajnas.

Hechos 1:13

Ti yiyisiet'iyipi jlaja isi', yamitat'iyisipi siupi yiyits'i'ni siojopa 'wuk toj pijia'm. Pedrojimpe, jla'yi ja Juan, siu'neje pa Santiago, jla'yi ja Andrés, siu'neje ja Felipe, siu'neje ja Tomás, jla'yi ja Bartolomé, siu'neje ja Mateo, siu'neje ja Alfeo jlas jle' iyo'ate Santiago, siu'neje ja Simón tajla'm pet papo celote, siu'neje ja Santiago 'neje jlas siupi jle' iyo'ate Judas.

Hechos 12:17

Sekyi'i jikiot'ipa yejayiji'nijpe papo, ti ijliuye kank'iuyits'i 'ate, ijwijla'm papo siupa Sinia' iyone. Yine'ne ape'e ti iyo'ate: —Jwelajiamna'a ja Santiago siunie iyo 'na awoyi, siu'neje japo si'lijwas. Yamat'ijyi ti itimayi, ti 'wena ijiojwi.

Hechos 15:13

Ti iliyet'iyijpe, tamtiyet'ipi pet ja Santiago ti iyo'ate: —I'lijwas, 'yejne'n.

Hechos 21:18

Jak je iyoyiji'ni, jloma kiecha ti ajokie isik'i ti ajok ji'wete ja Santiago, ti sa'yi ja Pablo. Siojopo i'yena papo ijia Sinia' jilis ijyiwite ti sekyi'i.

Gálatas 1:19

'Yina je a'we'en siojopo injlojwajnas ijia ka sek ne'yi, ijwienjli jla'am ja Santiago ti a'we'en, Saka'niona ji'niayi ijwienjliyi.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”

Santiago 1:1

Asampey, i'lijwas ti jlekiejyi'n ape'e 'ni ajnat, ti jiwoye 'ate siunapo i'nio' t'ipi ti je pini' Israel jika kia'lis ti tajla siupapo itijwa'm niwa sikioye times tom'niji jitise'l t'ipi. Ya'am Santiagok'i'm, ti Sinia' siu'neje pi Saka'niona Jesús ti Sijwajieti jikawok'i'm; yam ti ip'isinik siu'nie atajiet'ase.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.