Lucas 9:48 - Sinia' Jlamtis 1994

⁴⁸ Kiak t'ipa iyonayijipi: —I'nio' ni janki'm ilia'm siunie kia'le iyoye'ate siunie na'm ijyik'i, ijiate ya'am ti isi'm ijyilia'm. I'nio' ni isi'm ijyilia'm, nakayep'ajne pet siunie ti isi'm ilia'm siunie I'nio' sijliu'. Jla'm ijiate jla'am siunie i'nio' je 'esijiyi ti lajk'iyipa kawo ti jane askiowe'e, nak ijiate ti t'an pijia'm.

Lucas 9:48 Iomraidhean Croise

Mateo 18:10

“Ke ine'wajayi ka ne'yi pa siunapo je 'esijiyi kia'lis ti 'yiyasajnas. Ajwela'yase'm ti siunapo jijliujwajnas poli jlele pet je paj ka int'ekiyisiap ni Inia' ti yi' poliyi ti i'ye'n ape'e.

Mateo 18:14

'Yina kia'iyo ni Asna' ti yi' poliyi, ti je iyojonk'iye ka injwanjli paka inetia'n siunapo kia'lis ti je sakakiuyis.

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Mateo 25:45

“Janwoyena'a 'ate ni anechiyas ti jankiujlie, “Ijiatk'i siu'nie jayo'nase ti jajwi'lase'm ti ja lajak'iyi paka wonayi ka k'iejliyeyi, siu'napo ti je 'esijiyi, siu'niwa ajwel'ni, ijiate je t'i jijwela' ka 'wenaye, ya'am ti lajk'iyi paka awonak'i ka noyeyek'i'm”.”

Marcos 9:37

—I'nio' ni jane'yi ni janki'm ilia'm ni kia'le 'ate iyo 'ni siu'nie, lapakawo ti janakaye jla'am ni yi'i ti janeyi, kia'iyo lapakawo ti je 'wena paka inki'm ilia'm ya'am ti isi'm ijyilia'm ni i'nio'. 'Yina je yamkata ka inki'm ijyilia'm, kia'iyo isi'm ilia'm ni siunie sijliu'.

Lucas 10:16

Yiyik'i ti kia'iyo pa Jesús, sekyi'i ti kiak t'ipa iyonayipi japo t'eyasajnas: —Siunie jank'iu'wase'm, nak its'iuk'i'm pet. Jlampet siunie ti je isima'yi aselia'm, nak 'yaka pet ti je isi'm ijyilia'm. Siunie i'nio' je isi'm ijyilia'm, nak 'yaka pet ti je isi'm ilia'm siunie I'nio' sijliu'.

Lucas 14:11

Kiak iyo siunie i'nio' ti initonit, ja ke tiwok lajaye, jlampet siunie i'nio' ti je initonit, nak ja wujwa pet ti ja tiwok lajaye.

Lucas 22:26

Siuti asa'am je 'esiji ka kiak aniwonayi, iyo napoka. Siuti japoye ni ti asa'am ti jwajla'a ti jle' 'yaka'm ape'e napo ijia, je 'esiji ka initonit, jlampet siunie ti jle' po' ti iyo anechiyasa' 'esiji ka inwojwa'n inkawoye.

Lucas 22:30

Kiak jawo'ojyi ja kijwanak'i ts'iji ti jayo anechiyasa', ka aye'yijinna'a siuniwa in'wetis ti jawoye anechiyasisa', jane'ya kiajwe siunapo tajla'm napo itijwa'm niwa sikioye times tom'niji Israel jilis.”

Lucas 7:28

Jajwi'lase'm, je ti'wena paka i'nioye ape'e 'ni ajnat ka inka'm ape'e ja Juan. 'Yina jlam pet siunie ti ijiate ti je 'esijiyi ti yiji ni Sinia' jika anechijiayas, nak 'yakama'aja pet ape'e.

Juan 13:20

Ijiatk'i siunie jajwi'il ti awo'ate, Siunie i'nio' isi'm ilia'm ni siunie ajlo' pet, nak isi'm ijyilia'm. 'Yina jlam pet ni isi'm ijyilia'm, nakaye pet ti isi'm ilia'm siunie I'nio' sijliu' pet.”

Juan 14:21

“I'nio' ni isi'm ilia'm niwa yamtis, jla'yi ti iyoyi, nak je inijwek ti ijiate ti semi'n. Kiak iyojliyi pet ni Inia' yimi'n siunie i'nio' semi'n. Siuti ya'am kia'iyo jayimi'n, jla'yi ti jani'wenkijna'm.”

1 Tesalonicenses 4:8

Jak je iyoyiji siunie i'nio' ti iliaki naka inka'neyasajnaye, je paka ka i'nioye ka inlaki. Iliaki pa Sinia' ti iwints'e'm janaka jikimet ti 'es.

1 Pedro 5:6

Naka'ne, ti janijlasata'yi isia'm k'iye ni Sinia' jikio' ti jit'iuni po', ja 'nakayi ti ja iwunitie ka netieje janaka jloma.

Apocalipsis 21:14

'Yina siojo inwasok tip'onajajap jlajak isi' itijwa'm niwa sikioye times tom'niji jawa sisajas jawa tiwoki jijwetisila' ti 'yit pijia'm. Po' jawa inamtis yi'i jleyis napo 'wolepo 'woma jijliujwajnas siunapo itijwa'm niwa sikioye times tom'niji.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.