Lucas 8:2 - Sinia' Jlamtis 1994

² siu'neje papo ijwiejiett'ijyimpe jla'am siupapo asejnia, yit'iyipe papo iyo ka nekk'i, siu'neje papo ti kia'iyo ti ijwiejiett'ijyimpe ti imose'l yijits'i. María japokajimpe, siujlieja ti tiwonaja'ni 'ate Magdala jleliki, siujlieja ijwienjli sikio' itij'we times tom'niji puwa imose'l yijinipi.

Lucas 8:2 Iomraidhean Croise

Mateo 4:24

Jesús jle' itijwi'ni siujlieja ajnat Siria, ti t'ijieyeje. Tiniamajaja'ni siupapo ti wuj ti inilayiti puwa iyot'iyipi puwa jikie'el ti je ijwienjli, siu'neje papo imose'l iliaki, siu'neje papo jitiej je isis, siu'neje papo je t'ojni'ni, je iyo ka je injwajiete'n.

Marcos 16:1

Yam'niji siojokia jloma ti i'nio 'wanjlijyi'n, María Magdala jleliki jla'yis japo Salomé, jlajaka 'neje jlaja María 'neje Santiago jlet yamat'iyisijpe siupi jini inkajk'i ti ja'nelinisik'i kiak t'ajwes masa ki Jesús.

Marcos 16:9

[Jlampa pajak'i ti yi' kisie'e ti tajli pi a'no', siojopa jloma ti inia'ne jla'a inkijmaye ti ajnaj 'wanjle ajnat'e, María Magdala jleliki japak iniane ti Jesús ini'wenkijna'm, siujlieja ti ijwiejietjimpe ti imose'l yiji ti iniujwank'i kisie'e.

Lucas 23:27

Je pini' papo i'nio' yamisik'i, wuj ti jijliak'ali po' papo asejnia, yapayija'm ti ip'ilisinis pa Jesús.

Lucas 23:49

Siojopo t'ajajnajwas pa Jesús, siu'neje japo asejnia namk'i, ti namisik'i ti tajla' Galiléaja, sek k'iejliyiji pa takasit'ijin'ni, ti i'yenisi'ni siupa iyo kiwaka.

Lucas 23:55

Siojopo asejnia jla'yist'iyisik'ipe pa Jesús ti tajlis Galiléaja 'wanjliyisiap isia'm pa José, ti i'winisi siupi yi'i japa ijnaki, i'yenis'ni siupa José yi'ne pa t'ajwes pa Jesús masa.

Lucas 8:30

Jesús i'yasen'ne ti iyo'ate: —¿Tepa e'e ijio'we? Isiujlie'ne pet ti iyo'ate: —Yi'i iyo'ate Kas'lo'weje'n. Kiak ijio'we kajeyepa ti 'lojompe puwak imose'l yiji pak i'nio'.

Juan 19:25

Siujlieja Jesús jlet sekyi'i, yi'i jlaja cruz, siu'neje jlaja jikitia jla'am jlaja jlet, siu'neje jlaja María Cleofas jik'iemjla, siu'neje jlaja María Magdala jleliki.

Hechos 1:14

Wikie'eyi pi nojwa'm jlamis initotis'ni wita'm, jla'yis'ni japo ji'yinis pa Jesús, siu'neje jlaja jlet María, siu'neje japo asejnia 'wenayi, ti iyoyis'ni t'ajlayeja'.