Lucas 9:52 - Sinia' Jlamtis 1994

⁵² Iyoyet'ipi jikawosa' ti iyoyeyi ka inek ka iwakajlanit ta'a k'iye siupa janajapeje'n yi'i jlaja Samaria.

Lucas 9:52 Iomraidhean Croise

Mateo 10:5

Japoka'ne siojopo itijwa'm niwa sikioye times tom'niji ti Jesús ijliu', ti 'yiyasane siupa janwoyisi ti iyone 'ate: —Ká ajoyeyi siunapo i'nio' je Judíojos, ka kiak inwona'a ka ajoyeyi siuniwa isi'il yiji jana Samaria,

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 10:33

Po 'neje siupa i'nio' Samaria jlele ti kia'iyo iniuk'i pak 'nayi yiji pi i'nio'. I'wine wek jla'am ta'a ti iyo ti ip'ilisi'n.

Lucas 17:11

Jesús yama'aja ti ijio 'niji yi'i jlaja Jerusalén, jijwalk'i jawak ajnatis Samaria siu'neje jlaja Galilea.

Lucas 17:16

Yiyi wek pa Jesús, ti t'akosat'iyijpe kiajwe ti jinikanitieyi iwijna'm. Siupa i'nio' tal Samaria.

Lucas 7:27

Juan naka siunie ti iyo'ate niwa Sinia' jlamtis, ti ijwi'il: “'Yejne'n, ajlo' siunie, ti ya'am ti ika'niyewo, ka ina'an ak'ioye, ka iwakajlanit ak'ioye siupa jano'we.”

Juan 4:4

'yina je iyojonk'iye ka nojwap jawa ajnatis yiji jlaja Samaria.

Juan 4:5

Yiyeyi siujlieja isi' jle' iyo'ate Sicar, je tojwape'n siujlieja ajnat Jacob yikialjinipi pa jlas José ka jikimita'.

Juan 4:9

Kajeyepa ti siunapo Judíojos je 'esi wita'm napo Samaria jlele, it'imina ti ji'lij kiak iyone ti isiujlie, ti iyo'ate: —¿Yot'iyi'n ti jit'iejlijk'i'm ni i'niat, ti a'm Judío'a'm, 'yina ti yam Samaria jlelikik'i'm pet?

Juan 8:48

Siojopo Judíojos ipi'yayis jiwek ja Jesús ti kia'iyo, sekyi'i iyonayisi 'ate: —Ijiate siunie awona'a ti ajwela ti am Samaria jlele'a'am, ti imosik yi' awa'm.