Lucas 8:16 - Sinia' Jlamtis 1994

¹⁶ “Je ti'wena wekie'e paka ne'yi ka imp'o'n ape'e ni'ne ka inen kiajwe pa jlo'wet ti jwat yi'ne japa jika kates. 'Wenajliyi wek ni jawone ti janen pijia'm, 'nakayeyi siunapo ijia ti ijioyi jlam pak ja ke int'opits'i'ni, kajeyepa ti jla'al 'yije'en ape'e.

Lucas 8:16 Iomraidhean Croise

Lucas 11:33

“Lajk'i wek paka ti'wena ka injweki'n japa jika kates ti jwat yi'ne, ka inen kiajwe paka k'iejliyeyi kamp'o'n ape'e. 'Wenajliyi siunie janwone ti janen pijia'm 'nakayeyi siunapo 'yu kiajwe jana 'wuk ja 'nakaj ape'e siupa ijiojwi ti t'iskiunk'iji'n.

Lucas 8:15

Jlam'ne pet siupuwa inseliaki ijniuj'li pa ajnat ti 'ejts'i, napoka siunapo i'nio' ti ijiate ti 'es ti isi'm ilia'm jla'yi ti iyoyi niwa Sinia' jlamtis, jla'yi ti its'iuyeje ni iyo. Jlam sek iniujliye'e pet siunie 'es ti iyo jlaye, siupapo tajla'm.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Apocalipsis 1:20

Siunie iyo 'niwa ji'we'en siu'niwa ijwienjli sikio' itij'we times tom'niji katese'l siu'niwa yi' poliyi, ti e'n isiojyi ti atojmat ijwiyeje, siu'neje 'niwa ijwienjli sikio' itij'we times tom'niji katese'l ji'wetis ti wikinie maja ti 'najli. 'Yina siu'niwa ijwienjli sikio' itij'we times tom'niji katese'l siu'niwa yi' poliyi, niwaka ijwienjli sikio' itij'we times tom'niji jijliujwajnas napo Sinia' jilis, jlampet siu'niwa ijwienjli sikio' itij'we times tom'niji katese'l ji'wetis, niwaka pet siuniwa ijwienjli sikio' itij'we times tom'niji Sinia' jilis ji'wetis.

Apocalipsis 11:4

Siunapo Sinia' jijwejlanawos times napoka pet siuniwa times a'la' olivok, siu'neje niwa times katese'l ji'wet ti yi' ts'e jitieyi'i ni Saka'niona ti ajnat jika'niona.