Lucas 8:12 - Sinia' Jlamtis 1994

¹² Siuniwa inseliaki ti ijniuj'li pa 'nayi, napoka siunapo i'nio' ti its'iutieje niwa Sinia' jlamtis, 'yina na'am ni imosik, ijialayi ti yitaja ni jlosik, ti iyo ka je ink'iuyisie, jla'yi ti iyo ka je injwajyi'n.

Lucas 8:12 Iomraidhean Croise

Mateo 13:19

Napoka siunapo ti ipi'yayisieta niwak Sinia' jlamtis, ti ijwi'il ni Sinia' jika anechijiayas, 'yina ti je 'yijene siunie iyoyiyi, 'nes ni imosik sekyi'i ti ijialayi siunie ipi'yata. Napoka'ne siunapo ti a'yejnap, puwak inseliaki ijniuj'li pa ajnat 'nayi yelk'a ape'e.

Mateo 13:4

Ti ijyijlitayi ti itiete ape'e siupa jikawijnana 'wet, po' puwa ijniuj'li pet siupa ajnat 'nayi yelk'a ape'e. Tal 'niji puwa ajwejnas puwaka'ne ti itionk'i kisie'e ti itiujwk'i.

Marcos 4:15

Po' siunapo iyo'ate jana inseliaki siojona ijniujlia'm siupa 'nayi: 'yina ipi'ya ni inamtik napoka, tal 'niji ni imosik ti sitiejiejwa, sekyi'i ijialayi siunie ti yintajets'i niwa jlosikis.

Lucas 8:11

“Siunie ijio'weyi ni siunie a'yejnap jiwekie'e iyo'ate: Siojona inseliaki a'yejnap niwa Sinia' jlamtis.

Lucas 8:13

Siupuwa inseliaki ijniuj'li siupa ajnat sisajas ji'wet pet, napoka pet siunapo i'nio' iyoyi ni inamtik, wuj ti yimi'n, 'es ti iyoyisi, 'yina lapakawo ti iyot'i 'ate ti jijwetise'l je tosits'i. Je pajta'aja ti iyoyi, yiyi jana jloma ti inkajejlasaye yiyetaja, mom iliyeyisi.

Lucas 8:5

—Pojompe pa i'nio' ya'am ti jankawijna'n. Ti iyoyeyi ka inkawijna'n itietayik'iji'n puwa jlalisi' puwa jisiliaki, siupuwa ijniuj'li siupa iniu'we pa 'nayi puwak i'nio' t'ask'i'ni'ne, jla'yi ti ajwejnas itiujwits'i.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.