Mateo 10:2 - Sinia' Jlamtis 1994

² 'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Simón, siojo tiwonaja'ni 'neje 'ate Pedro, siu'neje ja jikilia Andrés. Santiago jla'yi ja ji'yini Juan, Zebedeo jilis.

Mateo 10:2 Iomraidhean Croise

Mateo 17:1

Ijwienjli sikio' itij'we ijwienjli tom'niji kiwa jlomas tomk'i, Jesús ijio'wape'e siujlieja tikijnaki toj pijia'm. Japokata jla'am japo Pedro, siu'neje japo Santiago jla'yi ja ji'yini Juan, ti ya'asi.

Mateo 20:20

Siujlieja Zebedeo k'iemjla ijioyi ja Jesús ti jla'yis japo jilis Santiago siu'neje ja Juan. Yiyi ja Jesús ti t'akosjlete'l itiyeyijin kiajwe, ti ti'yasane siupi iyo kawoyi.

Mateo 26:37

Ya'asi ja Pedro siu'neje japo Zebedeo jilis times jakap'ane ti iyoyi ki iyo, ti iliate ti je inkaj'ni, jla'yi ti jijliak'ali po'.

Mateo 4:18

Ti Jesús t'iskiunieje'n jikiusk'i ja i'niat jlajlik'i yiji jlaja Galilea, sek i'wi'ne siojopo ji'niayi ijwienjli. Japoka japo Simón, tiwonajat'ijyi'nijpe'eje 'ate Pedro, siu'neje ja jikilia Andrés. Jlam'ne itietisiajam'ni pa i'niat japa jika 'nijiak jit'io, ti iyo'ni.

Mateo 4:21

Jitieyiji ja Jesús, 'yina sek i'winat'iyijpe siojopo kia'iyo ji'niayi ijwienjli, japoka japo Santiago jla'yi ja ji'yini Juan, siojo i'nio' jle' iyo 'ate Zebedeo jilis. Ti je tajlisi puwa jika kasejkanayis, ti jla'yijis pa jinia' ti ilisanisi'ni puwa jika 'nijia tio'. Jesús tanat'iyipi.

Marcos 1:29

Ti iniuyejenispe kisie'e ti tajlis kiajwe japa 'najla'wet, Jesús jla'yis japo Santiago siu'neje ja Juan ti ijioyis ji'wete japo Simón jla'yi ja Andrés.

Marcos 13:3

Sekyi'i ijliasayis'ni ti tejeyis 'niji, yi'i jlaja tikijnaki Olivokiet, siojopa 'najla'wet wuj teje'yi. Siuti 'nes'ni Jesús yiyeje'n. Pedro, Santiago, Juan, Andrés ti 'najliyisiji'n ja Jesús i'yasayisi'n ti iyo'ate:

Marcos 6:30

Jlampa yamajampe 'niji kiaka, ti 'nesa'ni pet japo jijliujwajnas, sekyi'i ti nowayisiji ja jika anechiyasis ti ijwilisia'm wikie'eyi siupa iyoyisi, siu'neje pa taka'neyasane.

Lucas 11:49

“'Yina Sinia' 'yijene naka, it'imina ti iyo'ate niwa jlamtis, “Jajliuyinie'e napo ijwijlanawos, siu'neje napo ijliujwajnas, ijia papo janlajne'n, ijia 'neje papo jantayis ilia'm ti ja tak'ajaki'n.”

Lucas 22:14

Ti yiyet'iyipi siojopa inetitinki, Jesús jla'yis japo t'eyasajnas tejeyits'i ape'e japa inak totieja ape'e.

Lucas 22:8

Jesús ijliu'ne ja Pedro jla'yi ja Juan, ti iyone'ate: —Maye'ni, lesanayi siupa jatiuwa pet. Wakajlanitie ta'a siuti yiyi jla'a Pascua.

Lucas 5:10

Kia'iyojliyi siojopo iniuyeje'ni ja Simón, pa Santiago jla'yi ja Juan, Zebedeo jilis, wuj ti yisi'liet pakat'iyijpe pi iyo ti i'wi'in. 'Yina Jesús iyone'ate ja Simón ti ijliuye'ni: —'Otale t'onit. 'Nakayi ja ke niwakaye si'yus ti ja'yaka'n, ja napokaye'ne napo i'nio' ti ja'yaka'n.

