Lucas 8:40 - Sinia' Jlamtis 1994

⁴⁰ Ti Jesús yapiliet'ipi i'niat ji'wechaja, siupapo i'nio' its'iuyisin'ni k'iye, wuj ti inkase'n 'yaka iyoyisink'iye.

Lucas 8:40 Iomraidhean Croise

Mateo 9:1

Jlampa yama 'niji siupi ti 'nelanjie'e, Jesús tisiojmajiam'ne japa kasejkana, tomat'iyispe i'niat ji'wechaja, 'yina yiyeyi siujlieja ti ijiate ti jika ajnate.

Marcos 12:37

¿Yot'iyi'ni ka intajla'm papok David jika kia'lis naka ti jla'am ti Injwajietiwo ti jlam'ne David kia'iyo iyo jika'nionaja? Siupapo i'nio' ti je pini', je jlase' pi iyo ti yimi'n ti its'iuye ja Jesús.

Marcos 5:21

Ti Jesús yapiliejempe'eje i'niat ji'wechaja, yi'i siupa taj'le ti 'nelanjie'e, ti yiji japa kasejkana, ti yiyeyi siupa ijiojwi, 'yina je pini' papo i'nio' initotisiji ts'e jikiuts'i japa i'niat.

Marcos 6:20

Kajeyepa ti Herodes i'wi'in ti tijnajyi paka Juan jla'yi ti 'es jitieyi'i pa Sinia', 'yina naka'ne ti je ijwi' ape'e, 'wenajliyi jla'm ti i'yenta. Ejlo'o wek pa iyo pa Herodes ti po' siupa iyo ti je 'es, 'yina its'iuye'ni jiwek.

Lucas 19:48

Ijialasista pa kanwonisi kanlanis, yamjliyi ti iyoyisijyi'n siupa ka inwonisi ka 'esiejape'n. Lapakawo ti etie ti tamti pa Jesús papo i'nio' wuj ti its'iuyisie.

Lucas 19:6

Jla'm iyoni'ni 'ate ti tisiojmajyi'n pa Zaqueo, wuj ti inkaj'ni ti Jesús ijioyi.

Lucas 5:1

Ti Jesús yi' kiuts'i siujlieja tewuk iliyi jle' iyo'ate Genesaret, ti 'loj papo i'nio' ti nojwisi ti iyo ka ink'iuyi puwa Sinia' jlamtis.

Lucas 8:39

Apili papo a'wet jlele, sekjane'yi ka anijwelajamna'a wikie'eyi siunie Sinia' iyo'naja. Yam'ne pa i'nio', sekyi'i inijwelajamk'i papo i'nio' yiji japak isi' siupa Jesús iyone ti ijwiejiet.

Juan 5:35

Juan iyoye'ate jana kates ti yata'm ape'e 'ni ajnat, siunie jla'al inkaja'yi ejlowekie'e ti je itioyi'i.

Hechos 10:33

'Yina ta'a'ne ti akajlunk'i, 'esiji ti 'nak jle'yi, siu'nie awak'i, ti Sinia' kas'we'en. Awoktajank'iye ka pi'yak siupa jajwelts'e'm, pa Saka'niona iyo'naja.