Lucas 7:39 - Sinia' Jlamtis 1994

³⁹ Pak siupa Fariseo Jesús ijioyi, ti i'winat'iyipi, 'yina iyo'ne 'ate ti yini'ni jikiowe'e, “Jlamt'itie ka ijiatayi ka injwejlanik jiwoye siu'nie i'nio', jlam kiak je iyotaja'ni siojona asejnia ka inkie'ne, kajeyepa ti 'yijentaja paka inwone ti siojona asejnia je 'es, ijiate ti iyoyi ni jike'.”

Lucas 7:39 Iomraidhean Croise

Mateo 20:16

Jesús yine ape'e ti iyo'ate: —Kiak jawoyi, siunapo 'wanjlik'i isia'm ja nan'ni, jlampet siunapo inian'ni ja 'wanjliyek'i isia'm.

Mateo 21:11

Ijia isiujlie ti iyo'ate: —Siu'nie injwejlanik jiwo Jesús, ti Nazaret jlele ti yiji jana Galilea.

Marcos 7:21

Kajeyepa ti jitiowiji, ka iyot'e 'ate ni jlosik ni i'nio', sek taj'le siunie: ti jitienkiujnieyejes je isis, ti ijiuski'lan'ni ni i'nio' asejnia kiak iyojliyi, inkajlajnaye, inkalankijnieye.

Lucas 12:17

Siupa i'nio' itienkiun'ni ti iyo'ate, “¿Tepat'e jayo? Ti lajk'ipa kayi'ne ni yak ti jalie'ne, ti jalisa'n.”

Lucas 15:2

Siupapo Fariséojos, siu'neje papo taka'neyasane pet siupa Moisés jika'neyasajnaye, iyoyet'iyispe 'ate, ti iliakiyis pa Jesús: —'Yenayi pit siunie, je ikawona jla'yi ti isijwane siunapo je isis ti jike' po'.

Lucas 16:3

“Itienkiun'ni'ne siupa inkawo ti iyo'ate, “¿Tepat'e jayo ti ja tilinkinak'i ni isijmaye? Ti laja ijwiyeja' ka ilisane paka iwiesokie, ka ikawijna'n, jla'yi ti ts'ajwel ka 'yelk'i'ni papo, ka tiwok i'wiejieta'.”

Lucas 18:4

Jlampa je k'iejeyeyi'i pa i'ye'en napo jitis wus ti je i'yejne'n japak ask'ilieki, paj ti jitienkiujnieye kiak t'ipa iyonayipi 'ate, “Ya'am a'ne ti je sijliena'ni, je sots'ina pa Sinia', je awo lajaye napo i'nio'.

Lucas 3:8

Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

Lucas 7:16

Siupapo i'nio' ti i'winat'iyispe, wuj ti jnots'ijnits'i. Sektaj'le papo i'nio' ti iyunitisie pa Sinia', ti iyoyits'i 'ate: —¡Injwejlanik jiwo wuj 'ni a'wena ti yi' sikiowe'e! Kiak t'ipa iyoyeyisipi'iji 'ate: —¡Sinia' name 'napo jika kia'lis ti janoyeje!

Lucas 7:37

'Yina sekt'ipa yiye'epe siojopa asejnia, ti je inilesanijiyi ti iyoyi pi jike', seka'a yi'i japak isi'. T'ijieyi wekie'e pa Jesús ti yi' wet'e pak Fariseo, ti isijwane ti ti'yekiujni'n, yamat'ipi ti ijioyi, itiu'un siupa a'la' jlets'i ti jini inkajk'i, jiwe japa sisamak.

Lucas 7:38

'Yina yapayi'ni ti 'nesayi, yamitayi puwa jisietis pa Jesús, jitiet t'e' t'ipa itionatat'ik'i'nijpe puwa jisietis. Sekyi'i ti ji'wole ilijayik'i, yi'liak'i'ne ti its'iuye'ni, itime ti isiayeja'm siupa a'la' jlets'i ti jini inkajk'i.

Lucas 7:40

Pakayi'ne ti Jesús iyone'ate pak Fariseo: —Simón, po' ni jajwi'la'm. Simón isiujlie ti iyo'ate: —'Esiji, jwelkiamk'i'm kiu'.

Juan 4:19

Ti ipi'yaye ti kia'iyo, iyo'ne 'ate jlajak i'nioki: —'Yaka'niona, ijiatp'aneje ti a'm injwejlanik jiwo'wa'm.

Juan 7:12

Jle' po' wat ja Jesús, ti intaj totieje. Po' japo iyo'ate ti ijwilis, “I'nioyi jaka.” Po' japo iyo'ate, “Je 'es, 'yakajmank'iji'n napo i'nio'.”

Juan 9:24

Japo Judíojos yikiajlayisi'iji ti tanisi jak i'nio' ja talokpe, sekyi'i iyonisi'ni 'ate: —'Yejne'n, sa'am awok'iate jike' po' pak i'nio'. ¿Tepi jiwo pet ti a'am? Ká ajwelts'e'm pi jiniliakie jitieyi'i pi Sinia'.