Lucas 9:10

Ti 'nesat'i'nijpe japok injlojwajnas, ijwilisiam'ne pa Jesús ti yiyeyisi wikie'eyi siupuwa iyoyisi ti t'iskiunk'iji'n. Jesús i'winakit'ne siupa ijioyiji, ti iyone 'ate: —Naja'ni jajiok Betsáidaja.

Juan 12:22

Felipe yam'ne ti 'yuyi pet ape'e ja Andrés ti ijwijla'm, jak iyo'ne jla'yija ti ijwilisi ja Jesús.

Juan 13:23

Ijwienjli'ne siojo Jesús wuj ti 'namaja, ti je itionit ti ti'yekiujni'n,

Juan 20:2

Ta'a ti t'osi ti ijioyi ja Simón Pedro, siu'neje ja Jesús t'eyasanik ti jleminik, ijwijlam'ne japoka ti iyo'ate: —Titionat'ijyi kisie'e ki Saka'niona masa. Je kasts'ajane pi tena'a.

Juan 21:2

Japoka sek inita'a, Simón Pedro, siu'neje ja tamitaja'a'ni ti iyo'ate Timesi Tomás, Natanael siojo tal Canaja ti yiji jlaja Galilea, siu'neje japo Zebedeo jilis, jla'yis siojopo ijia times, Jesús t'eyasajnas.

Juan 21:20

Pedro i'yena 'wechaja, i'win'ne ilia'm siojo Jesús t'eyasanik siojo ti wuj ti yimi'n. Jaka siojo ti te'wayiji ti ti'yekiujni'n, siojo ti i'yase'n ti iyo'ate, “'Yaka'niona, ¿ten siupi janekial?”

Juan 21:24

'Naka'ne 'ni ijwi'il niwa wask'i'nelaja, jla'yi ti ip'isi'n. Kasts'ajane ti ijiatk'i siunie ijwi'il.

Juan 6:67

Jesús i'yasam'ne siojopo itijwa'm sikioye times tom'niji t'eyasajnas ti iyo'ate: —¿Tepi jiwoyeyi pet ti asa'am? ¿Ma jaleye ijyik'i?

Juan 6:70

Jesús iyo'ne 'ate: —Yam ti aki'mase'm siunie inojwajia'm, ti itijwa'm sik'ioye times to'm'niji. 'Yina ijwienjli'ne siunie imosik.

Juan 6:71

Jesús iyo ti ja Judas, siojo Simón Iscariote jlas, jakayeta ti tajla'm siojopo itijwa'm sik'ioye times to'm'niji t'eyasajnas, jla'am siojo janekial.

Juan 6:8

Ijwienjli'ne siojo t'eyasanik jla'am ja Jesús, jle' iyo'ate Andrés, Simón Pedro jikilia, iyo'ne 'ate:

Hechos 1:13

Ti yiyisiet'iyipi jlaja isi', yamitat'iyisipi siupi yiyits'i'ni siojopa 'wuk toj pijia'm. Pedrojimpe, jla'yi ja Juan, siu'neje pa Santiago, jla'yi ja Andrés, siu'neje ja Felipe, siu'neje ja Tomás, jla'yi ja Bartolomé, siu'neje ja Mateo, siu'neje ja Alfeo jlas jle' iyo'ate Santiago, siu'neje ja Simón tajla'm pet papo celote, siu'neje ja Santiago 'neje jlas siupi jle' iyo'ate Judas.

Hechos 1:26

'Yina itime ti iyoyis t'ajlayeja', iyoyet'iyisipi ka inlakinists'i ape'e. Matías jak itieje. Jakayi ti tiwomajayiji siojopo itijwa'm sikioye ijwienjli tom'niji injlojwajnas 'wanjle'e.

Hechos 12:2

Iyoyet'iyipi ka ila'an pa Santiago, Juan jikilia, ti sijnat jitiok isiene.

