Mateo 1:1 - Sinia' Jlamtis 1994

¹ 'Niwak jleyis papo tajla'm t'ipi pet ja Sijwajieti Jesús, ti tajla pet pa David, 'yina David tajla pet pa Abraham:

Mateo 1:1 Iomraidhean Croise

Mateo 1:18

Siukia ti poye pet ja Jesús, kiak iyoyiyi'ate: José initemini'ni jlaja María ti iyo jlosieye, ti iyo kaneyi. 'Yina ti je yijlik'iji kiu' wita'm, siojopa Sinia' jikimet ti 'es japaka jla'm siupi iyone ti María ini'yenaja'n ti isiu'ujniena.

Mateo 1:2

pa Abraham paka Isaac jinia' t'ipi pet, 'yina Isaac paka pa Jacob jinia' t'ipi pet, sekyi'i Jacob paka pet pa Judá jinia' siu'neje papo ji'niayi ijwienjliyik'i ti jiniayis pa Jacob.

Mateo 15:22

Po'ne siujlieja i'nioki ti yiyeyi jlajak ajnat Canaán jleliki ti iyo 'weta'. Ijioyi ja Jesús ti iyo'ate ti 'yakets'ijiap: —¡'Yaka'niona, David jlas, sip'elisin wata'a! ¡Yase' jlaja jitiej je 'es! ¡Wuj ti je 'es!

Mateo 3:16

iniejien'ne ja Jesús. 'Yina Jesús tajla'm jiwek pa i'niat, sekyi'i siupa poli 'ajlaja'm. I'winat'ipi ilia'm japak Sinia' jikimet, 'yiniye ni ojwo', ti na'm isia'm ti ijioyi ti yi' ape'e.

Mateo 9:27

Jlampa Jesús tajla'aja seka'a, times japo talojo' ijia'an. Tanak'i wita'm ti iyonisi 'ate: —¡David Jlas, kasp'elisijne'n wata'a!

Lucas 1:33

ti jawo anechiyasa' k'iye napo Israel jika kia'lis. Jajnok'i'ni ti jawo anechiyasa'.

Juan 7:42

Ijwiljie'e niwa inamtis pak Sinia' jiliujwanik jantajla'm papo David, jla'yi ti ja ji'weta'a jana Belén, isi' siojona ji'wet t'ipi pi David.

Hechos 2:30

David injwejlanik jiwojimpe, it'imina ti 'yijene ta'a pi iyone siupi jitieyiji, kajeyepa ti Sinia' ijwijla'm ti iyo'ate, “Jayone anechiyasa' pa janjwanjli napo ales ti jantal aswa'am.”

Romanos 1:3

'Yina je 'wena paka injwe'el, naka jlas Sijwajieti Jesús ni Saka'niona, siunie ti je istiejenit ti kia'iyo i'nio', naka ti je 'wena papo ka intajle, tajla'm papok David jilis ti tomik'i pijia'm. Jlampet siunie ti 'yakajanit'i ape'e ti jla'am ti Sinia' jlas, naka pet ti Sinia' jikimet yijap, siu'neje ti iniu kisie'e ti tajli ki a'no', je lajk'i 'ni iyo ni Sinia' jijweye ti je jlase'.

Romanos 4:13

Sinia' ji'lij iwijna'm pa Abraham, siu'neje papo jilis tomik'i pijia'm ti ijwijla'm, ti iyo'ate, “Siuti a'm siunapo ales, siu'neje napo jantomik'i pijia'm, asa'am ti askimita' wikie'eyi siunie ajnat.” ¿Yot'iyi'ni ti Sinia' kiak iyone? ¿Nakat'iyi jla'am ti Abraham ya'm ape'e pak Moisés jika'neyasajnaye? ¡Je'e! 'Wenajliyi jla'am siunie iyo ti je 'yakakiu pa Sinia'. Jak je iyoyiji'ni Sinia' ilisajnen'ne.

Romanos 9:5

Papok jitise'l t'ipi pet papo Abraham jilis, sekyi'i siupa tajla'm siupapo jilis pet ti tomik'i pijia'm paka pet pa Sijwajieti, siupa ti Injwajieti ti Sinia' jijliujwanik. ¡'Esiji ka tiwunitie pa Sinia' jajnok'i'ni, ti jla'am ti isie'e wikie'eyi siuniwa wask'i'nelaja! Amén.

Gálatas 3:16

Ijiatjliyi, ti Sinia' iyone'ate pa Abraham, “Jawi'na'm, siu'neje pa jantajla'm papo ales.” 'Yina je iyo'ne 'ate ka impejlanit'i ape'e, ka ne'yi niwa Sinia' jlamtis, “ales siunapo ti jantaj'l awa'm”, 'yina ijwil ti ijwienkit, “siu'neje pa jantajla'm papo ales”, paka pi Sijwajieti ti ijwi'il.

1 Timoteo 2:5

Sinia' ijwienjli, jla'yi ti ijwienjli ni siunie i'nio' ti itionk'i wita'm napo i'nio' siu'neje ni Sinia'; naka ni Sijwajieti Jesús.

2 Timoteo 2:8

Ataj enayijpe 'ate ti Sijwajieti Jesús iniu kisie'e ti tajli pi a'no', jla'yi ti jla'am ti tajla'm papo David jilist'ipi. 'Naka'ne siu'nie ti awoyi'ni yamtikie',

Apocalipsis 22:16

“Ya'am ti Jesúsk'i'm, ya'am ti ajlo'wase ni ijliujwanik poli jlele, 'yina ti awojonk'iye ka injwe'lase siu'niwa wask'i'nelaja, sekjane'yi ti jajwelayi pit napo Sinia' jilis. Ya'am ti atajlaja'm siupapo David jilis t'ipi ti tomik'i pijia'm. Ya'am siojona kates jloma jla'yiki ti jlal po'.”