Lucas 9:39 - Sinia' Jlamtis 1994

³⁹ siunie iyone siupa yiji. Yejlat'ni sekyi'i ti jiyel initiajnata'aja, paj ti je 'esieyi'iji ni jlats'ilis jikiwiti. Ijiate wata'a ti iliaki, jla'yi ki iyo ti jikio' je k'as.

Lucas 9:39 Iomraidhean Croise

Marcos 9:18

Yi'iji siupa yi'i, ti yiyetaja iyone jla'am pa iliaki sek itietayi'iji 'neje, 'yakaja'aja ni jisiep ti tal jikiwitk'i, sekyi'i ti jikinte yasa'aja, 'yina jiyel initiajnata'aja, je k'asayik'i. Ajotiejeje'ijyi napo 'eyasajnas 'yina je ikajle'n inta ka inojwa'n kisie'e siupa iliaki.

Marcos 9:20

Ijiatjliyi tikiniejayiji pa jwemik, 'yina siupa yiji pak jwemik siuti i'wina ja Jesús, sek itietayi'iji'ni jiwek, jlam sek topatits'i'ni sekyi'i 'yakaja pa jisiep tal jikiwitk'i.

Marcos 9:26

Sekyi'i ti tajwiyeje'n siupa imosik, 'yina yikiajlayi'iji ti itiete pak jwemik ti jiwekie'aja t'ipi ti tajli, 'yiniye ka ijiatayi ka 'na'al. Jak je iyoyi siupapo i'nio' ti i'winayis, sekyi'i iyoyis'ne 'ate: —Ijiatp'aneje ti 'ya'al.

Lucas 4:35

'Yina Jesús iyo'ne 'ate siupa yiji, ti ijliuye: —¡K'iu'wate, tajli siu'nie i'nio'! Sekyi'i itiete'ne pa i'nio' seka'a ajnat'e jikiowe'e papo i'nio' ti tajlat'iyipi pak imosik. Lajk'i wekie'e ka k'iejliyeyi paka inwone pa i'nio' ti tajlaja'm.

Lucas 9:38

Tajlat'ipi ts'e jikiowe'e papo i'nio' siupa i'nio' ti i'yask'i'ni pa Jesús, ti iyo'ate: —Inka'neyasajnawo, sip'elisin wata'a. 'Yejne'n pet 'ni yas ijwienjli,

Lucas 9:40

Itiejen wujtaja'ajyi napo 'eyasajnas, 'yina je 'yakajlisi.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

1 Pedro 5:8

'Esiji ka wujwa ka 'yena siunie jiwoyeyi. Joskiyeyi, asosik enitiejyits'i'ni, kajeyepa siunie astajiejwa imosik iyo'ate ni k'iwajla ti jwesieta, ti inijijwijyink'iye ni i'nio' ka insojmayi ka inla'an.

Apocalipsis 9:11

Siunie jika anechiyas naka injlojwanik poli jlele ni siunie ji'wet pet siunie kiawe ti je ti'wena isia'm pi jik'ioyi, ti 'najlati 'wet, jle' iyo'ate ti Hebreo ji'lij Abadón. Jlampet ti griégojos ji'lij iyo'ate Apolión, ti awonaja pet 'ate Kalankijieta.