Hechos 3:1

Yit'iyipe pa jloma ti siojopa inetitinki najape'e, Pedro jla'yi ja Juan ti ijioyisi jlaja Sinia' ji'wuk, 'yina ti yiyi siojopa ti iyoyis'ni t'ajlayeja'.

1 Corintios 15:7

Paj ti kia'iyo init'i'wenkinaja'ajme ja Santiago, sekyi'i japokayet'ijyi pet injlojwajnas ti ini'wenkijna'm.

Efesios 4:11

Jla'am ti iwijnamk'i napo i'nio' ni jijweye ti iyoyi ji'wajieta'. Po' napo iwijna'm ka wo jijliujwajnasa', ijia napo iyone jijwejlanawosa', ijia napo iyone inka'niye jiwosa', ijia napo ijniejiet'e kan'yenkina napo jilis, ti 'yiyasajne'n napo i'nio'.

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

1 Pedro 1:1

Atejwi'lase i'lijwas, asa'am ti inetianajyi'n ape'e ni ajnat, ti jiwaye'yi niwa ajnatis ti je as'wet, ti jleyejyits'i niwa ajnatis ti jayitink'i'ni: Ponto, Galacia, Capadocia, Asia, janaka 'neje jana Bitinia. Ya'am Pedrok'i'm, Sijwajieti Jesús jijliujwanik'i'm, asa'am ti atajiet'ase ni ip'isinik. Asa'am ti Sinia' pajk'i ti isi'mase'm, lapakawo ti jlam jla'am ti tajle siunie iyo'nase, jla'yi ti ilesana ti inlejayi jana jikimet ti 'es ka k'iuyeyi ti jla'am pa Sinia', jla'yi ti ka lajak'i pa Saka'niona 'woyis ti insisieyi ti ilij ki iyo niwa askeyis. 'Esiji ka Sinia' wujwa ka imp'elisina', 'nakayipe ti ja akamaja.

2 Pedro 1:1

Asampey japo i'lijwas, ya'am Simón Pedrok'i'm, Sijwajieti Jesús jikawo, jla'yi ti jijliujwanik'i'm. Atajiet'ase siu'nie ip'isinik, asa'am ti po' siunie astankiujnieye ti ijiate ti 'es jla'yi ti ijiate ti laja po', iyoye'ate pet siu'nie sitienkiujnieye ti po', ka lajak'i ki iyo pi Sinia' ti Sijwajieti Jesús, ti ijiate jla'am ti tijnajyi ni iyoyi.

2 Juan 1:1

I'lijwas atejwi'lase, asa'am ti Sinia' jilists'ase'm ti jleye as'wetits'ijk'i, ti Sinia' pajk'i ti int'ayejyits'i. Ya'am ti kijilk'i'm ajlo'wase siunie yamtik ti yimijna'yase'm ti kasjwanjliyik'i siunie ijiatk'i. Je yamkata, 'yina wikie'eyi 'neje siunapo pajk'i ti itiant'ieje siunie ijiatk'i ti wuj ti 'nama'ase.

3 JuanMary Thureson 1:1

Ampey, isiecha ti yiminik Gayo. Ya'am ti kijilk'i'm, ti awo niwa Sinia' jlamtis, i'lij atate'a ti lajk'ipa ka int'emina ti emi'n, ti kasjwanjliyik'i siunie iyo ni ijiatk'i.

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 18:20

¡Siuti a'm poli, peni'yi ti netia'n jakiak isi'! ¡Siupet ti asa'am ti Sinia' jika kia'lits'ase'm, kiak jawoyeyi inkasajyi'n pet, siunapo injlojwajnas, siunapo Sinia' jijwejlanawos, kajeyepa ti siuti Sinia' kiak iyone isie'e, 'yina yijni pet ask'ioye siukia iyo'nasepi!

Apocalipsis 22:8

Ya'am Juank'i'm, ya'am a'we'en siu'neje ti ape'ya 'niwaka. Jlampa atemayi siuki iyo kiwa a'we'en siu'neje kiwa ape'ya, sekyi'i ti awoyetaja ka 'yakose kiajwe jak injlojwanik poli jlele ti jota ka iyunit.