Lucas 9:43 - Sinia' Jlamtis 1994

⁴³ Jlam jnots'inijits'i'ni papo i'nio' ti i'winis pi iyo pa Sinia' jit'iuni ti jla'am ti wuj. 'Wanjliyi papo i'nio' ti jitiej yinisi'ni 'ate siupa iyo pa Jesús i'winki'n, sekyi'i Jesús iyone'ate japo t'eyasajnas:

Lucas 9:43 Iomraidhean Croise

Mateo 17:22

Ti je t'eki wita'm japo t'eyasajnas yi'i jlaja Galilea, Jesús iyone'ne 'ate japoka: —Siunie I'nio' Jlas ja tekiajla kiojia'm napo i'nio',

Marcos 6:51

Sekyi'i ti tisiojmayeja'm japa kasejkana, 'yina netianak'i pet pa jlajwu. Kawojliyisi pa ti i'winayis ti kia'iyo.

Lucas 18:43

Je yiyi puwa ka jlomasa' pa talok ta'a t'ipi ti 'es pakayi, 'esieyiji ti i'yen kisie'e, yamk'i'ne pa Jesús siupi ijiojwi, jla'm iyunitjli pa Sinia'. Kia'iyojliyi siupapo i'winaja wikie'eyi ti iyunitis pet pa Sinia'.

Lucas 4:36

Je jlase' pi iyo papo i'nio' kajeyepa ti i'winisieje, iyoyet'iyispe 'ate: —¿Tent'i 'niwa inamtis? ¡Siu'nie i'nio', jla'yi ti jijweye po' ti tamti'yi, ti ijliuye niwa imose'l ka inok'i kisie'e, siuniwa imose'l its'iuye sekyi'i iniuyek'i kisie'e!

Lucas 5:26

'Yina wikie'eyi siupapo sekyi'i jlam jnots'inijits'i'ni. Iyoyet'iyispe 'ate ti iyunitis pa Sinia', kajeyepa ti jnots'ijnits'i: —'Nakap'ane ti sitiete i'wi'in siuniwa ti kassesi'liet.

Lucas 5:9

Tepa jawo ka kiak je iwone pi ji'lij ja Pedro, siu'neje japo ijia, ti jnots'ijnits'i ti i'winayis ti je kiak iyo puwa ka in'yakanis, kajeyepa ti 'lojwe puwa si'yus.

Lucas 8:25

Sekyi'i ti japokayet'ipi pet japo t'eyasajnas ti iyone 'ate: —¿Tepi jiwoyeyi ti laja astankiujnieyeja'? Jlam'ne siupa iyo, jnots'ijnits'i kanwojlijint'iyisipi pa i'nijmajlit'iyispe ti ini'yasis ti iyoyits'i 'ate: —¿Tent'i 'ni i'nio? ¡'Yina ti siuni jlajwu siu'neje 'ni i'niat, je 'yaka'm ape'e ti ijliuye!

Lucas 9:42

Siupa jwemik ti ijioyeyi, yamat'ipi isia'm paka jla'am siupa yiji ti sek itiete'eje'n jiwekie'e, sekyi'i ti jiyel netiana. 'Yina Jesús tamti'yi'ne siupa yiji, ijwiejiet'ne pak jwemik, sekyi'i yikiajlayi pa jinia'.

2 Pedro 1:16

Siuti 'eyasanayiji ki iyo pi Saka'niona jit'iuni, siu'neje ni jawo ka napitiemet, je ka intajle siupapo paj t'ipi ti yamtiyi napo, jla'yi ti tajle ni jitienkiujnieye ni i'nio'. 'Yina ijiate jla'am ti sitiete i'wi'in, ki iyopi ja Saka'niona ja jijweye iyo.