Lucas 9:1 - Sinia' Jlamtis 1994

¹ Jesús ijiutiet'ik'ipe wita'm siojopo t'eyasajnas ti itijwa'm niwa sikioye times tom'niji, jijweye iwijnamk'i, jla'yi ti yikiajle ka inkajlisi pet ka inokiosk'i kisie'e puwa imose'l ti yijits'i papo i'nio', jla'yi ti ja injwajiete'n papo je isis.

Lucas 9:1 Iomraidhean Croise

Mateo 16:19

Jayikiaj'la siuniwa 'wuk kiwet p'ot jikie'el ni jika anechijiayas ni Inia'. Ja k'iejliyeyi pa jawone ti jawone 'ate napo ika kia'lis, “Wuj ti je 'es ka woyi”, Inia' kiak jawo'ojyi jlajma ijiatayi ti ja ke iwo. Ja k'iejliyeyi pa jawone ti jawone 'ate napo ika kia'lis, “Nak ijiate jla'am ka woyeyi”, 'yina Inia' kiak jawo'ijyi pet jawoyi, ti jankiujlie.

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Mateo 8:9

Siuti ya'am kia'awo pet 'yaka anechiyasas po', ti a pet kiajwe, 'yina kia'iyo 'yakawos po' ti yi' isiajwe. Jak je iyoyiji ti awone 'ate ni ijwienjli, “Maj”, je t'o'ni. Siuti awone 'ate, “Jomet”, kia'iyojliyi. Ni'ne ti awone 'ate ni 'yakawo, “Lesane siu'nie”, ilisanayi.

Lucas 10:1

Jlampa paja'ni ape'e siupuwa iyot'iyipi, Saka'niona isimat'i'yik'ijpe papo setenta y dos t'eyasajnas. Timesiamk'i'ni ti ijliuyet'i'nijpe ti iniajnate'n jik'ioye ti ijioyits'i siupuwa isi'il ji'wetis papo i'nio', siupuwa iyo ka ijnoyits'i.

Lucas 10:19

'Yejne'n, ijwiye awe'nase'm ka 'asak'i'ni niwa injlajas jitio', jla'yi ka 'asak'i'ni niwa ajliu pastanayis, siu'neje ni jijweye iyo ni astajiejwa imosik ti t'on'ni ka akama'yi ape'e, 'yina ja lajk'i pa ka k'iejliyeyi paka aswet'iaye.

Juan 14:12

Ijiatk'i siunie jajwi'il ti siunie i'nio' ja ke sakakiu, jikijmaye jawo'ate iyo ni isijmaye, siupi jawo puwa jan'wenki'n. Ja jlam ijiatayi jla'am siupi jikijmaye jawo, lapajawo ti jayik, jajioyi ni yi'i ni Inia'.

Hechos 1:8

Siuti jane'yase jana Inia' jikimet ti 'es ka tekiajla'asenie'e ni asjweye, ka sek atajlaye'ena'a ka kinieye'inna'a ti jawoye asamtikie' ti ja sijwela'. Ka joyenie'e Jerusalenne, ja tejwayena'a siuniwa ajnatis yiji jana Judea, siu'neje jana Samaria, wikie'eyi siuniwa isi'il tose ti yi' ape'e 'ni ajnat.

Hechos 3:16

Siunie iniuyeje ti iyo jit'iuniye siu'nie i'nio' ti ji'wena', jla'yi ti intant'iejayi, naka ti je 'yakakiu ni jle' ni Jesús ti jiweye po', 'yina siuti jlam je iyo ti jitiej iyoma, nak it'imina ti tijwa'a. Tijwa'a kalakiyik'i, mejla'ala ka je a'wena, siunie iyo.

Hechos 4:30

Kajanit ni ajweye iyo ka ajwajiete'n napo i'nio' je isis, jla'yi niwa iniank'iye siuniwa ja 'nakaj pet ajnat'e, siu'neje niwa ti yisi'lietk'i napo i'nio', 'esi ni jle' iyo ni akawo ti 'es Jesús.”

Hechos 9:34

Pedro iyone'ne 'ate: —Eneas, Sijwajieti Jesús injwajiet. Neppijia'm, jot wita'm na ajotik. Kapajat'iyijpe wata'a pa Eneas ti 'es.