Lucas 8:8 - Sinia' Jlamtis 1994

⁸ Siupuwa ijniuj'li pa ajnat ti 'ejts'i, tekil'ne puwaka jlam yamjli pijia'm, paj ti yiyeyi ti iyo jlaye, iyot'iyipi japa yiyi japa cien puwa jlo', ti ijwienjli japa inseliaki tajla'm. Kiak iyo kiwa Jesús yamtiyi, yine ape'e ti 'yakets'iyejap ti iyo'ate: —¡I'nio' ni jik'iot tiojwa'l po', kank'iuyeyijna'a!

Lucas 8:8 Iomraidhean Croise

Mateo 11:15

¡Jane'yi pa siunie jik'iot tiojwa'l po', jipe'yaye!

Mateo 13:23

Jlampet niwak inseliaki ti ijniuj'li nak ajnat ti 'ejts'iyi, napoka pet siunapo ti its'iuye niwa Sinia' jlamtis, 'es ti iyoyi. Jak je iyoyiji yiyi ts'iji jla' poye, yi'i japa cien puwa jla' ti tajla'm, ni'ne ti setenta puwa tajla'm, ni'ne ti treinta puwa tajla'm.”

Marcos 4:20

'Yina jlajmiliet, po 'neje pet siunapo iyo 'ate siojona inseliaki ti ijniuj'li siunie ajnat ti 'ejts'i, 'yina its'iuye niwa Sinia' jlamtis, jla'yi ti 'es ti isimis ilia'm, siu'neje ti iyo jlaye. Po' niwa jla' treinta, ijia niwa setenta niwa jla', ijia niwa cien niwa jla' tajla'm iyo ni siuniwa a'yejnap jiwek, niwa jla' nojwa'm.

Marcos 4:23

¡Siunapo jik'iot tiojwa'l po' k'iuyeyi!

Marcos 4:8

Po 'neje puwa ijyiwit'e pet siupa ajnat ti ijiat ti 'ejts'i, 'yina kia'iyo ta'a 'neje ti 'nesk'i pijia'm, jlomas ti je iliyi ti ijliask'i pijia'm, ta'a 'neje ti iyo jlaye. Siuti iwomki ijwienjli pijia'm iyot'iyipi ti treinta puwa jla' tajla'm, po' japa setenta puwa jla', ijia puwa cien puwa jla' tajla'm.”

Lucas 14:35

Ka najataja wek ni ajnat ka 'esieye pet, ka k'iejliyeyi 'neje pa. Lajk'ipa jikiechaye ka tiwonaja, ja titietaja. “Siuti ask'iot tiojwa'l po', k'iuyeyi 'naka.”

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Lucas 8:7

Siupuwa ijniuj'li pet pa ajnat k'itienis yi'i, puwak ti 'nesat'ik'ipe pijia'm ti ijniujliji puwa k'itienis, ijlias'ni pijia'm paj ti k'itienis 'yakama ape'e, sekyi'i ilian'ne.

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

Apocalipsis 13:9

Siunie i'nio' jik'iot tiojwa'l po' kank'iuyeyinie'e siu'nie:

Apocalipsis 2:11

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napo Sinia' jilis! Jlampet siunie jantate isia'm ni siunie jitiejiejwa, nak ja ke inekiajle'eje ka 'na'al.”

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”

Apocalipsis 3:13

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis!”

Apocalipsis 3:6

“¡Siunie jik'iot tiojwa'l po' k'iuyi siunie iyo janak Sinia' jikimet ti 'es ti ijwijla'm napoka Sinia' jilis!”